Спорт
Облогот со Рамос и Модриќ го раздвижи Роналдо
Кристијано Роналдо во последниот месец има постигнато 17 гола, а во трката за најдобар стрелец му се доближи на Меси на три гола, иако пред неколку месеци тоа делуваше како невозможна мисија.
Португалецот во ноември минатата година постигна само еден г…


Кристијано Роналдо последниов месец има постигнато 17 гола, а во трката за најдобар стрелец му се доближи на Меси на три гола, иако пред неколку месеци тоа изгледаше невозможна мисија.
Португалецот во ноември минатата година постигна само еден гол во првенството, а неговиот конкурент Меси 12 пати ги тресеше противничките мрежи.
Во тој период медиумите се занимаваа со формата на Роналдо и го поставуваа прашањето дали се ближи крајот на неговата кариера.
Шпанските медиуми открија дека за подемот на формата на напаѓачот бил виновен облогот што Роналдо го направил со соиграчите Лука Мордиќ и Серхио Рамос.
Токму во ноември минатата година тој се обложил со овие двајца дека на крајот од сезоната ќе биде прв стрелец во лигата.
Според истите извори, станува збор за голема сума пари што победникот ќе ги уплати во хуманитарни цели.
Португалецот голгетерски експлодира по Нова година и за само два месеца му се доближи на Меси на само три гола. На девет од последните натпревари тој бил стрелец, вчера постигна четири гола против Џирона, а дури петпати бил двоен стрелец.
Покрај титулата најдобар стрелец во Ла Лига, интересна ќе биде и борбата за „Златната копачка“, каде што лидер е Мохамед Салах со 28 гола, а Роналдо со 22 е на осмото место.
„Златна копачка“ на Европа 2017/2018:
1. Мохамед Салах (Ливерпул) 28 гола
2. Лионел Меси (Барселона) 24
3. Единсон Кавани (ПСЖ) 24
4. Чиро Имобиле (Лацио) 24
5. Хари Кејн (Тотенхем) 24
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пропадна трансферот на Ребиќ во Хајдук

Една од најдолгите трансфер саги, во регионов ова лето заврши. Како што објави „Далматински портал“, 31-годишниот напаѓач, Анте Ребиќ, кој моментално е без клуб, не успеа да постигне договор со Хајдук.
Причината се финансиите. Новиот спортски директор Горан Вучевиќ и раководството на Хајдук не сакаат да даваат преголеми договори, а договорот бил да се понуди максимум 400 илјади евра годишно со бонуси.
Според сите информации, Ребиќ барал речиси двојно повеќе, околу 750 илјади евра.
Ребиќ има неколку понуди. Една е од Холандија, а неколку од нив се од Блискиот Исток и други делови од Азија. Наводно му нудат над два милиони евра таму, но Ребиќ сака да игра фудбал во Европа додека сè уште може.
Поранешниот хрватски репрезентативец е слободен агент откако неговиот едногодишен договор со Лече истече на почетокот на јули. Ребиќ не се истакна таму и постигна само еден гол на 27 настапи во Серија А, па Лече одлучи да не му понуди нов договор.
Фото/ Принтскрин
Спорт
Погачар го вози најскапиот велосипед на светот

Тадеј Погачар (26) е словенечки велосипедист и еден од најдоминантните возачи на својата генерација. Со 21 година, тој го освои Тур де Франс (три пати во кариерата), а до ден денес има освоено бројни победи на најголемите трки во светот.
Познат е по својата експлозивност на искачувањата, техничката вештина и тактичката зрелост. Вози за тимот на ОАЕ „Емирати“ и постојано го потврдува својот статус на еден од најдобрите возачи во историјата на велосипедизмот.
Неговиот тим објави на социјалните мрежи фотографија од велосипедот „Колнаго“ што Погачар го вози на Тур де Франс.
Станува збор за специјална верзија на „Колнаго V5R“. Тежи само околу 7 килограми поради неговата конструкција од ултралесна карбонска тркачка рамка, чија конструкција е многу цврста и лесна.
Серијата „Колнаго V“ (V4R/V5R), особено во тимската или ограничена верзија на Тур де Франс, е меѓу најскапите сериски велосипеди во светот.
Се проценува дека тркачкиот велосипед на Погачар вреди помеѓу 18 и 20 илјади евра, во зависност од изданието и дополнителната опрема, што го прави најскапиот велосипед во светот. За споредба, велосипедите од пониската серија Колнаго или постарите генерации (на пр. V3, C-RS 105) се движат помеѓу 2.500 и 6.000 евра.
Спорт
Феликс го одложи враќањето дома, се сели во Саудиска Арабија

Извесно е дека португалскиот фудбалер Жоао Феликс ќе ја продолжи кариерата во Саудиска Арабија.
Некогаш големиот талент за чии трансфер од Бенфика, пред седум години, Атлетико Мадрид издвои 136 милиони евра, ќе се пресели во Ал-Наср.
Ова е претставува изненадување за фудбалската јавност, бидејќи детали го делеа Феликс од враќањето во Бенфика.
Во приказната реши да се вмеша Ал Наср и букввално да го украде веќе виденото засилување од португалскиот гигант. Челзи ќе добие околу 57.000.000 евра, а Феликс ќе добие голема плата и можност да игра со Кристијано Роналдо.
Освен финансиите, тоа беше и негова голема желба бидејќи станува збор за човек кого го идолизира.
По заминувањето од Атлетико, Феликс не се снајде во Барса, Челзи, Милан…
Foto/ Prinskrin