Спорт
Официјализиран трансферот на Унаи Емери во Арсенал
Фудбалскиот клуб Арсенал, прв пат по 22 години доби нов тренер. Клубот, во средата, го именуваше Шпанецот Унаи Емери за нов тренер. Емери на клупата го наследи легендарниот Арсен Венгер.
„Унаи има остварено многу успеси во кариерата, работел во развива…


Фудбалскиот клуб Арсенал, прв пат по 22 години доби нов тренер. Клубот, во средата, го именуваше Шпанецот Унаи Емери за нов тренер. Емери на клупата го наследи легендарниот Арсен Венгер.
„Унаи има остварено многу успеси во кариерата, работел во развивањето на многу млади играчи. Тој инсистира на офанзивена игра, што во целост му одговара на Арсенал“, рекол извршниот директор на клубот, Иван Газдис.
Изборот на 46-годишниот Шпанец претставува изненадување, бидејќи најчесто поранешните играчи на Арсенал, Микел Артета и Патрик Вијера се спомнуваа како можни наследници на Венгер.
„Воодушевен сум што ќе му се приклучам на еден од најголемите клубови во светот. Арсенал и познат низ целиот свет им а многу навивачи, посветен е на младите фудбалери, има фантастичен стадион…Возбуден сум што се наоѓам во ваква позиција и што ми е овозможено да го преземам клубот“, дополнил Емери.
Англиските медиуми објавија дека Емери потпишал тригодишен договор вреден 15 милиони фунти.
Емери во изминатите две сезони го предводеше ПСЖ, но со францускиот тим не успеа да направи значаен исчекор во Лигата на шампионите. Најголемите успеси ги има постигнато со Севилја. Со екипата од Андалузија во периодо од 2014 до 2016 година ја освојуваше Лига Европа.
Во кариерата бил тренер и на Алмерија, Валенсија и Спартак Москва.
Europa League = ???
Ligue 1 = ?
Coupe de France = ??
Coupe de la Ligue = ??
Trophee des Champions = ??New Arsenal boss @UnaiEmery_ has been prolific in terms of winning trophies in recent years. ? pic.twitter.com/oRn8XhdQam
— Goal (@goal) May 23, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Д.Р. Конго нов спонзор на Барселона

Фудбалскиот клуб Барселона објави дека потпишал четиригодишен договор за спонзорство со Демократска Република Конго, со кој африканската земја ќе стане спонзор на дресовите на каталонскиот клуб.
Во соопштение на веб-страницата на клубот, Барселона соопшти дека договорот е потпишан со цел да се промовира фудбалот, културата и мирот. Клубот не објави финансиски детали, но шпанските медиуми објавија дека договорот е вреден 44 милиони евра.
Во следните четири сезони, дресовите за тренинг на сите професионални клубови на Барселона ќе го имаат натписот „R.D Congo – Coeur d’Afrique“, што во превод значи „Д.Р. Конко – Срцето на Африка“, отпечатен на задната страна.
„Овој договор означува заедничка посветеност за поттикнување на развојот на спортот во Конго и, како дел од соработката, клубот ќе придонесе за збогатување на тренингот на младите спортисти преку пренесување на својот екосистем на вредности, несомнен столб на моделот и стилот на Барса“, се вели во соопштението.
Барселона се обврза да учествува во развојот на кампови и програми за фудбал, кошарка, ракомет, футсал и хокеј на ролерки.
Договорот, исто така, вклучува и отворање на Домот на Демократска Република Конго во комплексот на стадионот „Камп Ноу“.
Договорот беше критикуван од бројни организации, поради тешката ситуација во Демократска Република Конго, каде што мнозинството од населението живее под линијата на сиромаштија, но и прашањата за почитување на човековите права, по извештаите за вонсудски егзекуции во последните месеци.
Фото/ Принскрин
Спорт
Млад дефанзивец на Ајакс во Челзи за 35,5 милиони фунти

Челзи постигна договор со Ајакс за трансферот на младиот дефанзивец Јорел Хато.
Како што објави „Скај спорт“, „сините“ ќе платат 35,5 милиони фунти (42 милиони евра) плус одредени бонуси за 19-годишниот холандски репрезентативец.
Хато ќе отпатува во Лондон во наредните денови на медицински прегледи пред да потпише повеќегодишен договор.
Тој не беше во тимот на Ајакс за Купот Комо во неделата бидејќи не сакаше да ризикува повреда пред да се пресели на „Стемфорд Бриџ“.
Челзи го реализираше трансферот на Хато, како замена за Марк Кукуреља на левата бековска позиција. Шпанецот минатата сезона одигра речиси 70 натпревари за клубот и репрезентацијата.
Хато ќе стане седмиот играч што Челзи го потпиша ова лето, по Жоао Педро, Лиам Делап, Џејми Гитенс, Естевао Вилијан, Дарио Есуго и Мамаду Сар.
Foto/ EPA
Спорт
„Залуден е талентот ако не работиш напорно“

Португалскиот фудбалер Жоао Феликс потпиша за Ал Наср пред неколку дена, иако беше на прагот да се врати во Бенфика. За Феликс зборуваше и неговиот поранешен соиграч Саул Нигез, кој објасни зошто Португалецот немаше брилијантна кариера како што се очекуваше.
„Фудбалот е тимски спорт. Тој ги имаше сите потребни квалитети за да стане фантастичен фудбалер, но не е важно колку си добар и талентиран, бидејќи ако не работиш напорно и не даваш 100 отсто од себе, тогаш сè е залудно“, рече Саул.
Новиот играч на Фламенго истакна дека тој и некои играчи на Атлетико се обиделе да му го објаснат ова на Феликс кога виделе дека не се труди доволно на тренинзите.
„Многумина од нас се обидоа да му помогнат на Феликс и да му ги објаснат овие работи, но ако тој не го сака тоа, тогаш тоа е крајот на приказната.“
Феликс во летото 2019 година за сума од 126 милиони евра му се приклучи на Атлетико од Бенфика. Само на моменти го покажуваше својот талент, учествуваше во освојувањето на шампионската титула во 2021 година. Атлетико го испраќаше на позајмици во Челси и Барселона, а минатото мето го продаде во Челси за 52 милиони евра. Пред неколку дена Ал Наср за 30 милиони евра го откупи неговиот договор.
Foto/ „X“