Спорт
Официјализиран трансферот на Унаи Емери во Арсенал
Фудбалскиот клуб Арсенал, прв пат по 22 години доби нов тренер. Клубот, во средата, го именуваше Шпанецот Унаи Емери за нов тренер. Емери на клупата го наследи легендарниот Арсен Венгер.
„Унаи има остварено многу успеси во кариерата, работел во развива…


Фудбалскиот клуб Арсенал, прв пат по 22 години доби нов тренер. Клубот, во средата, го именуваше Шпанецот Унаи Емери за нов тренер. Емери на клупата го наследи легендарниот Арсен Венгер.
„Унаи има остварено многу успеси во кариерата, работел во развивањето на многу млади играчи. Тој инсистира на офанзивена игра, што во целост му одговара на Арсенал“, рекол извршниот директор на клубот, Иван Газдис.
Изборот на 46-годишниот Шпанец претставува изненадување, бидејќи најчесто поранешните играчи на Арсенал, Микел Артета и Патрик Вијера се спомнуваа како можни наследници на Венгер.
„Воодушевен сум што ќе му се приклучам на еден од најголемите клубови во светот. Арсенал и познат низ целиот свет им а многу навивачи, посветен е на младите фудбалери, има фантастичен стадион…Возбуден сум што се наоѓам во ваква позиција и што ми е овозможено да го преземам клубот“, дополнил Емери.
Англиските медиуми објавија дека Емери потпишал тригодишен договор вреден 15 милиони фунти.
Емери во изминатите две сезони го предводеше ПСЖ, но со францускиот тим не успеа да направи значаен исчекор во Лигата на шампионите. Најголемите успеси ги има постигнато со Севилја. Со екипата од Андалузија во периодо од 2014 до 2016 година ја освојуваше Лига Европа.
Во кариерата бил тренер и на Алмерија, Валенсија и Спартак Москва.
Europa League = ???
Ligue 1 = ?
Coupe de France = ??
Coupe de la Ligue = ??
Trophee des Champions = ??New Arsenal boss @UnaiEmery_ has been prolific in terms of winning trophies in recent years. ? pic.twitter.com/oRn8XhdQam
— Goal (@goal) May 23, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Алкараз: Се уште не ми е јасно како го победив Синер

Шпанскиот тенисер Карлос Алкараз призна дека сè уште не му е јасно како успеал да го освои Ролан Гарос.
Минатата недела Алкараз стана третиот најмлад тенисер со пет Гренд слем титули, откако го победи Јаник Синер по пет сета и пет и пол часа игра.
Италијанецот имаше три меч топки при 2:1 во сетови, Алкараз волшебно се извлече, го доби четвртиот сет, а потоа во супер тај-брејкот во петтиот сет успеа да победи.
„Сè уште го гледам мојот телефон, медиумите и ги гледам снимките од дуелот против Синер и како успеав да ги спасам меч топките. Навистина не разбирам како победив. Сè уште сум во шок кога сфаќам што успеав. Сè уште не сум целосно свесен дека сум шампион на Ролан Гарос“, рече Алкараз.
По Париз, тој се упати кон Ибица.
„Беше забавно, три дена и три ноќи. Доволно. Искрено, бев таму повеќе ментално отколку физички. Најлудото нешто што го направив беше што останав надвор многу доцна. Танцував малку, но ништо повеќе од другите“, заклучи Алкараз.
Неговата следна станица е Квинс, каде што ќе биде првиот носител.
Спорт
(Видео) Ботафого го победи Сиетл, голманот Рамос спречи пораз на Порто

Порто и Палмеирас ремизираа без голови во А групата, а Ботафого во Б групата, го победи Сиетл со 2:1, во првото коло на Светското клупско првенство.
Фудбалерите на Порто не успеаја да ја потврдат доминацијата на Европејците на почетокот од Светското клупско првенство.
„Змејовите“ едвај избегнаа пораз против бразилскиот Палмеирас (0:0) во вториот натпревар од Групата А.
Бразилците покажаа заби, доминираа во овој натпревар, но португалскиот голман Клаудио Рамос беше непремостлива пречка.
Гоманот, кој со години му е резерва на Диого Кошта, имаше неколку неверојатни одбрани и му помогна на Порто да освои бод.
По првото коло во А групата, сите четири екипи во групата имаат по еден бод, бидејќи Интер Мајами и египетскиот Ал Ахли ремизираа без голови на отворањето на турнирот.
Вториот бразилски претставник, Ботафого, го отвори првенството со важна победа.
По голема борба, црно-белите го „скршија“ Сиетл со 2:1 во група во која апсолутни фаворити се Пари Сен Жермен и Атлетико Мадрид. Бразилскиот тим стигна до огромни три бода со головите на Жаир Куња и Игор Жезуз во првото полувреме.
На 15 минути пред крајот на натпреварот, Кристијан Ролдан им даде надеж на „Сондерс“ дека можеби ќе успеат да освојат бод, имаа целосна контрола на крајот, но не успеаја да стигнат до израмнување.
28’ |⚽| GOOOOAL, Jair Cunha heads it in for Botafogo's first goal of the FIFA Club World Cup 🔥
WATCH @Botafogo – @SoundersFC in the @FIFACWC now | June 14 – July 13 | Every Game | Free | https://t.co/i0K4eUtwwb | #FIFACWC #TakeItToTheWorld pic.twitter.com/NigUINEZvH
— DAZN Football (@DAZNFootball) June 16, 2025
44’ |⚽| GOOOOAL, another header from Botafogo, Igor Jesus makes it 2!
WATCH @Botafogo – @SoundersFC in the @FIFACWC now | June 14 – July 13 | Every Game | Free | https://t.co/i0K4eUtwwb | #FIFACWC #TakeItToTheWorld pic.twitter.com/n7B4LQwhTZ
— DAZN Football (@DAZNFootball) June 16, 2025
Со оваа победа, Ботафого се стави во добра позиција да се бори за место во втората фаза во веројатно директен дуел со Атлетико, по поразот на „јорганџиите“ од ПСЖ.
Спорт
Галатасарај ќе започне преговори за Чалханоглу

Фудбалскиот клуб Галатасарај е сериозно заинтересиран за фудбалерот на Интер, Хакан Чалханоглу. Капитенот на турската репрезентација има договор со Интер до јуни 2027 година.
Турските медиуми, во денешните изданија пишуваат дека се очекува доаѓањето на агентот на турскиот фудбалер Гордон Стипиќ во Истанбул за да се започнат преговорите. Засега не е познато колкаво обесштетување ќе побара Интер за Чалханоглу.
Специјализираната веб-страница „Трансфермаркт“ проценува дека вредноста на Чалханоглу на пазарот е 35 милиони евра, па се очекува дека Интер ќе бара толку.
Патем, Интер имаше лоша сезона, во самиот финиш ја загуби титулата во Серија А, која ја освои Наполи, додека во финалето на Лигата на шампионите загуби од Пари Сен Жермен.