Комичниот гол на Рафиња на натпреварот против Бенфика во Лигата на шампионите го обиколи светот.

Шпанскиот весник „Ас“ пишува дека „тоа би можел да биде најглупавиот гол во историјата на Лигата на шампионите“.

Се играше 64. минута кога Бразилецот го постигна првиот од двата гола на „Ла Луж“, во триумфот на „блауграна“ од 5:4.

Анатолиј Трубин при обидот да ја дегажира топката го погоди Рафиња во глава, а топката потоа заврши во мрежата.

Сите беа во шок, веројатно и самиот Рафиња, со чии гол во 96.минута Барселона го комплетираше спектакуларниот пресврт, а Барзилецот беше прогласен за играч на натпреварот.

Barcelona Score 'Weirdest Goal… Ever Seen Scored in the Champions League.' Raphinha just nabbed the easiest goal he'll ever have, and it doesn't appear he even meant to.

Barcelona and Benfica were locked in a wild Champions League match on Tuesday that saw some crazy action,… pic.twitter.com/hECY6cS0kr

— Vazquez, Ø 🍯 (@VGO3696) January 21, 2025

Никола Јокиќ со уште еден трипл-дабл, 19. во сезоната, го предводеше Денвер до убедливата победата во Филаделфија 144:109. Најдобриот играч на Филаделфија, Џоел Ембид и оваа година, како и во претходните пет го пропушти натпреварот во Колорадо.

Јокиќ на теренот мина 30 минути, а во последната четвртина не влезе во игра. Натпреварот го заврши со 27 поени (10/15 од поле, 2/3 од три, 5/5 од пенали), 13 скока, 10 асистенции, четири украдени топки, една блокада и две загубени топки.

Нагетс во првата четвртина имаа двоцифрено водство кое го задржаа до полувремето Во третиот период го уништија противникот.

Веднаш зад Јокиќ по ефикасност беше Џулијан Стротер со 23 поени, Кристијан Браун додаде 20, а Арон Гордон и Мајк Портер Јуниор имаа по 19 поени.

За Филаделфија најдобар беше Тајрис Макси со 28 поени и 10 асистенции. Гершон Јабусуле постигна 22 поени.

Следниот меч на Денвер е в петок од против Сакраменто, додека Филаделфија ќе го пречека Кливленд ден подоцна.

НБА, резултати:

Нетси – Никс 95:99
Хит – Блејзерс 107:116
Рапторс – Меџик 109:93
Нагетс – Сиксерс 144:109
Лејкерс – Визардс 111:88

Фудбалерите на Ливерпул со победата против Лил го потврдија првото место по првата фаза во Лигата на шампионите. „Црвените“ единствени забележаа седум победи во исто толку натпревари.

Ливерпул, на домашен терен забележаа победа од 2:1 против Лил, кој на „Енфилд“ пристигна како десеттопласира и со две победи во последните две кола.

Ливерпул го контролираше темпото во текот на првото полувреме, а поведе во 34. минута кога Мохамед Салах одлично реагираше по додавањето на Кертис Џонс.

Во вториот дел од натпреварот, гостите одговорија преку Канаѓанецот Џонатан Дејвид. Сепак, радоста на навивачите на Лил не траеше долго, бидејќи само пет минути подоцна Херви Елиот го врати Ливерпул во водство.

Лил сега е на 11-то место со уште добри шанси да се пласира меѓу осумте најдобри, додека практично веќе обезбеди место во најдобрите 24 екипи кои ќе играат плеј-оф плеј-оф за пласман во нокаут фазата.

Во последното коло Ливерпул ќе игра на гости кај ПСВ, Лил ќе го пречека Феенорд.