Спорт
Оцвирк потпиша тригодишен договор со Вардар
Надежот на словенечкиот ракомет, 20-годишниот Грегор Оцвирк е нов ракометар на Вардар, откако потпиша договор со поранешните европски шампиони.
Договорот со најдобриот стрелец на последното младинско ЕП е потпишан на две години со можност за уште една….
Надежот на словенечкиот ракомет, 20-годишниот Грегор Оцвирк е нов ракометар на Вардар, откако потпиша договор со поранешните европски шампиони.
Договорот со најдобриот стрелец на последното младинско ЕП е потпишан на две години со можност за уште една. Оцвирк веќе утре ги почнува подготовките со клубот и е втор Словенец кај „црвено-црните“, по Сташ Скубе.
Тој игра на позицијата лев бек е дел од генерацијата што го освои златниот медал на последното ЕП во Словенија. Оцвирк постигна вкупно 57 гола и беше најдобра стрелец. На финалето на последното младинско ЕП, Оцвирк даде 11 гола на средбата со Франција. Беше и дел од Ол стар тимот на ЕП.
„Вардар продолжува да биде место каде ќе играат ракометари што во себе поседуваат големи квалитети. Оцвирк е играч за кој во иднина очекуваме многу да се слуша, и тоа пред сѐ позитивни работи. Веруваме дека неговата младост, талент и веќе докажан квалитет во комбинација со она што го има Вардар ќе биде добитна комбинација. Покажуваме дека работиме на создавање на тим што ќе ја продолжи победничката приказна на клубот. Веруваме дека заедно со Оцвирк ќе се радуваме на уште доста успеси“, изјави Давор Стојаноски, извршниот директор на Вардар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Барселона го декласира Реал за 15. трофеј во Суперкупот
Барселона го освои 15. трофеј во Суперкупот на Шпанија. Во финалето, во Ријад, Барселона го декласира Реал Мадрид со 5:2 (4:1).
Барселона го надигра и го понижи најголемиот ривал во финалниот меч. Каталонците за 26 минути спакуваа пет гола во мрежата на Тибо Куртоа. Колку Реал беше инфериорен говори и податокот дека и со играч повеќе не успеаја да и наштетат на Барселона.
Во 52.минута исклучен беше голманот на Барселона, Војчех Шчесни.
Мбапе го постигна првиот гол на натпреварот во петтата минута. барселона изедначи во 22. преку Јамал, а до крајот на првиот дел погодија Левандовски, Рафиња и Балде.
На стартот од вториот дел, во 48.минута, петтиот гол го постигна Рафиња. По исклучувањето на Шчесни, Родриго го намали поразот.
Спорт
Дончиќ испадна од конкуренција за индивидуалните награди
Лука Дончиќ повеќе нема да има право да конкурира за индивидуалните награди оваа сезона во НБА лигата.
Ѕвездата на Далас Маверикс ќе го пропушти неделниот натпревар против Денвер Нагетс, што не е изненадување со оглед на тоа дека веќе е надвор од теренот поради повреда на левата потколеница и се очекува да отсуствува најмалку уште две недели.
Дуелот со Денвер ќе биде 17-ти натпревар што Дончиќ го пропушта оваа сезона, со што ќе ја прекине серијата од пет последователни појавувања во All-NBA First Team изборот.
Исто така, тој автоматски е елиминиран од трката за наградата МВП.
Дончиќ се приклучува на растечката листа на ѕвезди кои нема да го исполнат условот на НБА од 65 натпревари за да можат да бидат во конкуренција за наградите на крајот од сезоната. На таа листа се Каваи Ленард, Џоел Ембид, Зион Вилијамсон, Паоло Банкеро и Чет Холмгрен.
„За жал, тоа е норма сега со правилата кои се поставени“, изјави тренерот на Маверикс Џејсон Кид.
„Кога имате сериозна повреда, тоа може да ве исклучи, но сите знаеме дека тој е еден од најдобрите играчи. Секогаш се споменува како кандидат за наградата МВП”.
Спорт
(Видео) Манчестер јунајтед на пенали го исфрли Арсенал од ФА Купот
Манчестер јунајтед се пласираше во четвртото коло на ФА Купот, откако по голема драма го елиминира го Арсенал, во Лондон. По 90 и 120 минута резултатот беше 1:1, а пенал серијата избраниците на Рубен Аморим го добија со 5:4.
Јунајтед поведе во 52. минута, по една брза акција, Алехандро Гарначо го проигра Бруно Фернандеш, а тој со одличен удар го матираше Давид Раја.
Сепак, само девет минути подоцна, играчот на Јунајтед, Диого Далот беше исклучен поради втор жолт картон, а Арсенал веднаш го искористи тоа и го израмни резултатот на 1:1. Со малку среќа погоди Габриел, топката по неговиот удар на патот кон голот ја допре Де Лихт и го измами голманот Алтај Бајиндир, кој блескаше на голот на Јунајтед.
Имаа шанса избраниците на Микел Артета да направат целосен пресврт, но во во 72. минута Бајиндир го одбрани пеналот на Мартин Одегард.
Јунајтед целото продолжение го издржа со играч помалку, а на крајот решавачка во пеналите беше втората серија во која Бајиндир го одбрани ударот на Каи Хаверц. Бруно Фернандеш, Амад Диало, Лени Јоро, Лисандро Мартинез и Џошуа Зиркзе постигнаа голови за Јунајтед.