Спорт
Пандев: Не знам зошто поразот од Ерменија се доживеа трагично, беше само една лоша вечер
Предводникот на македонската фудбалска репрезентација, Горан Пандев е сигурен дека поразот во Ереван од Ерменија ќе се заборави и уште утре нашите фудбалери против Лихтенштајн ќе покажат со каков квалитет располагаат.
Попаднево Пандев и селектор Ангело…


Предводникот на македонската фудбалска репрезентација, Горан Пандев е сигурен дека поразот во Ереван од Ерменија ќе се заборави и уште утре нашите фудбалери против Лихтенштајн ќе покажат со каков квалитет располагаат.
Попаднево Пандев и селектор Ангеловски имаа средба со новинарите во пресрет на важниот меч во Вадуз, против Лихтенштајн.
„Поразот од Ерменија беше една само лоша вечер за нас, но и за судијата. Не знам зошто поразот од Ерменија некои го доживеаја трагично. Јас се уште стојам на тоа дека ова е нашата најдобра генерација во историјата и тоа ќе го докажеме утре“ – рече капитенот Пандев
Селекторот на репрезентацијта, Игор Ангеловски вели дека атмосферата секогаш била на највисоко ниво, така е и сега.
„Верував во оваа репрезентација кога малкумина веруваа. Не е важно против кого играме, туку за што играме, а утре играме за голема цел“ – вели Ангеловски.
По високиот пораз против Ерменија на кој со своите несреќни интервенции кумуваше и голманот Столе Димитриевски, селекторот е дециден:
„Тој е прв голман, тој брани во Примера и воопшто не се сомневам ни во него, ни во останатите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Барса веќе знае на кого ќе потроши 35 милиони евра следното лето

Преодниот рок наредната година ќе биде многу важен за Барселона, која мора да реши голем број клучни проблеми во тимот.
Веќе сега е јасно дека наредното лето, Барселона ќе мора да донесе централен дефанзивец и напаѓач. Исто така клубот треба да донесе донесе и одлука околу статусот на Маркус Рашфорд, кој моментално е на позајмица од Манчестер Јунајтед.
Рашфорд пристигна во Каталонија на едногодишен договор за позајмица со опција за откуп, за кој се верува дека е околу 34,5 милиони евра.
На почетокот на сезоната, во првите два месеци, Рашфорд покаѓа дека би бил добра инвестиција, доколку Барселона реши да го откупи неговиот договор.
Рашфорд одигра 10 натпревари со три гола и пет асистенции. Неговите настапи ги импресионираат челниците на Барселона, кои веќе се подготвени да донесат одлука за негови траен ангажман, пишуваат англиските медиуми.
Спорт
Тајсон Картер страда од белодробна тромбоемболија

Кошаркарскиот клуб Црвена звезда ги потврди лошите вести поврзани со плејмејкерот Тајсон Картер.
Американецот вчера бил хоспитализиран во Белград, а клубот потврди дека тој страда од белодробна тромбоемболија, што значи дека ќе има подолга пауза и закрепнување надвор од теренот.
Како што објави неговиот тим, по натпреварот со Фенербахче, Картер се пожалил на болки во градите и стомакот, како и на отежнато дишење.
Брзата реакција на медицинскиот персонал и стручниот штаб била клучна, а играчот веднаш беше префрлен во Клиничкиот центар, каде што му била дијагностицирана белодробна тромбоемболија.
Клубот му се заблагодари на Клиничкиот центар за брзата и професионална интервенција. Во моментов нема прецизна прогноза кога Картер би можел да се врати на теренот, бидејќи го очекува период на лекување и целосно закрепнување.
Белодробна емболија се јавува кога згрутчување на крвта (тромб), обично од длабоките вени на нозете (т.н. длабока венска тромбоза), се откинува и стигнува до белите дробови преку крвотокот. Потоа згрутчувањето блокира дел од пулмоналната артерија, така што тој дел од белите дробови повеќе не може да добие доволно крв и кислород.
Булмоналната емболија е сериозна состојба која бара строг одмор и терапија, а здравствената состојба на американскиот плејмејкер редовно ќе се следи.
Црвена зведа, во Евролигата, во вторник е четврток ќе ги пречека Жалгирис и Реал Мадрид.
Спорт
Почина Илија Темелковски

Ракометната и спортската јавност, денес изгубија вреден спортски работник, на 71-годишна возраст почина Илија Темелковски.
Во својот работен век како тренер ги предводеше Тинекс Пролет, Еурофарм Пелистер и Струга.
Како селекторт на младата репрезентација го освои четвртото место на Европското првенство во Полска во 2002 година.
Сениорската репрезенација ја однесе на Мундијалот во Хрватска, го освои 11-то место, но она што е позначајно, тука започна континуитет на учествоото на големите натпреварувања кој трае до денес.
Погребот е утре (14.10.2025) во 11:30 часот на Градските гробишта Бутел.
Фото: РФМ/Фејсбук