Спорт
Пеколен план на Реал, ќе издвои 500 милиони евра за Салах и Нејмар
Реал повоторно ќе игра финале во Лигата на шампионите, во кое ќе ја лови третата титула во низа, меѓутоа во Мадрид не се задоволни од сезоната што полека изминува.
Причините се јасни, Реал не се прослави во Ла Лига, од борбата за титулата испадна уште …


Реал повоторно ќе игра финале во Лигата на шампионите, во кое ќе ја лови третата титула во низа, меѓутоа во Мадрид не се задоволни од сезоната што полека изминува.
Причините се јасни, Реал не се прослави во Ла Лига, од борбата за титулата испадна уште во декември, а тимот на Зинедин Зидан не се прослави ниту во Купот на Кралот, во четврт-финалето подобри беа фудбалерите на Леганес.
Поради тоа во клубот планираа голема реконструкција во летниот преоден рок, а како што пишуваа шпанските медиуми, Реал планира за само двајца фудбалери да потроши 500 милиони евра.
Напаѓачкото трио ББЦ (Бензема, Бејл, Кристијано) ќе замине во историјата, или двајца од овои тројца треба да го напуштат клубот, а новиот трилинг би требало да биде СЦН (Салах, Кристијано, Нејмар).
Оптимизмот на „Сантијаго бернабеу“ е толку голем, што сите биле убедени дека Нејмар ќе потпише за Реал пред почетокот на Светското првенство. Реал би платил 300 милиони евра за Бразилецот, а тој од Лука Модриќ би го добил дресот со број 10.
Мадридските медиуми се убедени и дека Флорентино Перез подготвува понуда и за Мохамед Салах. Египќанецот сезонава е еден од најдобрите во светот, а Реал за него на Ливерпул ќе му понуди 200 милиони евра.
Шпанците шпекулираа дека Ливерпул би ја прифатил оваа понуда, бидејќи менаџерот Јирген Клоп не верувал дека Салах во иднина ќе има уште една ваква сезона.
Парите за овие трансфери Реал планира да ги обезбеди од продажбата на неколку играчи, но и од спонзорите, односно од бродажбата на дресовите и влезниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Евертон сериозно заинтересиран за Кубо

Евертон започна преговори со Реал Сосиедад во врска со потенцијалниот трансфер на на јапонскиот интернационалец Такефусе Кубо. Крилниот напаѓач има 24 години, а во Сан Себастијан пристигна како поранешен член на Реал Мадрид.
Кубо постигна седум гола и додаде четири асистенции за Сосиедад минатата сезона, а неговиот договор е до летото 2029 година. Шпанскиот клуб го проценува на вредност помеѓу 30 и 40 милиони евра, а Евертон го гледа како важно засилување пред новата сезона.
Кубо наводно е отворен за премин во Премиер лигата, и доколку преговорите бидат успешни, трансферот би можел да биде заклучен во наредните денови.
Foto/ EPA
Спорт
Арсенал постигна договор со Спортинг и Ѓокереш

Крајот на сагата помеѓу шведскиот напаѓач Виктор Ѓокереш и Арсенал се ближи кон крајот. Наскоро двете страни ќе склучат петгодишно партнерство.
Според добро информираниот инсајдер Фабрицио Романо, Арсенал постигнал договор со шевдскиот напаѓач.
На крајот, Спортинг од Лисабон ја прифатил понудата на лондонскиот клуб од 63,5 милиони евра, со потенцијални бонуси кои би можеле да изнесуваат дополнителни 10 милиони.
Сагата околу Џокерес и Арсенал трае со недели, а сега само се чека официјална потврда од Арсенал.
Ѓокереш потпиша за Спортинг во 2023 година, кога Ковентри заработи 24 милиони евра од трансферот.
Тој ја воодушеви целата планета, бидејќи постигна 54 гола и запиша 13 асистенции во 52 натпревари во сите натпреварувања.
Ѓокерешј игра за шведската репрезентација од 2019 година, а до денес постигна 15 голови во 25 настапи.
Foto/ EPA
Спорт
Унгарија го запре олимпискиот првак, ќе се бори за златото на СП

Унгарија ќе се бори за светската титула во ватерполо, откако во второто полуфинале ја победи Србија со 19:18.
Србите беа на чекор до волшебен пресврт, но не успеаја да се изборат со времето.
На почетокот, адутот на Србија беше во ситуации со играч повеќе, но Унгарците премногу лесно создадоа вишок и лесно погодуваа од чисти ситуации.
Првиот период Унгарија го доби со 6:3, а Србите се вратија целосно во натпреварот во втората четвртина, дури и водеа 7:8, на крајот првиот дел заврши 8:8.
Третата четвртина беше клучна за конечниот исход. Унгарците постигнаа осум, а примија само четири гола. Кога на стартото на последниот период Унгарија дојде до 17:12 се чинеше дека мечот е готов. Но Србија дојде на гол негатива, на 18:17 ударот на Мандиќ заврши во гредата, а потоа во последната минува Вигвари постигна гол за 19:17.
Успеа Србија да возврати преку Чук, но пото немаше време за нешто повеќе.
Мандиќ ја предводеше Србија со пет гола, додека Фекете и Манхерц постигнаа по четири за Унгарците.
Унгарија ќе игра против Шпанија во финалето, додека Србија за бронзениот медал ќе игра против Грција. Натпреварите се на програмата во четврток.
Фото/ Принтскрин