Спорт
Портланд повторно победи (Видео)
Кошаркарите на Портланд ја продолжија победничката серија и во пресметката со ЛА Клиперс. Трејлблејзерс во Стјплс центар, во Лос Анџелес, слевеа 122:109 и ја запишааа 13.победа во низа.
Портланд против Клиперс го предводеа Демијан Лилард со 23, односно…
![](https://makfax.com.mk/wp-content/uploads/2018/03/7c4bfef71a88d80fe10c824818aa5771.jpg)
![](http://makfax.com.mk/wp-content/uploads/2018/03/7c4bfef71a88d80fe10c824818aa5771.jpg)
Кошаркарите на Портланд ја продолжија победничката серија и во пресметката со ЛА Клиперс. Трејлблејзерс во Стјплс центар, во Лос Анџелес, слевеа 122:109 и ја запишааа 13.победа во низа.
Портланд против Клиперс го предводеа Демијан Лилард со 23, односно Си Џеј Мекалум и Морис Харклс со по 21 поен. Забележителен настап имаше и Јусуф Нуркиќ со 17 поени и 12 скока.
Лу Вилијамс беше најдобар кај Клиперс со 30 поени. Српските репрезентативци Милош Тедосиќ и Бобан Марјановиќ одиграа просечен натпревар. Теодосиќ имаше учинок од шест поени и три асистенции, а Марајновиќ запиша четири поени и пет скока.
Хјустон маршира кон првата позиција на Западот и воопшто во лигата што ќе му донесе предност на домашниот терен низ плејофот.
Ракетите ја совладаа Минесота 129:120. Џејмс Харден забележа 34 поени и 12 асистенции, а Клинт Капела имаше учинок од 16 поени и 12 скока.
Минесота ја предводеше Џеф Тиг со 23 поени, два помалку реализира Ендру Вигинс, а по 20 поени постигнаа Карл-Ентони Таунс и Џамал Крафорд. Некогашниот МВП во Евролигата, Немања Бјелица забележа 15 поени, шест скока и три асистенции.
Њу Орлеанс губеше на полувремето против Бостон, а на крајот стигна до убедлива победа 108:89. Ентони Дејвис со 34 поени и 11 скока ги предводеше Пеликаните, додека кај Селтикс, во чии редови ги немаше Кајри Ирвинг и Ал Хорфорд, најефикасен беше Џејсон Тејтум со 23 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
„Француското проклетство“ излечено со европскиот трофеј
![](https://makfax.com.mk/wp-content/uploads/2024/07/f.jpg)
Меѓусебните дуели на овие две селекции датираат од 1926 година и во вкупниот скор вклучително и пријателските, Франција е далеку надмоќна со дури 19 победи, шест порази и три нерешени.
Првите три средби беа во полуфиналето на големите натпреварувања ЕП 1984 и 2000 година и Светското првенство во 2006 година.
Франција славеше три пати. Португалците сепак ги совладаат во дуелот за трофејот.
Тоа беше во финалето на Европското 2016, во Париз.
Така финалистот на Светското првенство во Катар стигна до четвртфиналето на Европското првенство.
Во првиот натпревар Вебер со автогол им донесе три бода против Австрија.
Следеа нерешени средби со Холандија и Полска. Првиот беше без голови, а во вториот Мбапе беше сигурен од белата точка.
Тие стигнаа до четвртфиналето благодарение на автоголот на белгискиот стопер Јан Вертонген. Ниту 19. удари кон голот на „црвените ѓаволи“ не беа доволни за да го матираат ривалскиот голман.
„Галските петли“ имаат тројца напаѓачи во тимот кои се меѓу четворицата најдобри стрелци во историјата на француската репрезентација. Рекордер е ветеранот Оливие Жиру, Антоан Гризман и е еден од најдобрите играчи во светот Килијан Мбапе.
Спорт
Последен натпревар за германскиот фудбалер Тони Крос
![](https://makfax.com.mk/wp-content/uploads/2024/07/kross1.jpg)
Германскиот фудбалер Тони Крос го одигра последниот натпревар во својата професионална кариера.
Крос пред почетокот на Европското првенство одлучи дека тоа ќе биде последен турнир за него.
Претходно го раскина договорот со Реал Мадрид и сакаше да ја заврши кариерата со трофејот кој е единственото нешто што му недостига.
Така Германецот ќе ја заврши кариерата со 832 натпревари и 80 голови.
„На моите последни натпревари ова лето, имав огромна желба да го освојам ова европско, заедно со мојот тим“, изјави Крос
Но, во тоа го спречија Шпанците, кои победија против Германија со 2:1 по продолженијата, со што Крос ги уништи соништата за трофеј на ЕП 2024.
Спорт
(ВИДЕО) „Црвената фурија“ фуриозно во 119. минута
![](https://makfax.com.mk/wp-content/uploads/2024/07/morino.jpg)
Фудбалерите на Шпанија се пласираа во полуфиналето на Европското првенство откако во дерби натпреварот ја совлада Германија со 2:1.
Се играше брз и динамичен фудбал, без калкулации.
Имаше можности, многу картони, возбудувања и голови, а натпреварот беше решен во неизвесна завршница.
На крајот, Шпанија имаше повеќе среќа, но и повеќе вештина и по долг период на доминација на Германците и голем број на пропуштени шанси, успеа да го повтори успехот од претходното ЕП и да се пласира меѓу најдобрите четири селекции.
Избраниците на Луис де ла Фуенте славеа со голот на Мерино во 119. минута од натпреварот.
Претходно Олмо ги доведе Шпанците во водство, Германците потоа напаѓаа како ураган.
Имаа шанси, ја погодија стативата, а преку Вирц во 88. минута го постигнаа заслуженото израмнување.
И во продолжението Германците беа подобри, поблиску до голот, Вирц имаше уште една голема шанса, Фулкруг беше неверојатен.
Шпанците имаа проблем со него, но Шпанците имаа човек на одлука во Мерино.
На една минута пред крајот на продолжението, на асистенција на Олмо, Мерино го направи најдобриот скок, и го матираше Нојер – на голема жалост на Германците во Штутгарт.
Судијата Ентони Тејлор покажа дури 16 жолти и еден црвен картон.