Спорт
„Потоп“ на Сасуоло, минималец за Интер, СМС го спаси Лацио (Видео)
Аталанта го прегази Сасуоло, Милинковиќ-Савиќ (СМС) спаси бод за Лацио, а Балде Кеита погоди за минимален триумф на Интер во Емполи.
Словененецот Јосип Иличиќ постигна хет-трик, а по еднаш мрежата на Сасуоло ја погодија Запата, Гомез и Манчини во убедл…
Аталанта го прегази Сасуоло, Милинковиќ-Савиќ (СМС) спаси бод за Лацио, а Балде Кеита погоди за минимален триумф на Интер во Емполи.
Словененецот Јосип Иличиќ постигна хет-трик, а по еднаш мрежата на Сасуоло ја погодија Запата, Гомез и Манчини во убедливата победа на Аталанта 6:2. Во најубедливот домашен пораз оваа сезона, двата гола за Сасуоло ги постигна Алфред Данкан.
Лацио и Торино одиграа 1:1 во натпревар со осум жолти и два црвени картони. Гостите од Торино постигнаа гол преку Белоти во третата минута од судиското надополнување на времето во првото полувреме.
Бод за Лацио спаси Милинковиќ-Савиќ со убав удар од далечина во 62.минута. До крајот на мечот црвени картони добија Марушиќ (Лацио) и Меите (Торино).
Интер со 1:0 славеше во Емполи. Кеита Балде го постигна единствениот гол во 72.минута. Ова е шестата победа со минимален резултат за Интер оваа сезона.
Рома успешно го мина гостувањето во Парма. „Волчицата“ победи со 2:0, со головите на Брајан Кристанте и Џенгиз Ундер. Со ист резултат Удинезе славеше над Фиорентина. Игнасио Пуесто и Валон Бехрами беа стрелци на головите на „Фриули“ стадионот.
Фудбалерите на Киево во 19.коло ја забележаа првата победа во сезоната. Со голот на Емануеле Џакерини, Киево славеше над Фросиноне.
Без голови заврши пресметката помеѓу Џенова и Фиорентина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.