Милорад Мажиќ, раководител на одделот за судење и инспекција на Руската фудбалска федерација, откри кого го смета за најдобар судија во историјата на фудбалот.

Србинот е вработен во најголемата земја во светот од 2023 година, а во интервју за Спорт-експрес, го издвои судијата број 1.

„Без сомнение, Пјерлуиџи Колина е најдобар. Поади него јавноста и навивачите го сменија мислењето за судиите, системот, воведе конзистентност. Работел во многу земји – бев во Саудиска Арабија и САД, нема попознат судија во светот“, рече Мажиќ.

Колина ја започна својата судиска кариера во 1977 година, а се пензионираше во 2005 година. Шест години по ред (од 1998 до 2003 година), тој беше најдобриот судија во светот, избран од Меѓународната федерација за фудбалска историја и статистика (IFFHS). Во 2011 година, беше примен во Куќата на славните на италијанскиот фудбал. Од 2017 година, Колина ја води судиската организација на ФИФА.

За Мажиќ, најголемата грешка на судијата во историјата е голот на Диего Марадона во четвртфиналниот натпревар на Светското првенство во 1986 година помеѓу Аргентина и Англија.

„Ако се обидеме да се дистанцираме од емоциите, првото нешто што ни паѓа на ум е „Божјата рака“ на Марадона. Судијата на теренот не виде дека играше со рака и го призна голот. Но… тоа е Марадона – сфаќате што значи. Кој го критикуваше тогаш Марадона? Никој. Сите го нападнаа судијата“, нагласи Мажиќ.

Фото/ Принтскрин

Кариерата на Томас Милер во Ванкувер Вајткепс доби нова димензија во ноќта помеѓу среда и четврток, а Милер го освои 35-от трофеј во својата кариера.

Ванкувер Вајткепс го победија својот градски ривал Ванкувер со 4:2 и го освоија Купот на Канада четврти пат по ред. За да биде сè уште поинтересно, двата тима од Ванкувер го одиграа својот прв дуел, со оглед на тоа што не се натпреваруваат во исти лиги. Вајткепс играат во МЛС, додека Ванкувер се натпреварува во канадската Премиер лига.

Милер забележа асистенција и постигна гол од пенал и со тоа придонесе за освојување на титулата. Ова беше 300-тиот гол на Милер во неговата кариера, но што е поважно, 35-тиот освоен трофеј. Всушност, Милер има и еден шампионски трофеј во младинското натпреварување со Баерн.

Ванкувер е вториот клуб со кој Милер освоил трофеј. Со Баерн освои 33, а со германската репрезентација беше светски шампион.

„Не играм фудбал само за да освојувам трофеи, сакам да бидам на теренот“, рече Томас Милер и дополни.

„Не сум најуспешниот германски фудбалер на сите времиња. Би рекол дека сум човекот со најмногу трофеи“.

Али Ахмед постигна два гола за победниците, а меѓу стрелците во финишот беше и Рајан Гулд, кој го одигра првиот натпревар по шестмесечна пауза поради повреда. Головите за Ванкувер ги постигнаа Тиерно Бах и Николас Мазкеида.

Новиот трофеј во Купот му донесе на Ванкувер директен пласман во Купот на шампионите на КОНКАКАФ. Минатата година, Вајткепс загубија во финалето од Круз Азул.

Фото/ Принтскрин

Македонскиот првак Шкендија, вечерва го игра дебитантскиот натпревар во главната фаза на Конференциската лига. Шкендија во Мадрид му гостува на Рајо Ваљекано.

Тренерот на Шкендија, Јетон Беќири зборуваше пред дуелот на „Ваљехас“ стадионот.

„Ова е важен натпревар за сите нас, за клубот. Историски е ова е нашето деби во Конференциската лига. Исто така, е исклучително што ќе играме против екипа од еден многу респектиран шампионат“, рече Беќири проговори и за противникот.

„Верувам дека не би било коректно да издвојам еден фудбалер на Рајо Вајекано, затоа што имаат многу квалитетни играчи и би сакал да ги почитувам сите. Што се однесува до играта, тие се агресивни, играат модерен фудбал и атмосферата што се создава овде на стадионот секогаш е извонредна.“

„За нас е важно да имаме добра игра, да се обидеме да го дадеме максимумот. Вистина е дека не сме се соочиле со тимови од вакво ниво, од ваква лига каква што е Ла Лига, која според мене е најсилниот шампионат во светот“.
Натпреварот во Мадрид ќе започне во 18.45 часот.

Foto/ kfshkendija.com