Спорт
По победа во Ереван за потврда на добрата форма
Фудбалската репрезентација на Македонија вечерва во Ереван ќе го одигра натпреварот од четвртото коло, во Д-дивизијата во Лигата на Нации. Победа на овој меч ќе и обезбеди на Македонија место во плејофот каде ќе се разигрува за пласман на Европското пр…
Фудбалската репрезентација на Македонија вечерва во Ереван ќе го одигра натпреварот од четвртото коло, во Д-дивизијата во Лигата на нации. Победа на овој меч ќе ѝ обезбеди на Македонија место во плејофот каде што ќе се разигрува за пласман на Европското првенство во 2020 година.
Македонија во досегашниот тек од натпреварите во Лигата на нации има три победи во исто толку натпревари. Избраниците на Игор Ангеловски ја предводат групата со девет бода, пред Ерменија, Лихтенштајн и Гибралтар кои имаат освоено по три бода.
Добрата форма и серијата од десет натпревари без пораз се темелите врз кои се гради оптимизмот во таборот на македонската селекција. Исто така, на македонска страна е и традицијата, во досегашните седум одиграни натпревари Македонија има три, а Ерменија две победи, додека двапати дуелите помеѓу овие две селекции завршувале нерешено.
Последниот меч, одигран во Скопје пред еден месец, заврши со победа на Македонија 2:0. Стрелци на головите беа Пандев и Алиоски.
Од друга страна, Ерменците се соочуваат со низа проблеми, пред сите лошите односи во соблекувалната, кои кулминираа со сензационалниот пораз од аутсајдерот Гибралтар во саботата.
Натпреварот во Ереван ќе почне во 18 часот.
фото: ffm.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.