Спорт
Пред утрешното финале, „Макфакс“ во музејот на Вимблдон: Местото во кое времето е застанато, но историјата се испишува секој ден
Пред утрешното финале, Макфакс во музејот на Вимблдон,
Од специјалниот известувач за „Макфакс“:
Во склопот на Вимблдонското село, покрај осумнаесетте тениски игралишта, се наоѓа и музејот на тенискиот турнир, кој е направен како еден долг кружен коридор, кој посетителот го изодува во вид на кружна патека, која го води низ годините, децениите и трите века од постоењето на Ол Ингланд Клубот.
На самиот почеток на тој цикличен пат низ историјата, ќе ве пречека цитатот на една од најуспешните тенисерки во историјата на овој спорт, Били Џ. Кинг, според која тенисот претставува совршена комбинација на насилни акции кои се одвива во мирна атмосфера. На истиот постер стои и објаснувањето како тенисот го добил своето име. Прво се нарекувал на француски Jeu de Paume или игра со дланка, бидејќи топката се фрлала со дланката на раката. Како Jeu de Paume станало тенис вечна е мистерија и се претпоставува дека, можеби, името доаѓа од зборот тенез, што значи држи или внимавај, зборови кои ги извикувале играчите пред да сервираат.
Веднаш потоа ќе ве пресретне масло на плато со портрет на Гулиамо Барселон, најпознатиот тенисер од 18. век, кој играл тенис на терените кои му припаѓале на Кралот Луи 15. Паралелно со неговиот портрет е изложен тениски рекет од крајот на 18. век изработен во Франција. Рачката и рамката му се обвиткани со телешка кожа.
Вистинскиот тенис, или како се нарекувал Кралевскиот тенис, се развил од играта со дланка. Тој прво се играл во кралските палати и црквените простори. Топчињата се изработувале од компресирани влакна од волна, кои се обложувале со кожа како би имале мала отскочност.
Првиот тенис на трева почнал да се игра во 1872. од Хери Гем и Аугурио Перера кои во Лемингтон го формирале првиот тениски клуб.
На 2. јуни 1877. Ол Ингланд клубот донел одлука да се отпочне со организирање турнир во тенис (денес познат како Вимблдон). Оттогаш, па сè до 1883. на победникот му се доделувал Сребрениот пехар, на кој се изгравирани имињата на сите победници во тој период.
Тогашните рекети биле изработени од дрво и кожа, и биле во заоблена правоаголна форма.
Тенисот на трева бргу постанал популарна забава, која им давала можност на младите девојки да флертуваат и запознаваат момчиња додека уживале во играта на отворено. Овој период е познат како Викторијанско лудило (според Кралицата Викторија). Тениската забава постанала важен чинител на социјалното живот. Низ цела Англија почнале да се отвараат нови клубови, кои покренувале сопствени турнири. Во 1884 година, Мод Ватсон постанала првата жена победник на турнирот.
Тогашните соблекувални за тенисерите наликувале на берберски салони, во кои играчите имале комплетен прибор за да го дотераат својот изглед пред да излезат на теренот.
Во раното Едвардово доба (по Кралот Едвард седми) Вимблдон станува 14-ет дневен турнир, кој привлекувал бројна публика, која го исполнувала огромниот простор помеѓу улицата и железничката пруга. Тогаш на турнирот почнуваат да настапуваат и тенисери од другу држави. Во 1905., Американецот Меј Сутон постанал првиот шампион од странство.
Во дваесеттите и триесеттите години од минатиот век, водечките француски и американски тенисери му донеле филмски гламур на турнирот. Тоа се и последните години кога домашните играчи го освојувале шампионатот.
Вимблдон за време на Втората светска војна бил целосно ставен во функција за логистичка помош за потребите на војската. На 31. август 1939 година, само еден ден пред Германија да ја нападне Полска, во неговите простории се сместиле медицински сестри и негувателки, Црвениот крст и Бригадата за итна помош. Паркиралиштата биле преорани за да се насадел зеленчук, како и за одгледување свињи, кокошки, патки, гуски и зајаци. Дури имало и едно магаре.
По завршување на војната, тенисот и Вимблдон почнуваат да го добиваат модерниот облик, што се гледа и преку новата изработка на тениските рекети, во чие иновирање се користела и свемирската технологија. Жените почнуваат да се натпреваруваат во кратки здолништа.
Тениската облека за мажите во 20-ите и 30-ите била комбинација од елегантен и лежерен стил.
Воведувањето на кратки панталони наишло на значаен отпор. Тенисерската звезда Рене Лакоста имал трајно влијание на машката тениска облека, кога го развил сопствениот бренд познат како Крокодил.
а+б Во Музејот е изложена и специјално направената инвалидска количка со која Џордана Вили освоила бројни гренд слемови за параспортисти.
Во една од витрините е прикажан и женскиот победнички трофеј, кој за прв пат е претставен во 1886 година. Постољето му е направено во 2016 година, бидејќи повеќе на него немало место да се гравираат имињата на победничките.
Позлатениот пехар за победникот во машка конкуренција за прв пат бил претставен во 1887 година. Оттогаш, победникот има право пехарот да го чува до 1. јули наредната година, кога мора да го врати на секретарот на Ол Ингланд клубот. Пехарот не смее да се изнесува надвор од Обединетото Кралство и кога турниорот ќе го освои странски тенисер, пред да го напушти Островото, мора да го депонира во Банка во Лондон или на друго место по избор на доверителот. Победникот на шампионатот добива реплика на пехарот во трајна сопственост.
На истиот начин како што започна ова патување низ историјата на тенисот и Вимблдон, така и завршува – со цитат од тенисер. Таа чест му е укажана на хрватскиот тенисер Горан Иванишевиќ, кој, по освојување на шампионатот во 2001., изјавил: „Дури и никогаш повеќе да не победам друг меч – не ми е грижа. Што год да правам, каде год да одам, јас ќе бидам Вимблдонски победник“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата ги промени правилата поради богатите сопственици
Премиер лигата ги усогласи своите прописи за клупско спонзорство во петокот, со одобрение од мнозинството клубови, како одговор на правната битка што ја води Манчестер сити.
Челниците на актуелниот шампион се противеа од самјот почеток на предлогот. Станува збор за правилата што ги регулираат спонзорските договори склучени со компании поврзани со сопственици на клубови или трансакции со поврзани страни (AПT).
Целта е да се осигура дека договорите претставуваат реална пазарна вредност и дека сопствениците не можат да потпишуваат вештачки надуени спонзорски договори со своите клубови во име на сопствените компании и на тој начин на неодредено време да ги зголемуваат нивните буџети.
Арбитражната комисија во септември одлучи дека таквите правила не се во согласност со слободата на конкуренцијата и пазарот. Се чинеше дека Сити ќе го добие спорот, но денеска Премиер лигата сепак гласаше за одредени измени на правилата за спонзорства.
За промена на правилата на лигата потребна е согласност од две третини, односно 14 клубови, а во овој случај согласност дале 16 од нив.
Против новите правила покрај Сити беа Астон Вила, Нотингем Форест и Њукасл. Според новите правила, сопствениците или акционерите на клубовите ќе можат да им даваат позајмици на клубовите, но посебни комисии во чија работа ќе можат да учествуваат клубовите ќе ја одредуваат висината на овие заеми во согласност со реалната пазарна цена.
Ова сепак нема да претставува сериозен удар за најбогатите клубови, но ќе го направи процесот на зголемување на нивните буџети нешто покомплексен. Пред да ја одобрат позајмицата, сопствениците ќе треба да докажат дека клубот може да ја врати вредноста на вложените пари на пазарот преку маркетинг, ТВ права и слично.
Спорт
Сејбен Ли експресно го напушти Макаби
Американскиот кошаркар Сајбен Ли по само шест недели ќе го напушти Макаби од Тел Авив.
Ли пристигна во „Гордоста на Израел“ по двете одлични партии за Маниса во Лигата на шампионите на ФИБА, а добар старт имаше и во Макаби.
Против Ефес постигна 23 поени, а потоа во последната секунда погоди за победа над Реал Мадрид.
Ли ќе се врати во Маниса, која се мачи оваа сезона, особено во турскиот шампионат, каде има само една победа во седум натпревари.
Инаку, тој го пропушти тренингот минатата недела, а со соиграчите се виде ден пред мечот со Армани.
Тој вечера не влезе во игра во дуелот со „манекените“ во кој Макаби го претрпе четвртиот последователен пораз.
Ли оваа сезона во Евролигата има просек од 12 поени, 2,5 асистенции и 2,1 скока.
Спорт
Бобан (повторно) на суд го доби Милан
Милан незаконски го разреши Звонимир Бобан (56) од функцијата спортски директор, одлучи Врховниот суд на Италија, а соопштија „Спорт Италија“ и фудбалски инсајдер Николо Шира. Да потсетиме, Бобан го тужеше Милан за отштета откако беше отпуштен од директорската функција во март 2020 година. На таа позиција тој помина девет месеци.
Во првата постапка судот одлучи дека клубот на Бобан мора да му плати 5.375.000 евра. Од нив, 4.125.000 евра се за материјална, а 1.250.000 за нематеријална штета, плус камати и ревалоризација и 843 евра трошоци и 51.450 евра за адвокатски трошоци.
Милан се жалеше на таа одлука, а судот во Милано во втората постапка ја намали казната на околу 4.200.000 евра, па Бобан мораше да ја врати разликата во износ од околу 1.200.000 евра.
Бобан ја обжали пресудата, а откако Врховниот суд пресуди во негова корист Милан ќе мора да му ги врати тие 1.200.000 евра.
Извесен период Бобан не се согласуваше со тогашната управа на клубот во кој главен говорник беше Иван Газидис, а потоа се огласи во интервју за „Газета дело Спорт“.
Во интервјуто тој отворено одговори на повеќемесечните гласини дека него, Малдини и тренерот Стефано Пиоли на лето ќе ги наследи еден човек, австрискиот фудбалски стручњак Ралф Рангник, кој на крајот не дојде во клубот туку ја презеде репрезентацијата на Австрија.
„До пред неколку дена мислев дека приказните за две души во клубот се невистинити и покрај разликите во културите, како и разликата во страста околу клубот. Тоа што зборуваме за ова секако не е добро. Најлошото е што овој дестабилизирачки момент се случува сега кога тимот напредува и можете да ја видите напорната работа на Стефано Пиоли. Тоа што не не предуперидија е потез без почит и елеганција. Тоа не е начин на кој се работи во Милан, или барем јас не се сеќавам дека дека така се работело“, остро рече Бобан, поради што доби отказ.
Курто Дудуш ја обвини Арсовска за расизам и дискриминација: „Пишува ли на автобусите на ЈСП ‘забрането за Роми’“
Градоначалникот на Општина Шуто Оризари, Курто Дудуш, на денешниот протест за јавниот превоз упати повеќе барања до градоначалничката Данела Арсовска,...
За лекарски прегледи се чека и со месеци, а стотици термини останале празни оти граѓаните не дошле: „Ако не можат, нека откажат преку СМС“ – апелираат надлежните
Граѓаните што не може да го искористат закажаниот „Мој термин“ во јавното здравство, преку СМС-порака да го откажат за да...
И средношколците ќе протестираат поради јавниот превоз во Скопје
Сојузот на средношколците го поддржува и ќе учествува на денешниот протест посветен на решавање на проблемот со недостигот на јавен превоз...
Скопјанка на 69-годишна возраст е жената што загина по удар на автомобил во Чаир
Шеесет и деветгодишна жена, со иницијали Н.П. од Скопје е починатата по ударот на автомобил во Чаир, објави МВР. Несреќата...
Почувствуван земјотрес во Македонија
Утрово е регистриран земјотрес со јачина од 2,10 степени според Рихтер во Македонија. Според првите информации од ЕМСЦ, епицентарот е...
(Видео) ДПМНЕ предизвикувајќи тепачка избегна да одговори зошто не ја укина историската комисија, велат од Левица
„На вчерашната седница за пратенички прашања, пратеникот од Левица, Реџеп Исмаил – Хактан, постави прашања за кои јавноста чека одговор...
СДС со примитивни методи во Собранието го активира насилникот и пудлицата на Венко, Апасиев, велат од ВМРО-ДПМНЕ
„Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е...
Унгарија го поддржа Нетанјаху: Одлуката на Меѓународниот кривичен суд е апсурдна
Министерот за надворешни работи на Унгарија ги критикуваше налозите за апсење на Меѓународниот кривичен суд за израелскиот премиер Бенјамин Нетанјаху...
Украинскиот парламент ја одложи седницата, на пратениците им е кажано да ги држат своите семејства подалеку од владиниот кварт на Киев
Украинскиот парламент ја одложи седницата што требаше да се одржи денеска поради безбедносни причини, јави јавната телевизија Суспилнe, повикувајќи се...
Ким Џонг-ун ги нападна САД: Никогаш не сме биле толку блиску до термонуклеарна војна со Јужна Кореја
Севернокорејскиот лидер Ким Џонг-Ун ги обвини САД за провокации и ескалација на тензиите, велејќи дека Корејскиот Полуостров никогаш не се...
Деветнаесетгодишна девојка го управувала автомобилот со којшто беше усмртена жената во Чаир
Деветнаесетгодишна девојка (А.Џ.) управувала со автомобилот „сеат алтеа“, со којшто попладнево беше прегазена жената во скопската населба Чаир којашто почина...
Студентите на протест поради јавниот превоз, бараат и набавка на нови автобуси и велосипедска инфраструктура
Универзитетското студентско сообрание (УСС-УКИМ) за утре, 22 ноември, најавува протест поради проблемите со јавниот превоз што ќе се случува од...
Трагедија вечерва во Чаир: Загина жена, ја прегази автомобил
Жена загина во скопската неселба Чаир, кога во неа удрил автомобил со скопски регистерски ознаки. Според информациите од СВР Скопје...
Владата ќе му позајми на градот Скопје дел од нафтените резерви на државата за ЈСП
Владата вонредно расправаше поради недостигот на енергенси за обавување на јавниот сообраќај на територијата на Град Скопје, при што беше...
(Видео) Избегната тепачка во Собранието, Гаши го повика обезбедувањето
Во македонскиот парламент денеска избегната тепачка меѓу некои од пратениците. Инцидентот се случи меѓу лидерот на Левицата, Димитар Апасиев, и...
Црната листа на САД е многу динамична и отворена за додавање нови имиња, порача Агелер
Американската амбасадорка Анџела Агелер, денеска, одговарајќи на новинарско прашање во врска со црната листа на САД, рече дека таа е...
(Видео) СДСМ со решенија за кризата во Скопје: закон за финансиска поддршка на Градот и на ЈСП, субвенциии за гориво, вели Јанчева
„Како што најавивме, денес сме тука за да ги презентираме нашите конкретни предлози за надминување на кризата во која се...
ЈСП избрало неприфатлива понуда во набавката на „евродизелот“, утврдени неправилности во постапката, соопшти Бирото за јавни набавки
Постапката за јавна набавка на „евродизелот“ објавена од страна на договорниот орган ЈСП беше предмет на управна контрола во Бирото...
Славески свика итна вонредна седница на Советот на Скопје поради колапсот на јавниот превоз
Претседателот на Совет на Скопје Трајко Славески за денеска во 18 часот закажа итна вонредна седница на која треба да...
Колапс на јавниот превоз, скопјани се солидаризираат: „Застанете ако сте со автомобил, превезете некого“
Од синоќа, со оглед дека нема автобуси, на социјалните мрежи се споделуваат повици за оние што одат на работа со...
