Спорт
Прогласени најдобрите спортисти на Град Скопје за 2024 година
Градоначалничката на Град Скопје, Данела Араовска на Бобан Илиоски од Кик бокс клубот Шампион му ја додели наградата за најуспешен спортист на Град Скопје во сениорска категорија. Како Европски шампион во кик-бокс Бобан Илиоски во Атина ја освои европската титула во конкуренција на 982 натпреварувачи со 1133 натпреварувачки влезови од 41 европска држава. Како носител на шампионската титула и златниот медал, Бобан е еден од најдобрите европски и светски кикбоксери.
Градот Скопје во соработка со Сојузот на спортови на Скопје, традиционално ги додели наградите за најдобри спортисти. Признанијата на најдобрите спортисти за 2024 година, ги врачија градоначалничката на Град Скопје, Данела Арсовска и претседателот на Сојузот на спортови на Скопје, Зоран Стојановиќ.
За најуспешен тренер за 2024 година е прогласен Дејан Митровски од Кик бокс клуб Шампион, а за најуспешен спортист во категоријата на лица со инвалидност е прогласен Стоилко Стоицев од Планинарскиот клуб Македон.
Најуспешни 10 спортисти во сениорска категорија (мажи и жени) се:
Бобан Илиоски – Кик бокс клуб Шампион
Дарио Ивановски – Атлетски клуб Скопски Маратон
Тони Лазов – Шаховски клуб Алкалоид
Милијана Рељиќ – Таеквондо клуб Тигри
Михаела Мишовска – Карате клуб Олимпик Спорт 2007
Андреас Трајковски – Атлетски клуб Работнички
Петар Заборски – Карате клуб Макпетрол
Стефан Михајловски – Кик бокс клуб Прокик Фемили
Симона Заборска – Карате клуб Макпетрол
Петар Спасеновски – Карате клуб Макпетрол
Најуспешни 10 спортисти во младинска категорија (мажи и жени):
Силвио Мировски – Кик бокс клуб Гладијатор
Стефан Стојановиќ – Карате клуб Макпетрол
Витомир Трајковски – Карате клуб Макпетрол
Никола Ѓуретановиќ – Пливачки клуб Вардар 2018
Данило Божовиќ – Карате клуб Макпетрол
Максим Митровски – Кик бокс клуб Шампион
Ива Богдановска – Џудо клуб Миоки
Петар Дамјаноски – Мечувалечки клуб Ескрим
Огнен Бундалески – Мечувалечки клуб Ескрим
Јосиф Малински – Триатлон клуб Триоги Рејсинг
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) „Граѓаните“ зачекорија во финалето на Лига купот
Фудбалерите на Манчестер Сити со „една нога“ се во финалето на Лига Купот на Англија, откако во првиот натпревар од полуфиналето го победија Њукасл на гостински терен со 2:0.
Херој на „граѓаните“ на „Сент Џејмс Парк“ беше Антоан Семењо, новодојденец од Борнмут кој го постигна вториот гол во вториот натпревар за Сити.
Се играше 53-та минута кога брзоногиот крилен напаѓач, на асистенција на Бернардо Силва, постигна гол и, веројатно, го реши ова полуфинале. Десет минути подоцна репрезентативецот на Гана постигна уште еден гол, истиот беше поништен од ВАр собата.
„Граѓаните“ ја потврдија победата и си обезбедија мирен реванш на домашен терен, кога Рајан Шерки постигна гол во 99-та минута.
Реваншот ќе се одигра на 4 февруари на стадионот „Итихад“ во Манчестер.
Лондонските ривали Челзи и Арсенал се среќаваат во второто полуфинале, а првиот натпревар е закажан за среда на стадионот „Стемфорд Бриџ“.
Спорт
Роџерс Мато има договор со Хартс
Фудбалерот на Вардар, Роџерс Мато, по завршувањето на сезоната ќе се пресели во челнот на Премиер лигата на Шкотска, Хартс.
Мато, во Хартс ќе се пресели како слободен играч, бидејќи договорот му истекува по завршувањето на сеозната. Трансферот на Мато го потврди шкотскиот клуб на официјалната интернет страница и социјалните мрежи.
Фудбалерот од Уганда со актуелниот лидер во Шкотска потпишал договор до јуни 2029 година.
Спорт
Мајкл Керик го презеде Манчестер Јунајтед
Неколку дена по оставката што му беше врачена на Рубен Аморим, Манчестер Јунајтед го објави неговиот наследник.
Како што беше објавено, клупата ќе ја преземе Мајкл Карик, кој ќе ги предводи „црвените ѓаволи“ во остатокот од сезоната.
„Мајкл Карик се врати. Нашиот поранешен капитен ќе биде наш главен тренер до крајот на сезоната 2025/26“, се вели во официјалното соопштение.
Карик одигра 464 натпревари за Јунајтед, освојувајќи пет титули во Премиер лигата, ФА Купот, два Лига Купа, Лигата на шампионите, Лигата на Европа и Светското клупско првенство.
Тој се приклучи на првиот тим откако се пензионираше како играч во 2018 година и работеше под водство на Жозе Мурињо и Оле Гунар Солскјер.
По заминувањето на Норвежанецот, Карик го водеше тимот како вршител на должноста менаџер.
Поранешниот англиски репрезентативец последен пат беше вработен во Мидлсбро, кој го водеше две и пол години, од октомври 2022 година.
Foto/ depositphoto

