Спорт
Радичевиќ и Црногорките не се предаваат, „падна“ и Шведска
Црна Гора можеби има само теоретски шанси за пласман во полуфиналето на ЕП во Франција, но тоа не им пречеше да се изборат за голема 30:28 победа над Шведска за да ги освојат првите поени во новоформираната група 1.
Црногорките не пренесоа поени во вто…


Црна Гора можеби има само теоретски шанси за пласман во полуфиналето на ЕП во Франција, но тоа не им пречеше да се изборат за голема 30:28 победа над Шведска за да ги освојат првите поени во новоформираната група 1.
Црногорките не пренесоа поени во втората фаза на првенството, така што сега ќе мораат да ги победат сите натпревари до крај и да се надеваат на поволни резултати кај ривалките. Против Шведска, која имаше 2 поени од првата фаза, тие започнаа силно и на полувреме отидоа со +4 (18:14), за потоа со умна игра да ја задржат предноста и во второто полувреме.
Нам добро познатата Јованка Радичевиќ, повторно беше „моторот“ на Црногорките, постигнувајќи девет гола, додека Мајда Мехмедовиќ додаде 7. Кај „трите круни“, Изабеле Гулден имаше 7 гола. За Црна Гора остануваат пресметките со Србија на 10 декември и со Данска два дена подоцна.
ГРУПА 1
Франција – Данска 29:23 (17:11)
Шведска – Црна Гора 28:30 (14:18)
Табела: 1.Франција 4, 2.Русија 4, 3.Србија 2, 4.Шведска 2, 5.Црна Гора 2, 6.Данска 2
Montenegro captain Jovanka Radicevic scored no less than six goals in the first half, including this beauty ? Her team lead 18:14 at the break #SWEMNE #ehfeuro2018 #handballissime @hlandslaget pic.twitter.com/Vjl5JDTEMp
— EHF EURO (@EHFEURO) December 6, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Рубен Гарабаја ќе го предводи Еурофарм Пелистер

Еурофарм Пелистер има нов тренер. Откако спогодбено се раздели со тренерот Раул Алонсо, кој ја освои титулата со клубот од Битола, клубот на неговото место го донесе Рубен Гарабаја Аренас.
Гарабаја има 46 години и полна витрина медали и одличја од богатата играчка кариера. Играше 168 пати за шпанската репрезентација на позиција кружен напаѓач, постигна 318 гола и освои светска титула во Тунис 2005 година, сребро од Европскиот шампионат во Швајцарија следната година, бронза од Олимписките игри во Пекинг во 2008 година и Мундијалот во Шведска во 2011 година.
Рубен Гарабаја доаѓа од покраината Астурија, кариерата ја започна во Адемар Леон (освои Куп на Кралот и ЕХФ Куп на Купови), играше за Фригорификос де Моразо и Ваљадолид, за 2007 година да го облече дресот на Барселона.
Со Барса освои три АСОБАЛ лиги, два Купа на Кралот, а играше и во финалето на Лигата на шампионите во сезоната 2009/10.
Од 2010 до 2018 година настапуваше за Натухаус Ла Риоха од Логроњо, клуб во кој ја заврши играчката и ја започна тренерската кариера.
Гарабаја со тренерската работа започна да се занимава во Логроњо како асистент тренер во 2018 година. Три години остана во Натурхаус Ла Риоха и го прифати првиот меѓународен предизвик како селектор на женската репрезентација на Кина.
Во 2021 година на покана на Роберто Гарсија Парондо (поранешен тренер на Вардар) стана асистент тренер во египетската репрезентација. Во овој период од две години освојува злато од шампионатот на Африка и сребро од Медитеранските игри.
Во 2022 година почнува самостојна тренерска кариера во шпанскиот клуб Синфин Сантандер, каде што работеше се до повикот од Битола.
Извор/ РК Еурофарм Пелистер
Спорт
Албанија казнета за инцидентите на мечот со Србија

Светската фудбалска федерација (ФИФА), го казни Фудбалскиот сојуз на Албанија по натпреварот против Србија, одигран на 7 јуни во Тирана, во рамките на квалификациите за пласман на Светското првенство.
ФИФА ги информираше Албанците дека мора да платат 173.000 евра поради инцидентите што ги предизвикаа навивачите на споменатиот натпревар.
Причината се навредите кон Србите, како и фрлањето предмети, со кои беа погодени неколку српски репрезентативци.
„Оваа казна е последица на повтореното несоодветно и пристрасно однесување на некои албански навивачи: песни со пристрасна содржина, фрлање предмети, палење пиротехника, упатени пораки несоодветни за спортски настан и прекини за време на изведувањето на националните химни“, се наведува во соопштението.
Покрај паричната казна, 20 проценти од капацитетот на стадионот ќе бидат затворени за натпреварот со Латвија.
Фото/ Принтскрин
Спорт
Жоао Феликс се враќа дома

Жоао Феликс (25) е многу блиску до враќање во Бенфика. Како што дознава „Рекорд“, договорот е практично склучен, Бенфика ќе го купи напаѓачот од Челзи за 25 милиони евра.
„Рекорд“ тврди дека работата официјално ќе биде завршена до петок, а постои можност Феликс да игра за Бенфика на натпреварот од Купот Еузебио против Фенербахче, кој го води Жозе Мурињо, во сабота.
Желбата на играчот да се врати на стадионот „Луж“ исто така беше клучна, што тој отворено го демонстрираше за време на преговорите.
Младиот Португалец беше најскапата инвестиција на Атлетико Мадрид. Во јули 2019 година, тој потпиша седумгодишен договор, додека Бенфика заработи 126 милиони евра во тоа време. Сега го враќа за 101 милион евра помалку. Минатото лето Атлетико го продаде во Челси за 52 милиони евра.
Феликс играше и за Челзи, Барселона и Милан, каде што не остави никаква трага.
Фото/ ЕПА