Спорт
Рамос: Пресов ми наликува на погреб
Капитенот на фудбалската репрезентација на Шпанија, Серхио Рамос, на прес конференцијата пред мечот со Потугалија, кратко го прокоментирал отказот што во четвртокот го доби Хулен Лопетеги.
Покрај Рамос на прес конференцијата беше и новиот шпански селек…


Капитенот на фудбалската репрезентација на Шпанија, Серхио Рамос, на прес конференцијата пред мечот со Потугалија, кратко го прокоментирал отказот што во четвртокот го доби Хулен Лопетеги.
Покрај Рамос на прес конференцијата беше и новиот шпански селектор Фернандо Јеро, кој претходно беше спортски директор на „црвената фурија“.

„Не сакам да зборувам за она што се случуваше. Вртиме нов лист“, рекол Рамос, одбивајќи да говори за отказот што го доби Лоптетги, како и наводите дека тој и тројцата најискусни во репрезентацијата (Пике, Давид Силва и Иниеста) се обиделе да лобираат кај Федерацијата за да го задржат селекторот на функцијата.
„Сакам да замина, оваа прес конференција наликува на погреб. За нас сега започнува светското првенство, еден неверојатн настан…Сите му се восхитуваме на Јеро. Долго време го познаваме и тој е идеалниот човек за еден вака чувствителен момент. За нас започнува СП, а ние играме против европскиот првак“, рекол капитенот на Шпанија.
Дуелот Португалија-Шпанија, во Сочи, ќе започне во 20 часот, а ќе го суди Италијанецот Џанлука Роки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Минесота и Хјустон не му дозволија на Њујорк да преговра со нивните тренери

Њујорк Никс побараа дозвола од Минесота и Хјустон да разговараат со нивните тренери Крис Финч и Име Удока. Тимбервулвс и Рокетс го одбија барањето.
Меѓу главните кандидати за замена на неодамна отпуштениот Том Тибодо на клупата на Никс беше тренерот на Далас, Џејсон Кид. Њујорк сè уште не побарал дозвола да разговара со Кид, но познатиот НБА инсајдер Шамс Чаранија синоќа објави дека Маверикс исто така ќе ги одбијат Никс доколку го поднесат барањето.
На 3. јуни, Никс го отпуштија Тибодо, кој оваа сезона ги одведе до финалето на плејофот во Источната конференција за прв пат од 2000 година.
Со тимот на Хјустон, Удока успеа да стигне до резултат од 52победи и 30 порази оваа сезона и второ место на табелата во Западната конференција по регуларниот дел од натпреварувањето. Претходно беше тренер на Бостон, со кого стигна до финалето на плејофот на НБА во 2022 година.
Финч го предводеше тимот на Минесота до финалето на плејофот на Западната конференција оваа и минатата сезона. Тимбервулвс загубија од Оклахома оваа година, додека минатата сезона беа поразени од Далас, предводен од Кид од клупата.
Спорт
Бетис има план како да го врати Антони

Бразилецот Антони, блесна во како позајмен играч во Бетис оваа полусезона, минатата недела се прости со клубот од „Бенито Виљамарин“. Антони се уште е под договор со Манчестер јунајтед, тој се врати на „Олд Трафорд“, но јасно е дека таму нема да биде во новата сезона.
Антони, од јануари па до крајот на сезоната, беше еден од клучните играчи на Бетис, со девет гола и пет асистенции во 25 настапи. Беше еден од најзаслужните за пласманот на клубот во историското европско финале на Конференциската лига и шестото место во Ла Лига.
Иако се збогува со Бетис, се чини дека шпанскиот клуб ќе се обиде да направи сè што може за да го задржи.
Челниците на Бетис ќе му предложат на Јунајтед, договор според кој Антони уште една сезона би настапувал како позајмен играч и со опција потоа да го откупи неговиот договор за 50 милиони евра.
Спорт
Ракитиќ и шест негови соиграчи од Севилја се под истрага во случај на измама

Иван Ракитиќ и уште шест поранешни играчи на Севилја: Алехандро Гомез, Лукас Окампос, Алберто Морено, Нико Пареха, Алберто Морено и Хавиер Савиола, се најдоа во средиштето на случај на измама од повеќе милиони долари, пишува шпанскиот „Периодико“.
Ракитиќ (37) ќе го заврши договорот со Хајдук на крајот од месецот, но сè уште не одлучил дали ќе ја продолжи кариерата и каде. Споменатиот извор наведува дека Ракитиќ „е вклучен во истрагата за наводната измама од повеќе милиони долари на илјадници инвеститори во криптовалути и нефинансирани токени (NFT)“.
„Периодико“ додава: „Она што изгледаше како профитабилен бизнис за компанијата „Ширтум“, се покажа како измама во која беа вклучени бројни луѓе. Измамата е тешка повеќе од од три милиони евра, а ја истражува суд во Барселона. Тројца каталонски бизнисмени, Манел Анхел Торас, неговиот син Марк Алберт Торас и Мануел Морилас, и аргентинскиот државјанин Давид Розенцвајг се обвинети за 11 кривични дела.
Тие вклучуваат проневера, измама и даночно затајување. Фудбалерите, од друга страна, се именувани од 12 жртви на измама во тужбата како лица за кои сакаат да бидат испитани и осомничени „дека се соучесници во делата на измама и помагање во делата на лажно рекламирање.“
Поранешните ѕвезди на шпанските гиганти се наведени во приватна тужба како помагачи и поттикнувачи на измама водена од компанија која продавала криптовалути и нефинансирани токени (NFT) по нивен лик. Вредноста на NFT-ите и криптовалутите изнесувала вкупно три милиони евра.
Според обвинителите, фудбалерите имале „активна улога во продажбата на токени“. Ова особено се однесува на Гомез, кој тесно соработувал со гореспоменатите бизнисмени. Тие создале апликација за продажба на NFT фудбалери и требало да ги пласираат на пазарот по цена од 350 евра по парче.
Надворешните спонзори, луѓето кои сега ги тужат, инвестирале во бизнисот, но „Ширтум“ ја затворил апликацијата пред да биде објавена. Ниту „блокчејн“ криптовалутата, ниту NFT-ите немале никаква вредност во ниту еден момент. Со исклучок на Гомез, останатите фудбалери не биле задолжени за стратегијата или тактиките на продажната операција. Тие биле само само лица на проектот.