Јан Вертонген (37) на крајот од оваа сезона ќе ја заврши кариерата. Белгискиот дефанзивец и рекордер по бројот на настапи за белгиската репрезентација ќе ја заврши кариерата како играч на Андерлехт каде ги мина последните три сезони.

„Во последните неколку недели ми стана јасно дека ова ќе бидат моите последни натпревари. Одлуката не беше лесна, но е вистинската. Забележав дека ми е се потешко физички да се подготвам за тренинзи и натпревари и да се претставам како играч каков што сакам да бидам. Затоа ќе престанам по оваа сезона”, објасни Вертонген.

Вертонген ја започна својата кариера во Ајакс, каде играше од 2006 до 2012 година. Во првата сезона тој беше позајмен во Валвијк. Потоа мина осум години во Тотенхем, а пред Андерлехт играше и за Бенфика. За Белгија играше 157 пати, што го прави рекордер по бројот на настапи. Тој се повлече од националниот тим по Европското првенство во Германија.

Сеп Блатер и Мишел Платини се повторно ослободени на второто судење за финансиска измама, фалсификување, лошо управување и проневера на повеќе од два милиони долари пари на ФИФА во 2011 година.

Блатер, кој сега има 89 години, не реагираше многу додека ја слушаше пресудата на тројца кантонски судии кои дејствуваа како федерален кривичен апелационен суд.

Канцеларијата на швајцарското јавно обвинителство ја оспори првичната ослободителна пресуда во јули 2022 година и побара затворска казна од 20 месеци, условна на две години.

Наводите се однесуваат на исплатата на Блатер од два милиони швајцарски франци на Платини.

Кога федералното обвинителство го објави првичното обвинение во ноември 2021 година, наведе дека исплатата „го оштетила имотот на ФИФА и незаконски го збогатила Платини“.

Ослободителната пресуда дојде речиси седум години откако беше првпат покрената истрагата, а Блатер и Платини беа отстранети од лидерските позиции во ФИФА и УЕФА. Тогаш заврши кампањата на Платини да биде наследник на Блатер на чело на светскиот фудбал.

Блатер и Платини постојано ги негираа неправилностите. Тие тврдат дека постигнале вербален договор, ФИФА да му плати на Платини за недоговорна работа што го советувал Блатер за време на неговиот прв претседателски мандат од 1998 до 2002 година.

Фото/ ffm.mk

Фудбалската репрезентација на Македонија, вечерва ќе го пречека Велс во натпревар од второто коло во Ј групата, во квалификациите за пласман на Светското првенство. Двете репрезентации квалификацискиот циклус го започнаа со победи, во саботата Македонија победи во Лихтанштајн (3:0), а Велск го совлада Казахстан (3:1). Во групата се наоѓа и Белгија, оваа репрезентација квалификациите ќе ги започне во јуни, бидејќи минатата недела играше, против Литванија за ипстанок во А-дивизијата, во Лигата на нации.

Македонија и Велс во добра форма ќе влезат во меѓусебната пресметка во Скопје. Македонија, во официјални натпревари нема пораз на последните осум натпревари, на шест однив не прими гол. Велшаните се без пораз на последните седум натпревари ( четири победи, три нерешени).

„Велс е анализиран и мислам дека сме подготвени, треба да бидеме беспрекорни на тактички план и во тркачкиот дел и секако мора да бидеме максимално фокусирани ако сакаме да се надеваме на позитивен резултат.
Ние не сме фаворити. Според ранкингот и квалитетот на Велс се работи за противник кој има екстра квалитетни играчи. Сепак, во спортот не секогаш фаворитите победуваат. На нас е да бидеме максимално подготвени, а дали ќе успееме да забележиме позитивен резултат ќе видиме. Велс е можеби најсериозен противник откако сум на кормилото на репрезентацијата. Компактна селекција, тркачки совршена, технички многу унапредена и не очекува сериозен тест“, рече селекторот на Македонија, Благоја Милевски.

Низ историјата, Македонија и Велс два пати се сретнаа во квалификациите за Мундијалот во 2014 година. Македонија победи во Скопје (2.1), а Велс во Кардиф (1:0).

Натпреварот во Скопје ќе започне во 20.45 часот, се очекува Националната арена да биде исполнета до последното место. Целиот приход ќе им биде дониран на настраданите и повредените во трагедијата во Кочани.