Спорт
Роси во Јамаха до 2020 година
Дветкратниот светски шампион Валентино Роси потпишал нов, двегодишен договор со Јамаха, што значи дека во Мото ГП шампионатот ќе остане до крајот на 2020 година.
Новата сезона која започнува викендов ќе биде 23.во кариерата, а 13 во Јамаха, за легендар…
![](https://makfax.com.mk/wp-content/uploads/2018/03/b6d35a69656050634fc4d3c5861356ec.jpg)
![](http://makfax.com.mk/wp-content/uploads/2018/03/b6d35a69656050634fc4d3c5861356ec.jpg)
Деветкратниот светски шампион Валентино Роси потпишал нов двегодишен договор со Јамаха, што значи дека во Мото ГП-шампионатот ќе остане до крајот на 2020 година.
Новата сезона, која започнува викендов, ќе биде 23. во кариерата, а 13. во Јамаха, за легендарниот мотоциклист.
„Кога го потпишав претходниот договор со Јамаха, се прашував дали е тоа мојот последен договор. Тогаш кажав дека одлуката ќе ја донесам во наредните две години. Во текот на тие две години заклучив дека сакам да продолжам да се тркам бидејќи тоа ме прави среќен“, рекол Роси.
Популрниот Доктор во Светскиот шампионат дебитирал во 1996 година, во кариерата забележал 115 победи. Седум од деветте титули на Роси се во кралската класа.
Valentino Rossi will start his 23rd racing season this weekend… and there are many more impressive achievements to come in the next two years with Yamaha!#MovistarYamaha | #MotoGP | #QatarGP | @ValeYellow46 pic.twitter.com/PihGMmNxbx
— Yamaha MotoGP (@YamahaMotoGP) March 15, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Диого Коста португалски херој, ја елиминира Словенија
![](https://makfax.com.mk/wp-content/uploads/2024/07/PORTUGAL.jpg)
Еден од најдобрите фудбалери на денешницата беше мотивиран да постигне гол од самиот старт на натпреварот, но одбраната на Словенија одлично се снајде. На крајот од судиското продолжение Кристијано Роналдо имаше шанса да и донесе водство на Португалија од пенал, но не успеа.
Драма, следуваше пенал завршница.
Искуството си го направи своето, Португалија оди понатаму.
Тие ја совладаа Словенија на пенали и со тоа се пласираа во четврт-финалето на ЕП. Регуларниот дел од натпреварот заврши со резултат 0:0, како и дополнителни половина час игра.
Во четврт-финалето Португалија ќе игра против Франција која со 1:0 ја победи Белгија.
Португалскиот голман Диого Коста, кој ги одбрани сите три удари на Словенците е херој на мечот.
Од почетокот на играта Словенците беа поставени во карактеристична формација 4-4-2. Кристијано Роналдо имаше многу проблеми, неговиот најдобар напор во првото полувреме беше неговиот слободен удар во 34. минута.
Тој шутираше од околу 20 метри, а топката отиде само над стативата.
Португалија најблиску дојде до гол во втората минута од судиското надополнување во првото полувреме, кога Палиња силно повлече од работ на шеснаесетникот.
Топката мина покрај десната статива од голот на Облак.
Во првото полувреме Словенците напаѓаа само неколку пати, но не успеаја да создадат голема шанса.
Португалија ја мина групната фаза како првопласирана во групата Ф пред Турција, Грузија и Чешка.
Словенија беше трета во групата Ц пред Србија и зад Данска и Англија.
Спорт
Еден од најдобрите шутери во историјата на кошарката
![](https://makfax.com.mk/wp-content/uploads/2024/07/klej.jpg)
Клеј Томпсон (34) наскоро ќе стане нов играч на Далас Маверикс, каде ќе создаде нов супер тим со Лука Дончиќ и Кајри Ирвинг.
Веста сè уште не е официјална, но врвниот НБА инсајдер Адријан Војнаровски објави дека зделката е завршена.
Томпсон треба да потпише договор на три години, за вкупно 50 милиони долари, за тимот кој минатата сезона играше во финалето на НБА.
Голден Стејт Вориорс не сакаа да му понудат на Клеј Томпсон повеќе од 20 милиони годишно поради хаотичната ситуација со преголемите договори, кои тој ги сметаше за навредливи и реши да бара нов клуб.
Така и официјално заврши ерата на династиите на браќата Сплеш, беше разбиен најдобриот шутерски тандем на сите времиња.
Томпсон е четирикратен шампион во НБА со Вориорс. Пет пати беше на Ол-стар натпреварот, двапати беше избран за трет најдобар тим во лигата и еднаш за најдобар одбранбен тим.
Минатата сезона, по големите проблеми со повредите, тој имаше просек од 18 поени, 3,3 скока и 2,3 асистенции
Спорт
Специјален гостин на тренингот на Српската кошаркарска репрезентација
![](https://makfax.com.mk/wp-content/uploads/2024/07/treningg.jpg)
Кошаркарскиот великан Владе Дивац беше специјален гостин на затворениот тренинг на кошаркарската репрезентација на Србија на подготовките во Стара Пазова соседна Србија.
Кошаркарската репрезентација на Србија е во почетна фаза од подготовките за Олимписките игри во Париз 2024.
Како што се наведува во соопштението на КСС, Дивац на кошаркарите им посакал добро здравје како предуслов за успех.
„Анегдотата што Владе ја раскажа за тренингот со тренерот Пешиќ ќе остане меѓу ѕидовите на тренинг салата“?!
Дивац го освои светското злато со тренерот Пешиќ во 2002 година во Индијанаполис.
Што се однесува до Олимписките игри, тој освои сребро во Сеул во 1988 година и во Атланта во 1996 година.