Спорт
Салах играч на сезоната во Премиер лигата
Мохамед Салах е играч на годината во Англија, во изборот на Унијата на професонални фудбалери. Египќанецот игра брилијантна сезона во Премиер лигата има постигнато 31 гол, вкупно 41 во сите натпреварувања.
Напаѓачот на Ливерпул ќе има можност да се бор…


Мохамед Салах е играч на годината во Англија, во изборот на Унијата на професонални фудбалери. Египќанецот игра брилијантна сезона во Премиер лигата и има постигнато 31 гол, вкупно 41 во сите натпреварувања.
Напаѓачот на Ливерпул ќе има можност да се бори и за наградата „Златна топка“, но само доколку успее со Ливерпул да ја освои титулата во Лигата на шампионите. Ливерпул во вторник го игра првиот полуфинален меч против Рома.
Congratulations to @LFC‘s Mo Salah, crowned the Men’s PFA Players’ Player of the Year ?? #PFAAwards pic.twitter.com/fpvxwZgfdP
— PFA (@PFA) April 22, 2018
Салах ја доби наградата во конкуренција на Кевин де Брујне, кој со Манчестер сити ја освои шампионската титула.
За најдобар млад играч е прогласен Лирој Сане од Манчестер сити.
Минатата недела Унијата на професионални фудбалери го избра и тимот на годината во Премиер лигата.
Де Хеа (манчестер јунајтед), Вокер (Манчестер сити), Отаменди (Манчестер сити), Вертонген (Тотенхем), Алонсо (Челси), Давид Силва (Манчестер сити), Де Брујне (Манчестер сити), Ериксен (Тотенхем), Салах (Ливерпул), Кејн (Тотенхем), Агуеро (Манчестер сити).
The PFA @premierleague Team of the Year!
? #PFAAwards @OfficialPanini pic.twitter.com/ZVOQAJZpCN— PFA (@PFA) April 22, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Познати се сите учесници во Лигата на шампионите – Ждрепката е во четврток

По последните квалификациски натпревари, познати се сите учесници на 71-то издание на Лигата на шампионите. Наградниот фонд за Лигата на шампионите оваа сезона е 3,317 милијарди евра.
Следната сезона 2025/26 ќе биде втора по ред во новиот формат со 36 екипи, при што секој од нив ќе игра најмалку осум натпревари.
Сите екипи ќе бидат поделени во четири шешири од по девет екипи, а ждрепката ќе се одржи во четврток во 18:00 часот во Монте Карло.
Прв шешир: Пари Сен Жермен, Реал Мадрид, Манчестер сити, Баерн Минхен, Ливерпул, Интер, Челзи, Борусија Дортмунд, Барселона
Втор шешир: Арсенал, Баер Леверкузен, Атлетико Мадрид, Бенфика, Аталанта, Виљареал, Јувентус, Ајнтрахт, Клуб Бриж
Трет шешир: Тотенхем, ПСВ, Ајакс, Наполи, Спортинг Лисабон, Олимпијакос, Славија Прага, Боде/Глимт, Олимпик Марсеј
Четврти шешир: Копенхаген, Монако, Галатасарај, Унион Сен Жилоа, Карабаг, Атлетик Билбао, Њукасл, Пафос, Каират
Првото коло ќе се одигра на 16 и 17 септември, додека финалето е закажано за 30 мај во Будимпешта.
Спорт
(Видео) Клуб од Четвртата лига го елиминира Манчестер јунајтед од Лига купот

Членот на Лига 2 (четврти ранг на англискиот фудбал) Гримзби го елиминира Манчестер јунајтед во второто коло, во Лига купот. Гримзби, клуб основан пред 147 години, победи на пенали со 12:11. Натпреварот во регуларното време заврши 2:2 (2:0).
Дека на „Бландел Парк“ може да се случи една од најголемите сензации во историјата на англискиот фудбал, можеше да се насети во првото полувреме, кое Јунајтед од апсолутниот аутсајдер го загуби со 2:0.
Првиот гол го постигна Вернам во 22-та минута, а Ворен го дуплираше водството на Гримзби по половина час игра.
Манчестер јунајтед се врати во живот во последните 15 минути, со головите на Брајан Ембумо во 75-та и Хари Магваер во 89-та минута.
Бидејќи немаше победник во 90 минути се шутираа пенали. Таму се случуваше вистинска драма, се шутираа 13 серии, а трагичари беа играчите за кои Јунајтед летово издвои речиси 150 милиони евра.
Матеус Куња не успе да ја заврши работата во петтата серија кога резултатот беше 4:4, а Ембумо ја погоди гредата во 13 серија.
Фото/ Принтскрин
Спорт
(Видео) Бенфика го испрати Мурињо во Лига Европа, Бриж ги растури Глазгов Ренџерс

Бенфика, Клуб Бриж и Копенхаген ја комплетираа листата на учесници во главнаѕа фаза, во Лигата на шампионите.
Во најпривлечнит натпревар, Бенфика со 1:0 го победи Фенербахче. Жозе Мурињо и втора сезона по ред не успева со Фенер да дојде до Лигата на шампионите. По 0:0 во Истанбул, Бенфика подобро влезе во реваншот, ВАР им поништи два гола, а во 35.минута Актуркоглу го постигна единствениот гол.
Најдобрата шанса за Фенер ја имаше Ен Несири во вториот дел кога ја погоди гредата.
Копенхаген со 2:0 забележа победа над Базел и со вкпни 3:1 се пласира во ЛШ. Двата гола беа постигнати во вториот дел. Корнелиус погоди веднаш на стартото од второто полувреме, а во 84.минута точка на мечот стави Мукоко.
Клуб Бриж со 6:0 го декласира Глазгов Рензерс и со вкупни 9:1 го мина плеј-офот. Гостите од осмата минута играа со играч помалку. Аронс доби црвен картон. Бриж во првиот дел постигна пет гола и уште еден во вториот.
Foto/ EPA/RODRIGO ANTUNES