Спорт
Сампаоли барал дозвола од Меси за да го внесе во игра Агуеро (Видео)
Сампаоли барал дозвола од Меси за да го внесе во игра Агуеро (Видео)
Селекторот на Аргентина Хорхе Сампаоли во текот на натпреварот против Нигерија го прашал Лионел Меси дали да го внесе на теренот Серхио Агуеро.
На видео снимките што се појавија на со…


Сампаоли барал дозвола од Меси за да го внесе во игра Агуеро (Видео)
Селекторот на Аргентина, Хорхе Сампаоли, во текот на натпреварот со Нигерија го прашал Лионел Меси дали да го внесе на теренот Серхио Агуеро.
На видеоснимките што се појавија на социјалните мрежи се забележува како Самаполи во паника го прашува Меси: „Дали да го внесам Кун?“ Во тој момент резултатот на натпреварот беше 1:1.
Напаѓачот на Манчестер сити влезе во игра во 80.минута, шест минути пред Рохо да го постигне решавачкиот гол.
Messi passed a message to an Argentinian coach on the bench. Manager Jorge Sampaoli asks Messi: “Are you bringing on Kun Aguero?” pic.twitter.com/DQTjzPnRQ5
— FIFA World Cup (@WorIdCupUpdates) June 27, 2018
Исто така, пред почетокот на вториот дел Меси без присуство на Сампаоли, им држеше некаков говор на соиграчите.
Ова се случува во моментите кога аргентинските медиуми пишуваат дека редот во соблекувалната го држат Меси и Мачерано, односно дека Сампаоли нема никаква контрола.
Аргентина во осмина-финалето ќе игра против Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погачар: Не се гледам себеси во професионалниот велосипедизам уште долго

Словенечкиот велосипедски ас Тадеј Погачар по четвртиот триумф на Тур Д’ Франс предизвика вистински шок во јавноста со своите изјави за „Лекип“. Иако има само 25 години, тој веќе сериозно размислува да се збогува со спортот.
„Нема да се пензионирам веднаш, но не се гледам себеси во професионалниот велосипедизам уште долго. Олимписките игри во Лос Анџелес во 2028 година се мојата голема цел, а по нив сериозно ќе размислувам за пензионирање“, откри Погачар.
Тој се осврна и на историски момент за Словенија – почетокот на Тур Д’ Франс доаѓа во нивната земја во 2029 година. Сепак, Погачар јасно стави до знаење дека тогаш, речиси сигурно, повеќе нема да се натпреварува:
„За мене е неверојатно што Турот ќе започне во Словенија во 2029 година. Ќе бидам таму, тоа е сигурно, дури и да не се натпреварувам“, објасни тој.
Спорт
Џака се врати во Премиер лигата

Швајцарскиот фудбалер Гранит Џака се враќа во Премиер лигата, поточно во Сандерленд.
Ова го објави речиси непогрешливиот фубалски инсајдер Фабрицио Романо.
Романо изјави дека Сандерленд, клубот кој се врати во Премиер лигата минатата сезона, постигнал договор со Леверкузен за трансфер вреден 20 милиони евра.
Џака ќе потпише договор до летото 2027 година.
32-годишниот играч од средниот ред на тој начин ќе се врати во Премиер лигата, каде што претходно играше за Арсенал од 2016 до 2023 година.
Спорт
Капитенот на Рома го напушта клубот

Лоренцо Пелегрини, капитенот на Рома би можел да го напушти кубот до крајот на преодниот рок.
„Калчомеркато“, тврди дека капитенот на „волчицата“ добил зелено светло од тренерот Џанпјеро Гасперини за трансферот.
Милан, Интер и Наполи се заинтересирани за услугите на 29-годишниот фудбалер. Според обложувалниците најголем фаворит за потписот на Пелегрини е Милан.
Пелегрини е дете на Рома. Тој е во клубот од почетокот на својата кариера.
Досега, на 316 натпревари за првиот тим на Рома, постигна 55 голови и забележа 59 асистенции.
Фото/ Принскрин