Спорт
Серена преку Бертенс до дуел со Венус
Серена Вилијамс избори пласман во третото коло на мастерсот во Индијан Велс, откако во втората рунда ја победи Кики Бертенс со 2:0.
Помладата од сестрите Вилијамс во Индијан Велс по пауза од 14 месеци се врати на тениските терени. Таа против Холанѓанка…


Серена Вилијамс избори пласман во третото коло на мастерсот во Индијан Велс, откако во втората рунда ја победи Кики Бертенс со 2:0.
Помладата од сестрите Вилијамс во Индијан Велс по пауза од 14 месеци се врати на тениските терени. Таа против Холанѓанката Бертенс првиот сет го доби во тајбрејк, откако претходно двете направија по еден брејк.
Голема борба Серена и Бертенс водеа и во вториот сет, а клучниот момент се случи во единаесеттитот гем кога Американката ја искористи третата брејк топка.
Во третото коло Серена ќе игра против постарата сестра Венус, која е осма носителка во Индијан Велс. Во второто коло Венус ја победи Романката Сорана Кирстеа со 2:0.
Their 2015 #USOpen meeting resulted in the same outcome. @serenawilliams defeats Kiki Bertens at Indian Wells.
Serena will now face big sister @Venuseswilliams in the 3rd round ?. Who’s ready for an all-Williams battle?
?2015 pic.twitter.com/f9pSERzPla
— US Open Tennis (@usopen) March 11, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал го декласира Баерн, избори пласман во плеј-офот

Кошаркарите на Реал Мадрид го совладаа Баерн со 93:71 во последниот натпревар одигран во рамките на плеј-ин во Евролигата.
Реал ја комплетира листата на учесници во плеј-офот, во четвртфиналето ќе игра против Олимпијакос.
Избраниците на Чус Матео го диктираа ритамот од стартот на мечот, во ниту еден момент не му дозволија на Баерн да се врати и забележаа рутинска победа. Реал во првите десет минути ги реши сите дилеми кога оствари предност 33:17. Тимот од Минхен беше ослабен, Карсен Едвардс остана надвор од тимот поради повреда.
Кај Реал Мадрид најрасположен беше Марио Хезоња со 19 поени со седум скока и една асистенција, а го следеше Џанан Муса со 16 поени и пет скока.
Двоцифрени беа и Алберто Абалде со 13 поени и три асистенции, Факундо Кампацо со 12 поени, четири скока и пет асистенции, како и Валтер Таварес со 10 поени и три скока.
Кај Баерн се истакна Шабаз Напиер со 19 поени, четири скока и три асистенции, а го следеше Андреас Обст со 12 поени и три скока.
Двоцифрен беше и Девин Букер со 10 поени и три скока.
Плејо-фот започнува следниот вторник на 22 април (Фенер – Париз од 19:45 часот и ПАО – Ефес од 20:30 часот) и ќе трае најдоцна до 7 мај доколку има потреба мајсторки.
Спорт
Алонсо не сака да го поврзуваат со Реал

Тренерот на Баер Леверкузен, Чаби Алонсо одби да ги коментира наводите на одредени медиуми дека тој на лето ќе стане тренер на Реал Мадрид и истакна дека не е време да се зборува за иднината.
Некои шпански и германски медиуми објавија дека Чаби Алонсо ќе го замени Карло Анчелоти на клупата на Реал на крајот од сезоната, пред почетокот на Светското клупско првенство.
„Ова не е добар момент да зборуваме за иднината. Се наоѓаме во исклучително важен период од сезоната. Не сакам да коментирам шпекулации. Најважно ми е што се случува сега и што го чека мојот клуб до крајот на сезоната”, изјави Шпанецот на денешната прес-конференција.
Чаби Алонсо (43) играше за Реал од 2009 до 2014 година, а медиумите долго време од лани пишуваат дека тој ќе го наследни Анчелоти.
Италијанецот има договор до јуни следната година, но повеќето медиуми веруваат дека тој ќе го напушти клубот во јуни.
Спорт
Ферстапен добил неверојатна понуда да го напушти Ред Бул

Актуелниот шампион во Формула 1, Макс Ферстапен, добил неверојатна понуда кариерата да ја продолжи во Астон Мартин. Доколку ја прифати ќе стане најплатениот возач во историјата на Формула 1.
Италијанската „Газета дело Спорт“ откри дека Астон Мартин на Холанѓанецот му понудил неверојатни 264 милиони евра за тригодишен договор.
Понудата ги опфаќа сезоните 2026, 2027 и 2028 година, а Астон Мартин очигледно нема намера да штеди пари кога е во прашање доведувањето на актуелниот шампион.
Според овој извор, зад оваа астрономска понуда стои државниот инвестициски фонд на Саудиска Арабија — Фонд за јавни инвестиции (PIF).
Овој фонд веќе поседува 20% од компанијата „Астон Мартин лагонда“, а преку нафтениот гигант „Арамко“ е и главен спонзор на тимот.
Договорот на Ферстапен со Ред Бул е до крајот на 2028 година, но одредени клаузули овозможуваат тој да биде и пред време раскинат.