Спорт
Се јави и семејството на Роналдо: „Правда за ЦР7“
Семејството на Кристијано Роналдо застана во негова одбрана по обвинувањата за силување, покажувајќи ја својата поддршка на социјалните мрежи со фотографија на „ЦР7“ како Супермен.
Мајката на напаѓачот на Јувентус, Долорес, и неговата сестра Катја ги о…
Семејството на Кристијано Роналдо застана во негова одбрана по обвинувањата за силување, покажувајќи ја својата поддршка на социјалните мрежи со фотографија на „ЦР7“ како Супермен.
Мајката на напаѓачот на Јувентус, Долорес, и неговата сестра Катја ги објавија фотографиите со ист текст.
„Сакам да видам кој има храброст да ја постави оваа фотографија на својот профил една недела. За Португалија, за него, за нас, за обединувањето на луѓето, за правдата. Тој го заслужува тоа“, се вели во пораката со хеш-тег на португалски „Правда за ЦР7“.
33-годишниот Роналдо се соочува со нова полициска истрага по обвинувањата на Кетрин Мајорга дека ја силувал во хотел во Лас Вегас во 2009 откако ја поканил во неговата хотелска соба. Роналдо ги опиша вестите како „фејк њуз“. Првата полициска истрага беше откажана, а Мајорга тврди дека добила 300.000 долари од Роналдо во 2010 за својата тишина. Денеска пак, се појавија вети дека има уште три обвинувања против фудбалската ѕвезда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.