Спорт
Скопје трча заедно: придружете се на јубилејното издание на „Визер – Скопски маратон“

Со мотото „Трчањето ќе те промени“, „Визер – Скопски маратон“ во текот на годиниве покажа и докажа дека спортот зближува, отвора нови видици, авантури, шири позитивна енергија, соборува спортски, па и други рекорди. Нема причина тоа да не биде така и на годинешново 20. јубилејно издание на најмасовниот спортски хепенинг во државата.
Годинава, скопските улици на 6 октомври ќе бидат домаќини на илјадници маратонци од над 50 држави од целиот свет. Пријавувањето веќе е во тек (http://skopskimaraton.com.mk/prijavuvanje/), а местата полека се пополнуваат.
Организаторите повикуваат на масовно учество на роденденскиот маратон, да трчаме рамо до рамо со големите маратонски имиња, заедно да се радуваме и забавуваме, да волонтираме со своите сограѓани, да ги почувствуваме позитивните вибрации.
Од организацијата најавуваат несомнено одлично издание на трките, со можност секој еден учесник да стане дел од историјата на најголемиот спортски настан во земјава, кој годинава со гордост ќе прослави и 20 изданија постоење.
„Подготовките за реализација на роденденското издание на Виз Ер Скопски маратон се речиси при крај. Пријавувањето е во тек и досегашниот пројавен интерес ни влева надеж дека нè очекува издание со рекорден број на учесници. Со нетрпение го очекуваме 6.октомври и да потврдиме дека не случајно Виз Ер Скопски маратон е етаблиран спортски настан во европски, па и светски рамки“, вели Кире Синадиновски, директор на Виз Ер Скопски маратон, кој очекува голем интерес и безрезервна поддршка и од граѓаните волонтери кои ќе им помогнат и бодрат маратонците и ќе бидат дел од мисијата на многу тркачи за успешно завршена трка.
„Придружете ни се заеднички да создадеме спомени кои траат цел живот. Бидете дел од уште една успешна година и истрчани илјадници километри од Виз Ер Скопски маратон“, повикува Синадиновски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Сасуоло победи на „Бентегоди“ во Верона

Сасуоло како гостин славеше над Верона. Натпреварот од шестото коло на Серија А беше решен со голот во 71-та минута.
Андреа Пинамонти погоди откако пенал му одбрани голманот Монтипо. Напаѓачот на Сасуоло налета на одбиената топка и ја смести во голот.
Со овој дуел го започна шестото коло од елитното ниво на италијанскиот фудбал, а ова е втор триумф на Сасуоло по ред по поразот од Интер, додека Верона, која не знае за победа, остана на три бода.
Во следното коло, закажано за 18 октомври, Сасуоло ќе гостува во Лече, додека Верона ќе гостува во Пиза истиот ден.
Foto/ EPA
Спорт
(Видео) Катена му пресуди на Хетафе во 91-та минута

За прв пат оваа сезона, Осасуна успеа да го сврти резултатот и да победи, На домашен терен, Осасуна го совлада Хетафе со 2:1 со голот на Алехандро Катена во судиското надополнување на времето.
Гостите поведоа во првото полувреме преку Борха Мајорал, кој го искористи центаршутот на Луис Миља. Сепак, домашните успеаја да израмнат во последните моменти од првиот дел, кога Абел Бретонес со спектакуларен удар од далечина го погоди горниот агол за 1:1.
Во продолжението немаше многу шанси, Будимир не успеа да постигне гол, додека голманот на Хетафе, Давид Сорија, ги одбрани ударите на Рубен Гарсија и Раул Гарсија. Хетафе не упати ниту еден удар кон голот во второто полувреме, а казната дојде во финишот.
Во 91-та минута, ударот со глава на Катена по корнер донесе важна победа на Осасуна, со која ја прекина лошата серија и стигна до втората победа во последните 13 меѓусебни дуели со Хетафе.
Foto/ EPA
Спорт
(Видео) Спектакуларен пресврт на Бортнмут во режија на Семењо

Фудбалерите на Борнмут го победија Фулам со 3:1 во првиот натпревар од 7. коло од Премиер лигата, по големиот пресврт во второто полувреме.
Првото полувреме беше лошо, монотоно. Единствено нешто што вреди да се забележи е повредата на српскиот репрезентативец Саша Лукиќ, поради која тој ја напушти играта.
Во второто полувреме, се случи спектакл.
Откако Сесењон го совлада Ѓорѓе Петровиќ во 70. минута по совршено „двојно додавање“ со Чуквуезе, следеше урагански одговор од тимот на Виталити.
Во 78., феноменалниот Семењо ја испрати топката во мрежата низ нозете на Бенрд Лено, од речиси „мртов агол“, а пресвртот следеше шест минути подоцна – стрелец беше Клајверт.
Асистентот сеприсутениот Семењо.
Антоан Семењо стави крај на одличната игра, или поточно на одличното второ полувреме, во судиското продолжение.
Борнмут ќе ја помине ноќта на втората позиција на табелата во Премиер лигата.