Спорт
СМС одбил осум милиони евра од ПСЖ
Сергеј Милинковиќ-Савиќ (СМС) ја одбил понудата на ПСЖ, во летниот преоден рок да се пресели во Париз. Францускиот првак му понудил на СМС годишна плата од осум милиони евра, изјавил менаџерот на фудбалерот на Лацио, Матеја Кежман.
СМС не сакал да ја п…


Сергеј Милинковиќ-Савиќ (СМС) ја одбил понудата на ПСЖ во летниот преоден рок да се пресели во Париз. Францускиот првак му понудил на СМС годишна плата од осум милиони евра, изјавил менаџерот на фудбалерот на Лацио, Матеја Кежман.
СМС не сакал да ја прифати понудата од Франција, бидејќи имал голема желба да избори пласман во Лигата на шампионите со екипата на Лацио.
„Можеше да заработува многу повеќе во некој друг клуб, доби интересни понуди. Во Франција му беше понуден договор од осум милиони евра, но реши да остане и да се обиде со Лацио да избори пласман во Лигата на шампионите“, изјавил Кежман за „Газета дело спорт“.
Менаџерот на СМС дополнил дека по разговорите со претседателот на клубот и спортскиот директор, Клаудио Лотито и Игли Таре, се согласил неговиот клиент да остане во клубот.
Според него, СМС наскоро ќе добие нов договор, со годишна плата што нема да биде помала од три милиони евра.
„Ги договоривме сите услови, наскоро ќе биде потпишан новиот договор“, потврдил Кежман.
Тој рекол дека неговиот клиент не вреди помалку од 100 милиони евра, во ситуација кога некои клубови се подготвени да издвојат 70 или 80 милиони евра за голман.
Во летниот преоден рок интерес за СМС покажуваа Јувентус, Манчестер јунајтед, ПСЖ и Челси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Чудо во Мадрид – По пауза од 17 години Валенсија победи на „Бернабеу“

Валенсија среде Мадрид го шокира Реал во 30.коло и веројатно ја забележа клучната победа во борбата за опстанок. „Лилјаците“ победија со 2:1, а голот за победа го постигна поранешниот играч на Реал, Уго Дуро во 95.минута. Овој пораз претставува тежок удар за шампионските амбиции на Реал.
Натпреварот на „Бернабеу“, покрај стрелецот Дуро, го обележаа апсолутниот херој на Валенсија, голманот Мамардшвили и трагичарот кај Реал, Вунисиус.
Грузиецот му одбрани пенал на Винисиус во 13.минута, а во текот на натпреварот имаше уште неколку брилијантни интервенции.
Винисиус не успеа да го реализира вториот пенал по ред, претходно не погоди и против Атлетико во Лигата на шампионите.
Откако Винисиус го промаши пеналот, казната Реал го стигна во 15.минута кога Дијакаби и донесе предност на Валенсија.
Винисиус се искупи за промашениот пенал во 50.минута кога го изедначи резултатот. Реал потоа нападна со сите сили, но Мамрдашвили не дозволи уште еднаш да биде совладан.
Наместо тоа Дуро го шокира „кралскиот клуб“ со што и ја донсе на Валенсија првата победа на „Бернабеу“ по пауза од 17 години.
Спорт
(Видео) Палас со деветмина го победи Брајтон, Вулверхемптон ја забележа клучната победа за опстанок

Кристал Палас со дветмина го заврши дуелот со Брајтон, но успеа да победи. Ипсвич полека се пакува за Чемпионшип, откако загуби од Вулверхемптон. Вест Хем и Борнмут одиграа без победник.
Кристал Палас го заврши мечот против Брајтон со девет фудбалери, но успеа да триумфира. Тимот од Лондон поведе во третата минута со голот на Матета, но гостите израмнија преку Велбек.
Домашните обезбедија ново водство преку Муњоз, тој погоди во 55. минута, а се покажа дека тогаш е поставен конечниот резултат. До крајот на натпреварот црвени картони добија Нкетија и Гуехи, исклучен беше играчот на Брајтон Ван Хеке, но мрежите останаа мирни.
На дуелот меѓу Вест Хем и Борнмут немаше победник (2:2). Гостите поведоа преку Еванилсон во 38. минута, израмни Фулкруг во 61. а само седум минути подоцна пресврт обезбеди Бовен. Сепак, со својот втор гол во 79. минута Еванилсон го постави конечниот резултат.
Ипсвич имаше последна шанса да го фати возот за опстанок, против директниот ривал Вулверхемптон и се одеше според планот во првите 45 минути.
Во 16. минута Делап им донесе предност на „тратористите“,. Вториот дел им припадна на гостите.
Сарабија изедначи во 72. минута, а 12 минути подцна му асистираше на Ларсен кој погоди за триумф на Вулверхемптон.
Спорт
(Видео) Хет-трик на Демировиќ за Штутгарт, Дортмунд убедливо победи во Фрајбург

Фаворитите забелажаа победи во 28.коло во Бундес лигата. Славеа Штутгарт, Баер Леверкузен, Борусија Дортмунд и Лајпциг.
Штутгарт ја прекина серијата лоши резултати во Бундеслигата со убедлив триумф од 4:0 над Бохум.
Јунак на победата беше Ермедин Демировиќ, кој постигна три гола и стигна до првиот хет-трик во Бундеслигата.
Репрезентативецот на БиХ е во одлична форма и на последните четири натпревари постигна пет гола. Штутгарт претходно одигра шест натпревари во низа без победа, претрпувајќи четири порази.
Сепак, ова беше многу успешна недела за нив, бидејќи претходно обезбедија финале во Купот на Германија, го елиминираа Лајпциг со 3:1.
Актуелниот првак Баер се мачеше на гостувањето во Хајденхајм. „Фармацевтите“ минимално славеа со голот на Емилијано Буендија во 91.минута.
Борусија Дортмунд исто како и Штутгарт беше убедлива на гостувањето кај Фрајбург 4:1.
Головите ги постигнаа Адејеми, Чуквуемека, Гираси и Гитенс.
Лајпциг по пресврт беше подобар од Хофенхајм со 3:1. Првиот гол го постигна Бенјамин Шешко, а покрај него погодија Баку и Поулсен.