Спорт
Сопругата на Ромеро предизвика голем скандал во Аргентина
Сопругата на голманот на аргентинската репрезентација Серхио Ромеро „крена прашина“ во јавноста, откако ги демантираше информациите на националниот сојуз, дека голманот поради тешка повреда нема да биде дел од тимот, што ќе настапи на Светското првенст…
Сопругата на голманот на аргентинската репрезентација Серхио Ромеро „крена прашина“ во јавноста, откако ги демантираше информациите на националниот сојуз, дека голманот поради тешка повреда нема да биде дел од тимот, што ќе настапи на Светското првенство во Русија.
Елиана Гуерико, на социјалните мрежи објави, дека невистините се информациите за повредата на нејзиниот сопруг и дека тој ќе биде подготвен за почетокот на мундијалот.
„Лекарите му кажаа дека ќе игра на СП. Рехабилитацијата од повредата ќе трае најмногу две недели. Многумина сакаа да го избркаат од репрезентацијата, меѓутоа тој вредно работи и ќе биде подготвен за првиот меч против Исланд. Не знам зошто им пречи на некои луѓе. Рекоа дека скршил нешто. Уморни сме од нивните лаги“, рекла Елиана и дополнила.
„Не разбирам зошто лажат. Воопшто не се информирани што се случува, кукавици се оние што се обидуваат да го тргнат од репрезентацијата. Тој ќе игра на мундијалот, само тоа можам да ви го кажам. Нема да дозволам лагите да го избркаат од репрезентацијата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хетафе ја запре Барселона, Гави на противниците им посака да испаднат од Примера
Барселона, синоќа не успеа да го победи Хетафе. Натпреварот на „Алофонсо Перез Колосеум“ во Мадрид заврши 1.1.
Фрустриран од новиот кикс, играчот на Барселона Гави им посакал на играчите на Хетафе да испаднат од Примера.
Ова го тврди фудбалерот на Хетафе, Хуан Иглесијас.
На медиумкте Иглесијас им открил дека шпанскиот репрезентативец го кажал додека ја покривал устата со рака за да не можат камерите да го снимат она што го зборува.
„Воопшто не ми се допаѓа тоа што го направи. Мислам дека тоа не беше соодветно. Тој ја покри устата со раката и рече дека сака да испаднеме, да играме во Сегунда. Му реков дека ако е толкав мангуп кога ова го зборува, треба да ја тргне раката и да го каже тоа за сите да го слушнат. Тоа навистина не беше фер“, рече Иглесијас.
Медиумите во Шпанија пишуваат и дека на натпреварот со Хетафе, на кој неговиот тим освои само еден бод, Гави неколку пати ги провоцирал противниците.
„Кој си ти, кој си ти? Соберете се вие сте ужасен си”.
Хетафе моментално го зазема 16. место во Примера со 20 бодови од исто толку одиграни натпревари, што е само бод повеќе од Еспањол, кој е прв во опасната зона.
🎙️ Juan Iglesias, con @GemmitaSantos, en @tjcope
😳 "Gavi nos ha dicho 'A segunda, a Segunda'"
🫢 "Encima se tapaba la boca; yo le decía que si era tan mayorcito para decirlo, que se quitara la mano"
😤 "Es lo que más les hace rabiar, que nunca se llevan los 3 puntos de aquí" pic.twitter.com/gPEVf3bbNe
— Tiempo de Juego (@tjcope) January 18, 2025
Спорт
Ракометниот Мундијал заврши за Лука Циндриќ
Во пресрет на втората фаза на 29.Светско првенство во ракомет, селекторот на Хрватска Дагур Сигурдсон се соочува со големи проблеми.
Откако вчера беше објавено дека Мундијалот заврши за капитенот Домагој Дувњак (36), поради повредата на потколеницата, претпладнево Сигурдон објави дека Светскоот првенство заврши и за Лука Циндриќ.
Слекторот потврди дека Циндирќ не може да игра поради повреда, без да прецизира за каква повреда се работи.
Сигурдсон по повредата на Дуњак го повика и поранешниот играч на Вардар, Игор Карачиќ, се уште не е познато дали ќе пријави нов игра на местото на Циндриќ.
Циндриќ во кариерата настапуваше за Карловац, Металург Скопје, Вардар, Кјелце, Барселона и Динамо Букурешт, а од оваа сезона го носи дресот на Веспрем.
Спорт
Ѓоковиќ го победи Лехечка, во четвртфиналето го чека Алкараз
Новак Ѓоковиќ се пласираше во четвртфиналето на Австралија опен. Таму противник ќе му биде Шпанецот Карлос Алкараз.
Ѓоковиќ во три сета, по два часа и 40 минути игра, го совчада Јиржи Лехеќка со 6:3, 6:4, 7:6 (4).
Неговиот пласман во четвртфиналето значи дека по 15-ти пат ќе игра меѓу осумте најдобри, што е рекорд. Ова беше втор дуел на српскиот и чешкиот тенис по оној на Јунајтед купот и втор триумф за Ѓоковиќ.
На крајот Ѓоковиќ не даде интервју на теренот. Го зеде микрофонот од Џим Куриер и рече: „Ви благодарам што сте тука, што уживате во овој спорт. Ви благодарам многу“.
Десеткратниот шампион е лут на константните провокации од поединци од почетокот на турнирот.
Српскиот тенисер во четвртфиналето на првиот сезонски Грен слем турнир ќе игра против Шпанецот Карлос Алкараз. Британецот Џејк Дрејпер му го предаде мечот при резултат 7:5, 6:1.
Ѓоковиќ и Алкараз одиграа седум меѓусебни дуели, а српскиот тенисер води со 4:3 во победи. Последен пат се сретнаа во финалето на Олимписките игри во Париз, Ѓоковиќ победи со 7:6, 7:6.