Спорт
СОС Детско село ја доби наградата од Фондацијата за деца на УЕФА за проектот Football is power
Денеска во просториите на Фудбалската федерација на Македонија се одржа прес-конференција по повод наградата од Фондацијата за деца на УЕФА доделена на СОС Детско село Македонија за проектот Football is power.
Европската фудбалска Асоцијација (УЕФА) ја препозна и прифати иницијативата на
Фудбалската федерација на Македонија, СОС Детско село – Македонија да добие награда од Фондацијата за деца на УЕФА во износ од 50 000 евра наменети за развој на спортските активности за децата од СОС Детско село Македонија.
Во соопштенеито од СОС Детско село се посочува дека на почетокот од оваа година, УЕФА преку својата фондација за деца побарала од 55 национални асоцијации да номинираат организација од нивната земја што исполнува зададени критериуми, а чија работа е од особена важност за децата од социјално ранливи категории, Фудбалската федерација на Македонија со оваа номинација потврдува дека ја препозна и ја поддржа нашата работа, изјави Зорица Серафимовска Арсовска, претседател на УО на СОС Детско село.
„Ние веќе 17 години посветено работиме и се грижиме за децата без родители и родителска грижа во нашата земја.Нашата работа и мисија се поклопуваат во една многу важна работа, нашата работа е да менуваме животи, а вашата да обезбедите исто така подобра иднина за децата и младите преку спортот, односно фудбалот.
Исто така, анализите докажуваат дека физичката активност го подобрува и психичкото здравје, што е важно за секој млад човек, а посебно за деца и млади кои поминале низ многу предизвици во животот, благодарност до Фудбалската федерација на Македонија“, изјави Зорица Серафимовска Арсовска.
„Спортот игра клучна улога во правилниот раст и развој на секое дете. Раното откривање на спортскиот потенцијал е појдовна основа за тоа како детето понатаму ќе се развива на спортски професионален план. Преку тимскиот спорт се учи тимска работа, делење, самодисциплина, лидерство, толеранција и фер-плеј. Ви благодариме на довербата, многу талентирани дечиња ќе имаат можност да се развијат во големи фудбалски ѕвезди“, изјави Јулијана Гапо, национален директор на СОС Детско село.
Фудбалската федерација на Македонија секогаш се труди да има активна улога во
општеството, давајќи придонес во проекти и активности што ја истакнуваат нашата социјална одговорност. Така било отсекогаш, а со радост ќе ги продолжиме сличните активности и во иднина, беше пораката што ја испрати в.д. претседателот на ФФМ.
Муамед Сејдини додава дека исклучително им е драго што токму СОС Детското село ја доби наградата од Фондацијата за деца на УЕФА во износ од 50 000 евра, средства што ќе ги инвестираат во понатамошен развој на спортските активности на децата.
Генералниот секретар на Фудбалската федерација на Македонија, Филип Поповски, пак, во своето обраќање ја истакна една од суштинските заложби на ФФМ, како социјално одговорна организација која придонесува преку фудбалот да се збогати квалитетот на живот на деца од социјално ранливи категории.
„Ние искрено се надеваме дека со реновирањето на спортското игралиште ќе се поттикнат и инспирираат повеќе деца што живеат таму да уживаат во играњето фудбал. Во рамки на нашата фудбалска академија досега имавме двајца млади фудбалери кои ни доаѓаа од СОС Детско село, а со овој проект ќе бидеме среќни ако тој број се зголеми. Благодарност што заеднички ќе реализираме една подолгорочна соработка“, изјави генералниот секретар на ФФМ, Филип Поповски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Горочатеги во 92-та минута го реши баскиското дерби
Фудбалерите на Реал Сосиедад го победија Атлетик Билбао со 3:2 во 11-то коло од шпанската Ла Лига.
Дербиот на Баскија се играше во Сан Себастијан, на стадионот „Реале Арена“ пред околу 30.000 луѓе. Натпреварот беше интензивен, Атлетик два пати се враќаше во натпреварот, на крајот херој на Сосиедад е Горотачеги.
Во 38-та минута Браиз Мендес ја затресе мрежата на Билбао, но радоста на домашните траеше само четири минути. Горока Гурусета изедначи на 1:1.
На почетокот од вториот дел од натпреварот, веднаш по почетниот удар, Португалецот Гонзало Гуедеш, со прекрасен потег се ослободи од својот чувар и им ја врати предноста на домашните.
Сепак, половина час подоцна, откако беше поништен голот на Закаријан за 3:1, Наваро успеа да погоди за 2:2 и да внесе дополнителна драма во баскиското дерби.
Реал Сосиедад победата ја обезбеди во втората минута од судиското надополнување на времето, на асистенција на Ојарсабал, Горочатеги го постигна голот за победа од 3:2.
Сосиедад го забележа третиот триумф, со 12 бодови се наоѓа на 13-то место. Атлетик го доживеа третиот пораз во последните пет натпревари, со 14 бодови на табелата се наоѓа на 10-то место.
Foto/ EPA
Спорт
(Видео) Челзи го победи омилениот градски ривал ривал
Фудбалерите на Челзи го победија Тотенхем со 1:0 во дербито на 10-то коло од Премиер лигата. „Сините“ беа подобар ривал во текот на целиот натпревар, а на крајот голот на Бразилецот Жоао Педро го реши победникот.
Ова беше петта последователна победа на тимот од „Стемфорд Бриџ“ против Тотенхем, кои во претходните 18 меѓусебни дуели остварија само еден триумф со три нерешени резултати и дури 14 порази.
За единствениот голл на натпреварот најголема заслуга има Каиседо, најпрвион одзеде топка, а потоа идеално му асистираше на Педро. Инаку, Бразилецот го постигна првиот гол за Челзи уште од август.
Que jugadorazo es Caicedo, la recupera y luego la pierde el down de Neto, la vuelve a recuperar y da asistencia para el gol de João Pedro pic.twitter.com/RHLTY3km1L
— Jeff (@JeffFcb14) November 1, 2025
Педро имаше уште неколку шанси во текот на натпреварот, но не беше прецизен.
Тотенхем не создаде сериозна можност барем да освои бод и да го направи дербито поинтересно.
Челзи можеше да го зголеми водството во судиското продолжение, но Гитенс и Педро не успеаја да ја погодат мрежата.
Спорт
(Видео) Вања одбрани пенал, Елмас одличен – Реми меѓу Наполи и Комо
Без победник (0:0) заврши дуелот од 10-то коло од Серија А помеѓу Наполи и Комо. Репрезентативецот на Македонија, Елиф Елмас играше од 37-та минута, кога влезе на теренот на местото на повредениот Били Гилмор. Одигра одлиќен натпревар, беше еден од најдобро оцентите играчи во редовите на Наполи.
Комо го имаше поседот на топката на почетокот, што е донекаде неочекувано, а потоа во 24-та минута, гостите добија пенал. Мората ја избегна офсајд стапицата, падна во шеснаесетникот по контактот со голманот ВањаМилинковиќ-Савиќ, а судијата покажа на пенал.
Мората ја презеде одговорноста, но неговиот удар српскиот голман го одбрани. Нестварно звучи податокот дека Вања Милионковиќ-Савиќ одбрани шест од последните десет пенали во Серија А. Во минатото коло одбрани пенал во Лече.
🚨🇮🇹 ALVARO MORATA HAS MISSED THE PENALTY FOR COMO! ❌
pic.twitter.com/Zsc5Hqt2c0— TheGoalsZone ✨ (@TheGoalsZone) November 1, 2025
Наполи по првото реми оваа сезона остана лидер, со меч повеќе има 22 поени, Рома е на 21, следат Интер и Милан со по 18. Комо се наоѓа на петтото место со 17 поени.

