Три натпревари го отворија второто коло во кошаркарската Евролига. Победи забележаа Реал Мадрид, Баерн Минхен и Партизан.

Реал Мадрид со голем пресврт, во последната четвртина го победи Олимпијакос со 89:77.

Најефикасни играчи во Реал Мадрид беа Марио Хезоња со 18, Габриел Дек со 13, Факундо Кампацо со девет поени и осум асистенции.

За Олимпијакос, Тајлер Дорси постигна 20, Еван Фурние 14, Саша Везенков 13, Никола Милутинов 10 поени со девет скока.

Во следното коло, Реал ќе игра против Асвел на домашен терен, а Олимпијакос ќе го пречека Дубаи.

Партизан во Белград за малку ќе направеше од готово вересија против Армани Милано. И покрај тоа што домаќинот имаше водство и од 20 поени, на крајот победи со 80:78.

Гостите стигнаа до минус два на помалку од една минута пред крајот, Партизан потоа не искористи напад и му дозволи на Армани дури и да има напад за победа. Марко Гудуриќ ја зеде топката, шутираше за три поени во последната секунда, но тоа беше лош и краток шут.

Стерлинг Браун беше најефикасен со 20 поени, Карлик Џонс имаше 15, Исак Бонга и Џабари Паркер постигнаа по 10 поени.

На спротивната страна Шилдс имаше 21, Брукс и Гудуриќ по 12 (8 асистенции), додека Нибо имаше 10 поени и 6 скока.

Баерн во Минхен ја победи Црвенз звезда со 97:88. Со подобра игра во второто полувреме, Баерн оствари победа над црвено-белите.Покрај тоа Баерн го имаше Абдреас Обст, кој постигна девет тројки од 16 обиди. Германскиот репрезентативец натпреварот го заврши со 31 поен.

Кај Црвена звезда се исткна Џордан Нвора со 27 поени, пет скока и две асистенции.

Црвена звезда загуби во Порто, а Динамо Загреб забележа победа над Макаби, во второто коло во Лига Европа.

На „Драгао“, Порто ја запиша деветтата победа од почетокот на сезоната. Порто ја победи Црвенз звезда со 2:1, со голот на Родриго Мора во 89-та минута.

Играчите на српскиот првак скапо ги платија грешките на „Драгао“. Учена со несмасна реакција направи пенал во шестата минута, а Гомез погоди за 1:0. Изедначи во 33-та минута најмладиот во тимот на Звезда, 17-годишниот Василије Костов.

Во вториот дел, равноправна борба на теренот, Арнаутовиќ за малку промаши во 56-та, а Бруно Дарте во 87-та минута. Две минути подоцна, голем пропуст во одбраната на црвено-белите, Пепе остана сам на десната страна, а откако влезе во шеснаесетникот го проигра Мора кој го постави конечниот резултат.

Динамо го доби и вториот натпревар од Лига Европа. Во Бачка Топола, тимот на Загреб го победи израелскиот Макаби Тел Авив со 1:3.

Дејан Љубичиќ постигна два гола за Динамо, а Матео Лисица еден гол. Саид Абу Фарчи беше стрелец за израелскиот тим. Со оваа победа, Динамо се искачи на врвот на табелата во Лигата на Европа.

Foto/ EPA

Ракометарите на Барселона успеаја да го победат Веспрем со 31:30 (21:21, 13:12) по продолженија, ја освоија титулата клупски светски шампион, од тронот го симнаа токму тимот на Веспрем. Финалниот турнир беше организиран во Египет.

Во текот на првото полувреме се водеше сосема рамноправна борба, се играше по принципот гол за гол, а Барса отиде на полувреме со предност од еден гол – 13:12.

Иан Баруфет постигна пет гола, Блаж Јанц три, Дика Мем два гола. Кај Веспем, Уго Деска постигна четири гола, Недим Ремили и Иван Мартиновиќ постигнаа по три гола.

Во средината на второто полувреме, Барса стекна предност од три гола – 17:14. Веспрем не се предаде, па пет минути пред крајот, унгарскиот тим водеше со 20:19 по промашениот седмерец на Барса и загубената топка.

Следеше војна на нерви. Веспрем имаше напад за победа, но не успеа да го искористи, па финалето отиде во продолженија – 21:21.

По првото продолжение, на семафорот стоеше 26:26. Следеше војна на нерви, а прашањето за победникот го реши Гомез Абељо, кој постигна гол седум секунди пред крајот и го постави конечниот резултат 31:30.

Најефикасни во тимот на Барселона беа Гомез Абељо со шест, Јан Баруфет со пет, Тимоти Н’Гусен и Дика Мем со по четири, Блаж Јанц и Лудивик Фабрегас со по три гола. Кај Веспрем, Уго Деска постигна осум гола, Недим Ремили и Иван Мартиновиќ по шест, Гаспер Маргуч четири гола.

Третото место го освои актуелниот шампион на Европа, екипата на Магдебург, која го победи Ал Ахли со 32:23 (19:11).

Foto/ EPA