Спорт
Тајгер Вудс останува без спонзор: објавено е прекинување на соработката по речиси 30 години
Американскиот професионален играч на голф, Тајгер Вудс, и компанијата „Најки“ објавија крај на соработката по повеќе од 27 години.
Во објавата на социјалните мрежи, Вудс му се заблагодари на коосновачот на компанијата, Фил Најт, за неговата „страст и визија“.
— Tiger Woods (@TigerWoods) January 8, 2024
„Пред повеќе од 27 години имав среќа да почнам партнерство со еден од најпознатите брендови во светот. Тие денови беа исполнети со толку многу неверојатни моменти и спомени, ако почнам да ги именувам, тоа може да потрае засекогаш“, објави голферот на платформата „Икс“ („Твитер“).
„Луѓето ќе прашаат дали има друго поглавје. Да, дефинитивно, ќе има уште едно поглавје. Се гледаме во ЛА!“, напиша Вудс во својата објава.
Производителот на спортска опрема објави и фотографии на социјалните мрежи.
View this post on Instagram
„Тоа беше пеколна рунда, Тајгер. Ги предизвикавте вашата конкуренција, стереотипите, конвенциите, старите училишни начини на размислување. Ја предизвикавте целата институција голф. Нè предизвикавте. И најмногу себе си. И ние сме благодарни за тој предизвик“, додаваат од компанијата.
Вудс освои 15 големи првенства (како грен слемовите во тенис) и ги освои сите носејќи црвена кошула со логото на „Најки“ на предната страна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лесна победа за Рома против Џенова
Фудбалерите на Рома ја совладаа Џенова со 3:1 (1:1) во воведниот натпревар од 21. коло во италијанската Серија А.
Избраниците на Клаудио Раниери конечно одиграа добар партија и доминираа за да дојдат до бодовите иако немаа предност по првите 45 минути.
„Волчицата“ поведе во 25. минута со голот на Артем Довбик, но само осум минути подоцна израмни Масини.
Сепак, второто полувреме и припадна на Рома, која конечниот триумф го оствари преку Ел Шарави во 60. минута и Леали кој си постигна автогол во 73. минута.
Рома сега е на деветтото место со 27 освоени бодови, додека Џенова заостанува четири бода на 11. место.
Спорт
(Видео) Борусија Дортмунд ја продолжи лошата серија, загуби во Франкфурт
Во првиот натпревар од 18. коло на Бундес лигата, Ајнтрахт Франкфурт ја победи Борусија Дортмунд со 2:0. Ајнтрахт се зацврсти на третото место во поредокот. Со натпревар помалку заостануваат два бода зад Баер и шест зад лидерот Баерн. Борусија Дортмунд продолжи катастрофалните резултати на гостувањата. Клубот од Дортмунд се уште нема победа во 2025 година. Сезонава ова е шести пораз за клубот од Дортмунд на деветтото гостување во Бундеслигата.
Домашните поведоа во 18. минута кога по десната страна се проби Расмус Кристенсен, а неговата асистенција ја претвори во гол Хуго Екитике. Кај гостите Гуираси ја пропушти најубавата шанса во првото полувреме кога топката заврши во стативата. Резултатот остана 1:0 до 92. минута кога Оскар Хојлунд постигна гол за 2:0.
Ајнтрахт овој натпревар го одигра без Египјанецот Омар Мармуш, напаѓач кој се пресели во Манчестер сити.
Спорт
Блокиран трансферот на Коло Муани во Јувентус
Во летото 2023 година, Рандал Коло Муани беше најбараниот напаѓач во Европа заедно со Гонзало Рамос од Бенфика. Муани тогаш играше за Ајнтрахт Франкфурт и брилјираше во Бундеслигата.
ПСЖ реши да издвои 95 милиони евра за неговиот трансфер од Франкфурт, а Муани потпиша петгодишен договор.
16 месеци подоцна, Муани е вишок во ПСЖ. Тренерот Луис Енрике им порача на клупските челници да му бараат нов клуб.
Затоа го испратија на позајмица во Јувентус, кој по истекот на позајмицата ќе има право да го откупи договорот на Муани.
Муани слета во Торино, се сликаше на аеродромот, во клубот го чекаа да го потпише договорот. Но трансферот е блокиран.
Како што пишува новинарот Џанлука Ди Марцио, ПСЖ веќе има шест играчи на позајмица, што е максимално дозволено за еден клуб, според новите правила на ФИФА. .
Во овој момент, Јувентус веќе бара алтернативи за Муани доколку ПСЖ не успее да го реши овој проблем.