Спорт
Топ 10 најплатени спортистки – речиси сите се тенисерки

Како што се ближи крајот на 2023 година, порталот Спортико ја објави листата на десетте најплатени спортистки на годината.
Сосема очекувано, на ова рангирање доминира еден спорт.
Според новинарот Курт Баденхаузен, за прв пат по две децении на чело нема да бидат ниту Серена Вилијамс, ниту Марија Шарапова, ниту Наоми Осака. Сепак, првото место сепак и припаѓа на една тенисерка.
Се работи за 19-годишната Американка Кори Гоф, актуелна шампионка на УС Опен. Според Спортико, тинејџерката од Атланта во 2023 година инкасирала 22,7 милиони долари.
Зад неа е Ига Швјонтек од Полска – првата тенисерка на Планетата. Тенисерката од Варшава заработи 21,9 милиони, а на третото место е малку неочекуваната кинеско-американска сензација во не особено популарниот спорт – скијањето во слободен стил.
Станува збор за 20-годишната Ајлин Гу, скијачка со кинеско-американско потекло родена во САД, но која настапува под кинеско знаме од 2019 година. На Зимските олимписки игри во Пекинг во 2022 година, таа освои два златни и еден сребрен медал. Во 2023 година заработила 20 милиони долари.
The top-earning female athletes has a new #1 after two decades of Sharapova, Serena and Osaka. Coco Gauff takes top slot at nearly $23M via @Sportico. pic.twitter.com/MUggtDcEiY
— Kurt Badenhausen (@kbadenhausen) December 6, 2023
Меѓу првите пет се уште две тенисерки – и двете далеку од нивните најдобри резултати на тенискиот терен – Британката Ема Радукану (16,2 милиони) и Јапонката Наоми Осака (15 милиони).
Меѓу првите десет најплатени спортистки во 2023 година беа и:
6) Арина Сабаленка – тенис (12,2 милиони долари);
7) Елена Рибакина – тенис (9,5 милиони долари);
8) Џесика Пегула – тенис (9 милиони долари);
9) Симон Бајлс – гимнастика (8,5 милиони долари);
10) Нели Корда – голф (7,9 милиони долари).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Макаби славеше во израелското дерби во Евролигата

Кошаркарите на Макаби од Тел Авив го победија Хапоел со 103:90 во првиот натпревар 3. коло од Евролигата. Натпреварот се одигра во Софија, каде што Хапоел како домаќин ги игра натпреварите во Евролигата.
Натпреварот беше неизвесен до самиот крај, се играше во серии, а потоа Макаби успеа на „крилата“ на Џефф Даутин Џуниор да направи клучна предност и рутински го до заврши натпреварот.
Ова беше прва победа на Макаби во сезоната, како и прв пораз на Хапоел.
Во редовите на „Гордоста на Израел“, се истакна Лони Вокер со 20 поени, два скока и четири асистенции и потоа Ошај Брисет со 19 поени и четири скока.
Џеф Даутин Џуниор и Џален Хорд постигнаа двоцифрен број поени по 13 поени, додека Роман Сокрин постигна 12, а Тамир Блат 11 поени со четири скока и седум асистенции.
Кај Хапоел се истакна Елајџа Брајант со 18 поени, а потоа следуваа Антонио Блејкни со 16, Ден Отуру со 15 и Василије Мициќ со 14 поени и четири асистенции.
Спорт
Пелистер загуби со двоцифрена разлика од Висла

Еурофарм Пелистер, во четвртото коло го доживеа третиот пораз во групната фаза од Лигата на шампионите. Вечерва во Плоцк, македонскиот првак доживеа убедлив пораз од Висла 36:25.
Еурофарм Пелистер на Висла и се спротивстави само во првите 20 минути. Една третина од натпреварот избраниците на Рубен гарабаја делуваа добро на теренот. Битолчани имаа предност 8:9, кога започна серијата на Висла од 6:1.
Таа серија се покажа како клучна за преостанатиот тек на натпреварот. Висла на полувреме замина со предност 18:14.
Вториот дел Висла рутински го одработи, на десет минути до крајот домаќинот дојде и до двоцифрена предност (30:20), на крајот полскиот тим победи 36:25.
Пелистер го предводеше Дејан Манасков со седум гола, кај Всла најефикасен беше францускиот репрезентативец Мелвин Ричардсон со осум погодоци.
Foto/ EPA
Спорт
Салах го однесе Египет на Светското првенство

Фудбалската репрезентација на Египет обезбеди место на Светското првенство следната година откако го победи Џибути со 3:0 во африканските квалификации.
Во групата А, коло пред крајот, Египет на првото место има недостижни пет бода повеќе од Буркина Фасо, која е на второто место. Египет четврти пат во историјата избори место на Мундијалот, претходно „фараоните“ беа дел од најголемата фудбалска смотра во 1934, 1990 и 2018 година.
Од Африка, место на Мундијалот претходно изборија Мароко и Тунис.
Египет убедливо го победи Џибути со 3:0 на гостински терен со головите на Ибрахим Адел и Мохамед Салах (два).
Покрај трите селекции од Африка и домаќините Канада, Мексико и САД, пласман на Светското првенство досега изборија: Јапонија, Нов Зеланд, Иран, Узбекистан, Јужна Кореја, Јордан, Австралија, актуелниот светски шампион Аргентина, Еквадор, Бразил, Уругвај, Парагвај и Колумбија.