Спорт
Трансферот на Реина ќе го избрка Донарума од Милан
Талентираниот голман на Милан, Џанлуиџи Донарума, сериозно ги разгледувал опциите да го напушти клубот по завршувањето на сезоната. Причина за ваквото размислување на младиот голман е трансферот на искусниот шпански голман Пепе Реина.
Милан го договори…


Талентираниот голман на Милан, Џанлуиџи Донарума, сериозно ги разгледувал опциите да го напушти клубот по завршувањето на сезоната. Причина за ваквото размислување на младиот голман е трансферот на искусниот шпански голман Пепе Реина.
Милан го договорил Шпанецот кој на „Сан Сиро“ по завршувањето на сезоната ќе пристигне како слободен играч, меѓутоа неговиот трансфер многу го налутил семејстовот Донарума.
Како што пишува „Кориере дело Спорт“, трансферот на Реина ја загрозува позицијата што во моментов во клубот ја има братот на Џанлуиџи, Антонио.
Спорстикот директор Масимо Мирабели решил да го донесе Реина иако во договоро на Џанлуиџи и Милан стои дека неговиот брат Антонио ќе биде резервната опција на голманската позиција.
На трансфер на младиот голман инсистира и неговиот менаџер Мино Рајола. Контроверзниот менаџер ќе се обиде да го продаде Џанлуиџи во ПСЖ за сума од 60 милиони евра.
Во случај да замине Донарума, тогаш Реина би бил прв голман, додека резервен голман би бил младиот Алесандро Плицари кој е позајмен во Тернана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Лудница на стартот и нова сприт победа на Марк Маркез

Марк Маркез продолжува да доминира во класата Мото ГП, а по спринтот на патеката Остин го има максималниот учинок во новата сезона, 5 од 5.
Маркез, победи на третата спринт трка од почетокот на сезоната, во која перфектно влезе бидејќи има и две победи во главните трки.
Спринт трката во САД имаше бурен старт, Бањаја успеа брзо да се пробие од шестата на лидерската позиција… Но Италијанецот не издржа долго во битката со браќата Маркез.
Набрзо се беше решено, борбата меѓу двајцата возачи на Дукати беше кратка, Марк го зазеде првото место, а зад него се најде неговиот помлад брат Алекс, па Бањаја мораше да се задоволи со третото место.
Фабио Ди Џанантонио се најде на четвртото место пред неговиот тимски колега Франко Морбидели.
Фабио Квартаро може да биде задоволен со шестата позиција, а зад него е Педро Акоста. Потоа следеа Лука Марини, Аи Огура и Марко Бецеки.
Главната трка се вози во недела од 21:00 часот.
Спорт
(Видео) Реал се мачеше со Леганес, победи со пресврт

Реал Мадрид го преживеа гостувањето на Леганес во 29.коло. Актуелните шампиони славеа со 3:2.
Реал, против екипата која се бори за опстанок до предност дојде во 32.минута, од пенал. Мбапе, слично како Хулијан Алварез во 2Мадрилењо“ дербито со паненка го совлада Дмитровиќ.
И кога сите навивачи на Реал Мадрид на стадионот помислија дека се е решено и дека нивниот тим лесно ќе го реши прашањето за победникот, се случи нешто сосема спротивно.
Само минута подоцна Леганес израмни преку Диего Гарсија, а студен туш за сите следеше во 41. минута кога Дани Раба го принуди Андреј Лунин по вторпат да ја извади топката од мрежата.
Со овој резултат тимот замина на пауза, а во вториот дел од натпреварот Реал успеа да изедначи по само две минути игра.
Беше јасно дека Леганес тешко ќе се одбрани до крајот на мечот.
Ново водство на овој натпревар Реал дојде во 76. минута, кога Килијан Мбапе го постигна својот втор гол на натпреварот. Овој гол може да се припише на голем кикс на гостинската одбрана, бидејќи Французинот изведе слободен удар, а топката мина низ живиот ѕид, кој се раздвои, а Димтровиќ немаше шанса да го брани ударот.
Спорт
ПАО ќе потроши милиони за да го задржи Нан

Кендрик Нан и Панатинаикос догвориле продолжување на договорот до летото 2028 година..Според грчката СДНА, Панатинаикос ќе му плаќа на Нан 4,5 милиони евра по сезона и тој ќе стане најплатен играч во Евролигата.
Нан ќе остане во Атина уште три години, каде ќе заработи вкупно 13,5 милиони. Се додава дека договорот нема НБА клаузула што практично значи дека Нан е блиндиран во Панатинаикос во следните три сезони.
Поранешниот кошаркар на Мајами и Лос Анџелес Лејкерс оваа сезона игра неверојатно, моментално води во елитното натпреварување со просек од 20,3 поени.
Заедно со Саша Везенков и Ти Џеј Шортс, тој ќе биде главен кандидат за признанието МВП.
Панатинаикос, актуелниот шампион во Евролигата, моментално е трет во поредокот со 20 победи и 12 порази.