Спорт
УЕФА: Не постои „случај Рамос“
Европската фудбалска унија (УЕФА) демантира дека капитенот на Реал Мадрид, Серхио Рамос, бил под допинг во финалниот натпревар против во Лигата на шампионите Јувентус, во 2017 година.
Магазинот „Шпигл“, објави документи на „Фудбал Ликс“, во кои се тврд…
Европската фудбалска унија (УЕФА) демантира дека капитенот на Реал Мадрид, Серхио Рамос, бил под допинг во финалниот натпревар против во Лигата на шампионите Јувентус, во 2017 година.
Магазинот „Шпигл“, објави документи на „Фудбал Ликс“, во кои се тврди дека Рамос бил позитивен на дексометазон. Овој лек може да се користи само доколку претходно е известена УЕФА, но од седиштето на европската куќа на фудбалот во Нион, тврдат дека Рамос не паднал на допинг тестот што му бил направен по завршувањето на натпреварот.
Реал, синоќа, веднаш се огласи со соопштение во кое ги демантира наводите на „Шпигл“, со зборовите дека „капитенот никогаш не ги прекршил анти-допинг правилата“.
По Реал се огласија и од УЕФА, со тврдењата дека во случајот со Рамос немало никакви елементи за покренување на истрага.
„УЕФА категорично ги отфрла сите неосновани обвинувања, кои се поврзани со позитивниот допинг-тест на Серхио Рамос. Спорната контрола на УЕФА е извршена согласно правилата на Светската анти-допинг агенција (ВАДА). УЕФА ги информира ВАДА и ФИФА за сите случаи поврзани со допинг контролите и со резултатите од истите. Исто така УЕФА и ВАДА имаат право да поднесат жалба до Судот за спортска арбитража, на сите одлуки што ќе ги донесе УЕФА. Меѓутоа УЕФА и ВАДА во случајот со Серхио Рамос не поднеле никаква жалба. ВАДА потврди дека УЕФА контролата ја извршила според правила“, се наведува во соопштението на УЕФА.
„Фудбал ликс“: Серхио Рамос паднал на допинг тест по финалето на ЛШ во 2017!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.