Спорт
УЕФА подготвува нова казна за Црвена звезда
Фудбалскиот клуб Црвена звезда се соочува со нова казна од УЕФА, откако европската куќа на фудбалот покрена нова дисциплинска постапка против српскиот шампион. Постапката е покрената поради однесувањето на навивачите и клупските претставници на реванш …
Фудбалскиот клуб Црвена звезда се соочува со нова казна од УЕФА, откако европската куќа на фудбалот покрена нова дисциплинска постапка против српскиот шампион. Постапката е покрената поради однесувањето на навивачите и клупските претставници на реванш натпреварот против Слацбург, во плејофот за пласман во Лигата на шампионите.
УЕФА покрена истрага против Црвена звезда по неколку основи: влегување на навивачите на теренот по завршувањето на натпреварот, користење на пиротехника, нанесување материјална штета на стадионот, фрлање предмети на теренот и поради црвениот картон што го доби помошниот тренер Милан Косановиќ.
Случајот, дисциплинската комисија на УЕФА ќе го разгледува на 7.септември.
Црвена звезда, поради однесувањето на навивачите, веќе беше ригорозно казнета ова лето. Белградскиот клуб два натпревари требаше да одигра без публика. Поради тоа мечот со Салцбург се одигра пред празни трибини, а потоа УЕФА ја прифати жалбата на клубот и казната ја намали на еден натпревар.
Меѓутоа последниот случај може да значи дека УЕФА ќе ја врати првобитната одлука и ќе ги затвори портите на стадионот „Рајко Митиќ“ за натпреварот против Наполи во Лигата на шампионите на 18.септември.
УЕФА, исто така, покрена дисциплинска постапка и против домаќинот на натпреварот Салцбург, а одлуката ќе биде соопштена на 27.септември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024