Спорт
Успешен старт на Лигата на нации, Гибралтар беше лесен залак (видео)
Македонија со победа го стартуваше новото натпреварување на УЕФА, Лигата на нации, откако на гостувањето кај Гибралтар стигна до рутинска 0:2 победа.
Тимот на селекторот Игор Ангеловски ја „одработе“ задачата на гостувањето кај најновиот член на УЕФА, …
Македонија со победа го стартуваше новото натпреварување на УЕФА, Лигата на нации, откако на гостувањето кај Гибралтар стигна до рутинска 0:2 победа.
Тимот на селекторот Игор Ангеловски ја „одработе“ задачата на гостувањето кај најновиот член на УЕФА, и со два гола во првото полувреме го реши прашањето за победникот. По спориот старт на мечот, и неколкуте пропуштени шанси, Иван Тричковски ја „префрли“ формата која ја има за АЕК Ларнака во Лига Европа и во националниот дрес, постигнувајќи убав гол во 19. минута, негов прв по пауза од пет години во репрезентацијата. Стефан Ристовски убаво излезе од десната страна, и го најде Тричковски кому не му беше тешко да ја смести топката во голот.
Во 34. минута, одлична шанса имаше фудбалерот на Леванте, Енис Барди, кој излезе сам пред голманот, но ја упати топката директно во неговото лице. Само минута подоцна, Македонија поведе со 2:0, откако по корнер, топката дојде пред фудбалерот на Лидс, Езѓан Алиоски, кој со силен удар го реши победникот на натпреварот. Во 41. минута, во убава шанса беше и Стефан Спировски, но голманот на домаќините одлично реагираше.
Во второто полувреме на местото на капитенот Горан Пандев влезе во игра Илија Несторовски, а во 56. минута, Алиоски се обиде да даде атрактивен гол со ножички. Само минута подоцна имаше фаул над Несторовски во шестнаесетникот, но судијата не реагираше.
По рутинската победа в недела не чека вистинскиот тест, со најсериозната репрезентација во нашата група, Ерменија, која се намачи пред да стигне до 2:1 победа над Лихтенштајн благодарение на голот на фудбалерот на Вардар, Тигран Барсегјан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Борусија ќе заработи повеќе ако загуби од Реал во финалето
Борусија Дортмунд и Реал Мадрид ќе се сретнат на 1.јуни на „Вембли“ во финалето на Лигата на шампионите.
Реал во своето 18.финале ќе се обиде да го освои 14. трофеј, додека Борусија трет пат ќе се бори за титулата во ЛШ. „Милионерите“ имаат една титула.
Сепак, ако на дуелот во Лондон се гледа само од финансиска перспектива, на Борусија повеќе и се исплати да загуби!
УЕФА победникот ќе го награди со 20 милиони евра, додека поразениот клуб ќе заработи 15,5 милиони евра.
Доколку загуби Борусија ќе добие дополнителни 25 милиони евра, но не од УЕФА туку од Реал.
Џуд Белингем, минатото лето за сума од 103 милиони евра, од Борусија се пресели во Реал. Во неговиот договор има клаузула според која Реал мора да и исплати на Борусија дополнителни 25 милиони евра доколку Белингем со Реал ја освои Лигата на шампионите во наредните пет години.
Спорт
Баер Леверкузен ги собори сите рекорди на непобедливост
Фудбалерите на Баер Леверкузен, предводени од тренерот Чаби Алонсо, станаа рекордери во светскиот фудбал. „Фармацевтите“ 49 натпревар не знаат за пораз. Тие, синоќа, го урнаа рекордот на Бенфика стар 59 години.
Она што особено инпресионира во оваа нестварна серија се головите што ги постигнуваат играчите на Алонсо по 90.минута. Сезонава одиграле 17 такви натпревари.
Синоќа против Рома, исто како и пред десет дена против Штутгарт, Баер од пораз се спаси со гол во 97.минута.
„Фармацевтите“ ќе имаат можност да ги освојат сите можни трофеи оваа сезона. Тие одамна ја освоија титулата во Бундеслигата, што беше нивна прва во клупската историја, а до крајот на овој месец ги очекуваат финалните натпревари во Купот на Германија и Лига Европа.
Избраниците на Чаби Алонсо последен пат загубија на 27 мај минатата година во последното коло од Бундеслигата против Бохум со 3:0.
Bayer everkusen 90th minute goals this season:
90′ vs Ottensen
90′ vs Bremen
90+1′ vs Leipzig
90+1′ vs Stuttgart
90+1′ vs Hoffenheim
90+1′ vs West Ham
90+2′ vs Sandhausen
90+2′ vs Qarabag
90+3′ vs Qarabag
90+4′ vs Bayern
90+4′ vs Qarabag
90+4′ vs Augsburg
90+5′ vs Bayern
90+7’… pic.twitter.com/Oxh2BymdRI— StatMuse FC (@statmusefc) May 9, 2024
Спорт
Проблем за ФИФА – фудбалерите се заканија со тужба
Две здруженија на фудбалери се заканија дека ќе ја тужат ФИФА поради проширениот формат на Светското клупско првенство.
ФИФпро и Асоцијацијата на лигите, која е составена од 46 натпреварувања ширум светот (пет европски национални првенства и МЛС), не се согласуваат со одлуката на ФИФА да се одржи Светското клупско првенство во формат со 32 тима, кој би траел над 29 дена.
Овие две организации не дадоа нов датум за одржување на Мундијалот, но бараат овој предлог да биде разгледан на следниот конгрес на ФИФА.
Според одлуката на ФИФА, Светското клупско првенство треба да се одржи во 2025 година во проширен формат со 32 селекции, каде ќе се одиграат вкупно 63 натпревари.
Ќе бидат формирани осум групи со по четири тима, а најдобрите две од секоја група ќе продолжат во нокаут фазата.
На клупскиот Мундијал ќе учествуваат 12 екипи од Европа, шест од Јужна Америка, четири од Централна и Северна Америка и Африка и еден клуб од Океанија.
🚨 26/32 clubs secured 2025 Club World Cup!
🔶 6 teams are left to confirm their spots!
🔷 At the Football Rankings – Ptrn page (link in bio), analysis on the races for the remaining six spots has been posted earlier today. pic.twitter.com/cjVnoaEoDQ
— Football Rankings (@FootRankings) May 6, 2024