Спорт
Ученици од Охрид, Дебарца, Струга и Кичево трчаа во „Трката на различностите“
Повеќе од 200 ученици од основните училишта од Охрид, Дебрца, Струга и Кичево учествуваа на училишната трка која е дел од „Трките на различностите“, а во склоп на спортската манифестација „Охрид трчаТ“.
Најдобрите и најбрзите на трката ги награди градо…


Повеќе од 200 ученици од основните училишта од Охрид, Дебрца, Струга и Кичево учествуваа на училишната трка која е дел од „Трките на различностите“, а во склоп на спортската манифестација „Охрид трчаТ“.
Најдобрите и најбрзите на трката ги награди градоначалникот на Охрид, Јован Стојаноски, а организираторот ги изненади со бесплатен ваучер за учество на „Охрид трчаТ“, кој ќе се одржи на 3 јуни.
„На наше големо задоволство покрај основните училишта од Охрид на нашата покана позитивно ја прифатија и основите училишта од Дебца, Струга и Кичево. Натпреварувачкиот рекреативен дел помина во добра и позитивна атмосфера, што нас како организиратори прво ни дава мотив за предизвиците кои ни престојат во последните денови до главниот настан. Ние како организиратори одлучивме да ги изненадиме најдобрите и да ги наградиме со бесплатен ваучер за учество на „Охрид трчаТ“, изјави Катерина Бујароска-Ангелеска.
Училишната и детската трка која ќе се одржи на 2.јуни и ќе биде најава за главниот настан се спроведени од страна на асоцијацијата „Спорт за сите-сите за Спорт“ и Сојузот на училишен спорт од Охрид, а е поддржана од Европската Унија, Локална агенција за развој и ЗГ „Креативни и активни“ од Струга.
Победници:
Женска конкуренција:
1. Марија Шипинкоска (ОУ Христо Узунов)
2. Драгана Усовиќ (ОУ Христо Узунов)
3. Александра Петреска (ОУ Браќа Миладиновци – Струга)
Машка конкуренција:
1. Филип Ѓоргоски (ОУ Христо Узунов)
2. Атанас Куциноски (ОУ Христо Узунов)
3. Климент Филев (ОУ Климент Охридски)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Холанѓанецот Ферстапен го надмудри Мекларен и ја оствари првата спринт победа

Возачот на Ред Бул, Макс Ферстапен, триумфираше на третата спринт трка во сезоната, која се одржа во рамките на Големата награда на Белгија, 13-то коло од овогодинешното првенство во Формула 1.
Холанѓанецот ја оствари својата прва спринт победа годинава со предност од седум и пол десетинки во однос на Оскар Пјастре од Мекларен. Третото место на подиумот го освои другиот возач на британскиот тим, Ландо Норис, кој беше нешто помалку од седум десетинки од секундата зад својот соиграч. Интересно е што спринт трката во Спа е прва во историјата откако Кристијан Хорнер повеќе не беше шеф на тимот во Ред Бул, па Верстапен му донесе триумф на тимот на дебито на Лоран Маки.
Фото: принтскрин
Спорт
Аморим: Нема да има распродажба во Манчестер јунајтед

Тренерот на Манчестер јунајтед, Рубен Аморим, изјави дека заинтересираните клубови нема да можат да добијат играчите, на кои клубот повеќе не смета, по „дисконтни“ цени објави денес Би-Би-Си.
Откако Маркус Рашфорд се пресели на позајмица во Барселона, Ентони, Џејдон Санчо, Алехандро Гарначо и Тирел Маласија беа изоставени од турнејата на Јунајтед во САД и се вратија на индивидуални тренинзи во тренинг центарот во Карингтон.
Бетис сака да го врати Ентони, каде што играше на позајмица минатата сезона, додека Јувентус е заинтересиран за Санчо, но тој прво мора да ослободи место во тимот. Гарначо се поврзува со неколку европски клубови.
Сепак, засега нема конкретни понуди, а се шпекулира дека клубовите ќе чекаат до последните денови од преодниот рок, надевајќи се дека Јунајтед ќе мора да ги намали цените.
„Техничкиот директор Џејсон Вилкокс, извршниот директор Омар Берада и целиот клуб јасно поставија цени за тие играчи. Доколку другите клубови не ги достигнат, тие остануваат играчи на Манчестер јунајтед, нема сомнение“, рече Аморим.
Аморим додаде дека некои играчи сакаат нов предизвик и дека клубот им дава време да размислат, но исто така рече дека потенцијалните купувачи не треба да се надеваат дека ќе може да ги добие овие играчи речиси за џабе.
Јунајтед веќе ги донесе новите засилувања Брајан Мбеумо, Матеуш Куња и Диего Леон ова лето, но сè уште бараат напаѓач и централен играч од средниот ред за да ги пополнат празнините во составот.
Аморим истакна дека е задоволен од сегашниот состав и дека е подготвен да ја започне сезоната со него. Манчестер јунајтед новата сезона ќе ја отвори со дербито против Арсенал.
Foto/ EPA
Спорт
(Видео) Шокираниот Медведев искрши сè по елиминацијата во Вашингтон

Дуелот помеѓу Данил Медведев и Корентан Муте ја донесе најлудата завршница и најлудиот поен на меч топка оваа сезона.
Муте, сензационално го победи Медведев во четвртфиналето на Вашингтон по пресврт и речиси два и пол часа борба со 1:6, 6:4, 6:4.
Апсолутно никој, а веројатно ни самиот Французин, не очекуваше таков исход, особено откако експресно го загуби првиот сет.
Погледнате како се одвиваше последниот поен на мечот.
😱 One of the most DRAMATIC match points you’ll see all year
🇫🇷 Moutet X Medvedev 🇷🇺 pic.twitter.com/FNnB4ACDmu
— Olly Tennis 🎾🇬🇧 (@Olly_Tennis_) July 25, 2025
Пред поздравот, Медведев лут го фрли рекетот на трибините, а што направи веднаш потоа… Па, погледнете го и тоа.
You can always recognize Russian psychopaths, even when they compete “without a flag.”
Given how fragile the Russian economy is, smashing rackets after humiliating losses has gotten too expensive. So Medvedev switched to bottles instead. pic.twitter.com/sHlx6M10tj
— Victoria (@victoriaslog) July 25, 2025