Спорт
Федерер не се „испоти“ против Пер, следува „лошото момче“ Кирјос
Роџер Федерер е во третото коло на САД опен, откако со 7:5/6:4/6:4 го совлада Французинот Беноа Пер, за да остане на добар пат за вториот гренд слем трофеј оваа година и 21. во кариерата.
Следен за Федерер е Австралиецот Ник Кирјос, кој имаше „сликовит…
Роџер Федерер е во третото коло на САД опен, откако со 7:5/6:4/6:4 го совлада Французинот Беноа Пер, за да остане на добар пат за вториот гренд слем трофеј оваа година и 21. во кариерата.
Следен за Федерер е Австралиецот Ник Кирјос, кој имаше „сликовит“ пат до третото коло (видете го линкот подолу)
Четвртиот носител, Александер Зверев пак, експресно влезе во третото коло со 6:4/6:4/6:2 победа над францускиот ветеран Никола Мау. 21-годишниот Германец ги искористи своите пет брејк поени и имаше 10 аса и 18 директни победнички топки во мечот кој траеше час и 49 минути.
Следен за него е неговиот германски сонародник, Филип Колшрајбер, кој се врати од сет негатива за 6:7(3)/6:3/6:2/6:0 победа над Австралиецот Метју Ебден.
Кај дамите, четвртата носителка, Анџелике Кербер го спречи кам-бекот на Швеѓанката Јохана Ларсон за 6:2/5:7/6:4 победа. Шампионката од 2016 година го освои првиот сет и водеше со 5:2 во вториот, кога почнаа да се јавуваат проблеми во играта на Германката поради жештината и таа загуби пет гема во низа. Паузата од 10 минути пред третиот сет ја врати силата на Кербер, која направи еден брејк за пласман во третото коло.
„Игравме на високо ниво од првиот поен и мечот беше решен со поен или два“, вели Кербер, која сега игра со 29. носителка, Доминика Цибулкова.
Бизарности во Њукорк! Судијата му одржа лекција на Кирјос, по што тој победи (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.