Левиот бек на фудбалската репрезентација на Македонија, Езѓан Алиоски ја заврши авантурата во Саудиска Арабија. Алиоски реши да се врати во Европа, во новата сезона ќе го носи дресот на Лугано.

Езѓан Алиоски, стрелец на 13 голови во 85 настапи за Македонија, од 2021 година го носеше дресот на Ал Ахли. Не успеа да се наметне и не доби вистинска шанса, една сезона дури мина и на позајмица во Фенербахче.

Органичената минута го натера да се врати во Швајцарија каде што започна да ја гради успешната кариера.

Алиоски потпиша со Лугано, тим чии дрес го носеше во сезоните 2015/16 и 2016/17.

Со швајцарскиот тим, Алиоски потпиша договор до јуни 2027 година.

Холандскиот фудбалер Квинси Промес (33) е екстрадиран во Холандија во петокот, каде што е осуден на седум и пол години затвор за шверц на кокаин и ранување на свој роднина.

За неговата вмешаност во шверцот на повеќе од еден тон кокаин од Бразил во 2020 година, Промес беше осуден во отсуство на шест години затвор во февруари 2024 година, додека доби дополнителна година и пол во друг случај, за прободување на роднина по расправија на семејна прослава.

Досега, тој беше недостапен за холандските власти бидејќи во времето на пресудата играше за Спартак Москва, во Русија, кој, поради агресијата врз Украина, ги прекина дипломатските односи со западните земји, па поради тоа Промес не беше екстрадиран во Холандија.

Во меѓувреме, Промес направи сообраќаен прекршок во Дубаи, каде што тренираше со Спартак, за што беше уапсен на аеродромот, бидејќи претходно избегал од местото на настанот.

Таму тој потпиша за клубот од втората лига за кој играше до неодамна, кога полицијата повторно го уапси врз основа на меѓународна потерница и, по наредба на холандското обвинителство, сега го екстрадираше во неговата земја.

Промес, да потсетиме, го носеше дресот на холандската репрезентација 50 пати и постигна седум гола.

Последен пат играше за репрезентацијата во 2020 година.

Скандалозна сцена се случи за време на Светското клупско првенство во Соединетите Американски Држави, кога фудбалерот на Интер, Франческо Ачерби, му се закани на навивач на Пари Сен Жермен.

На видео кое се шири на социјалните мрежи, може да се види како навивач во дресот на ПСЖ се приближи до тренингот на Интер и го провоцира искусниот дефанзивец, потсетувајќи го на болниот пораз во финалето на Лигата на шампионите.

„Ачерби, Баркола!“ извика навивачот, алудирајќи на францускиот фудбалер кој одигра одличен натпревар против Интер.

Италијанскиот фудбалер не остана должен. Сосема изнервиран, Ачерби возврати со брутална закана: „Не ми се допаѓа да ме прават будала. Сериозен сум. Луд сум и ќе те претепам.“

Неговите зборови веднаш предизвикаа лавина од коментари во италијанските и европските медиуми, а некои навивачи веруваат дека дефанзивецот би можел да се соочи со дисциплински мерки за своето однесување.

Да потсетиме дека Интер се натпреварува во Групата Е од Светското клупско првенство, каде на стартот одигра нерешено со Монтереј, за кој настапуваат Серхио Рамос, Оливер Торес, Лукас Окампос и Хесус Корона. Следните предизвици за тимот од Милано ќе бидат дуелите против Урава Редс и Ривер Плата.

"Acerbi-Barcola no, perché io matto, io ti sfondo di botte" pic.twitter.com/r5PQKqyV6T

— Che strano account, Francesco (@drak3acm) June 20, 2025