Спорт
Харден е МВП, а Симонс дебитант на сезоната
Бекот на Хјустон Рокитс, Џејмс Харден е прогласен за МВП на сезоната во НБА лигата, додека најдобар дебитант е играчот на Филаделфија ’76, Бен Симонс.
Харден, во регуларниот дел од минатата сезона, во просек по натпревар бележел по 30,4 поени, 8,8 асис…


Бекот на Хјустон Рокитс, Џејмс Харден е прогласен за МВП на сезоната во НБА лигата, додека најдобар дебитант е играчот на Филаделфија ’76, Бен Симонс.
Харден, во регуларниот дел од минатата сезона, во просек по натпревар бележел по 30,4 поени, 8,8 асистенции и 5,4 скока. Тој го предводеше Хјустон до првото место во лигата со 65 победи и 17 порази. Сепак Рокитс не успеаја да го минат финалето во Западната конференција.
Харден до признанието дојде пред Леброн Џејмс од Кливленд Кавалирс и Ентони Дејвис од Њу Орлеанс Пеликанс.
Харден е првиот играч на Хјустон по 1994 година што го добил ова престижно признание.
Дебитант на годината е Бен Симонс од Филалделфија. Во „тесна“ борба“ тој на градата ја доби пред бекот на Јута Џез, Донован Мичел.
Симонс регуларниот дел од сезоната го заврши со просечни 15,8 поени, 8,2 асистенции и 8,1 скока по натпревар.
Тој е првиот Австралиец и третиот неамериканец што ја добил оваа награда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погачар: Не се гледам себеси во професионалниот велосипедизам уште долго

Словенечкиот велосипедски ас Тадеј Погачар по четвртиот триумф на Тур Д’ Франс предизвика вистински шок во јавноста со своите изјави за „Лекип“. Иако има само 25 години, тој веќе сериозно размислува да се збогува со спортот.
„Нема да се пензионирам веднаш, но не се гледам себеси во професионалниот велосипедизам уште долго. Олимписките игри во Лос Анџелес во 2028 година се мојата голема цел, а по нив сериозно ќе размислувам за пензионирање“, откри Погачар.
Тој се осврна и на историски момент за Словенија – почетокот на Тур Д’ Франс доаѓа во нивната земја во 2029 година. Сепак, Погачар јасно стави до знаење дека тогаш, речиси сигурно, повеќе нема да се натпреварува:
„За мене е неверојатно што Турот ќе започне во Словенија во 2029 година. Ќе бидам таму, тоа е сигурно, дури и да не се натпреварувам“, објасни тој.
Спорт
Џака се врати во Премиер лигата

Швајцарскиот фудбалер Гранит Џака се враќа во Премиер лигата, поточно во Сандерленд.
Ова го објави речиси непогрешливиот фубалски инсајдер Фабрицио Романо.
Романо изјави дека Сандерленд, клубот кој се врати во Премиер лигата минатата сезона, постигнал договор со Леверкузен за трансфер вреден 20 милиони евра.
Џака ќе потпише договор до летото 2027 година.
32-годишниот играч од средниот ред на тој начин ќе се врати во Премиер лигата, каде што претходно играше за Арсенал од 2016 до 2023 година.
Спорт
Капитенот на Рома го напушта клубот

Лоренцо Пелегрини, капитенот на Рома би можел да го напушти кубот до крајот на преодниот рок.
„Калчомеркато“, тврди дека капитенот на „волчицата“ добил зелено светло од тренерот Џанпјеро Гасперини за трансферот.
Милан, Интер и Наполи се заинтересирани за услугите на 29-годишниот фудбалер. Според обложувалниците најголем фаворит за потписот на Пелегрини е Милан.
Пелегрини е дете на Рома. Тој е во клубот од почетокот на својата кариера.
Досега, на 316 натпревари за првиот тим на Рома, постигна 55 голови и забележа 59 асистенции.
Фото/ Принскрин