Спорт
(Видео) Холанѓанките во неверојатна драма подобри од Шпанија
Холандија ја забележа и втората победа на ЕП во Франција, откако во интересен меч со 28:27 беа подобри од Шпанките, додека Норвешка по фрустрирачкиот пораз од Германија во првото коло ги „начека“ Чехинките за висока и убедлива 31:17 победа.
Холандија и…
Холандија ја забележа и втората победа на ЕП во Франција, откако во интересен меч со 28:27 беа подобри од Шпанките, додека Норвешка по фрустрирачкиот пораз од Германија во првото коло ги „начека“ Чехинките за висока и убедлива 31:17 победа.
Холандија и Шпанија играа за пласман понатаму откако двете репрезентации имаа убедливи победи во првото коло, и иако „лалињата“ имаа предност од +3 во првото полувреме, финишот беше за инфаркт.
На само 17 секунди пред крајот, Шпанија успеа да израмни на 27:27, но Холанѓанките дојдоа до победата откако Лоис Абинг од огромна далечина успеа да постигне гол за неверојатна победа. Нике Грот заврши со 9 гола за Холандија, Абинг имаше 6, додека за Шпанките Кармин Мартин имаше шест гола.
Актуелниот шампион, Норвешка пак, по изненадувачкиот пораз од Германија, имаше апсолутна доминација над Чехинките, победувајќи со огромни 14 гола разлика.
UNBELIEVABLE! @nedteamhandbal ?? vs @RFEBalonmano ??#NEDESP #ehfeuro2018 #handballissime pic.twitter.com/KC9RkuXXLY
— EHF EURO (@EHFEURO) December 3, 2018
ГРУПА Ц
Хрватска – Унгарија 18:24 (9:13)
Холандија – Шпанија 28:27 (14:11)
Табела: Холандија 4,Шпанија 2, Унгарија 2, Хрватска 0
ГРУПА Д
Германија – Романија 24:29 (11:14)
Норвешка – Чешка 31:17 (20:10)
Табела: Романија 4, Германија 2, Норвешка 2, Чешка 0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Милано на Димитријевиќ го победи Париз на Шортс
Олимпија Милано го поббеди Париз со 79:74 во второто евролигашно коло. Милано ја забележа првата победа сезонава, додека дебитантот Париз го доживеа вториот пораз.
За македонската јавност мечот во „Медиоланум Форум“ беше интересен поради репрезентативците Ненад Димитирјевиќ и Ти-Џеј Шортс.
Милано победата ја однесе во финишот, откако Париз го контролираше натпреварот во поголемиот дел.
Димитријевиќ натпреварот го заврши со девет поени и три скока, додека Шортс повторно беше најдобра кај Париз. Тој забележа 17 поени, четири скока и осум асистенции.
Спорт
Тухел ја презема Англија?
Германскиот стручњак Томас Тухел наскоро би можел да се врати на тренерската работа, откако спогодбено се раздели со Баерн Минхен.
Како што пренесува Кристијан Фалк од „Билд“, Томас Тухел е првиот кандидат за селектор на Англија.
Од заминувањето на Герет Саутгејт на крајот на Европското првенство, Англија нема именувано селектор.
ФА го назначи како привремен селектор, предводникот на У21 репрезентацијата Ли Карсли.
Позицијата селектор на Англија дефинитивно е една од најтешките работи во светото на фудбалот со оглед на квалитетото што го поседува и големите очекувања кои ги има англиската јавност.
Спорт
(Видео) Германија победи во Зеница, Холандија освои бод во Будимпешта
Германија и Холандија се издвоија на првите две места на табелата и тие ќе ја водат битката за првото место во Групата 3, во А-дивизијата во Лигата на нации. Вечерва Германците победија во Зеница, а Холандија извлече реми во Будимпешта.
Германија ја победи Босна и Херцеговина со 2:1. Двата гола во првото полувреме за Германија ги постигна напаѓачот на Штутгарт Ундав. Покрај овие два, Германците постигнаа уште три гола кои ги поништо ВАР собата.
Голот за БиХ е дело на Един Џеко во 72.минута.
Унгарија не успеа да ја победи Холандија и покрај тоа што во финишот на натпреваро го одигра со играч повеќе.
Салаи во 32.минута погоди за унгарско водство. Холанѓаните во 79.минута останаа без Ван Дајк, кој беше исклучен поради два жолти картони. Четири минути подцна Дамфрис ги постави конечните 1:1
Германија ја предводи групата со седум бода, Холандија има пет, Унгарија 2, а БиХ еден бод.