Спорт
Хрватска „бронзена“ на ЕП
Ватерполо репрезентацијата на Хрватска го освои бронзениот медал на Европското првенство, откако во „малото финале“ ја победи Италија со 10:8. Хрватска до бронзениот медал дојде без селекторот Ивица Туцак, кој поради исклучувањето во полу-финалето прот…
Ватерполо репрезентацијата на Хрватска го освои бронзениот медал на Европското првенство, откако во „малото финале“ ја победи Италија со 10:8. Хрватска до бронзениот медал дојде без селекторот Ивица Туцак, кој поради исклучувањето во полу-финалето против Србија, не можеше да ја предводи својата репрезентација.
Победата над Италоја, Хрватите ја најавија во првата четвртина, во која одиграа беспрекорна одбрана и која ја добија со 4:0.
До крајот на првото полувреме Италија успеа да фати приклучок, па по првите две четвртини резултатот беше 7:5.
Третиот период и припадна на Хрватска со 2:1, а последниот на Италија со ист резултат.
Лорен Фатовиќ беше најефикасен во хрватската репрезентација со три гола, а по два постигнаа Андро Бушље и Лука Лончар. Со по два гола најефикасни кај Италија беа Франческо ди Фулвио и Валентино Гало.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барела на принудна пауза
Играчот од средниот ред на Интер, Николо Барела ќе го пропушти саботниот натпревар против Удинезе поради повреда, соопшти клубот.
Барела (27) го повредил бутниот мускул на десната нога, во неделата против Милан. Интер објави дека следната недела ќе биде подложен на уште еден лекарски преглед.
Според италијанските медиуми, Барела ќе го пропушти натпреварот од Лигата на шампионите против Црвена звезда, а потоа и натпреварот од седмото коло во Серија А против актуелниот лидер Торино.
Спорт
Марсеј е кандидат за домаќин на финалето на ЛШ во 2027 година
Градот Марсеј понуди да биде домаќин на финалето на Лигата на шампионите во 2027 година, откако Европската фудбалска унија (УЕФА) одлучи да ја повлече организацијата од стадионот „Сан Сиро“ во Милано.
„А зошто да не се игра во Марсеј, на најубавиот стадион во Франција: Велодром“, напиша на платформата „X“, претставникот на градските власти на Марсеј, Себастиен Гибраел, само неколку часа по одлуката на УЕФА.
Според него, властите на Марсеј заедно со градоначалникот Беноа Пајан ќе ја поддржат кандидатурата на Марсеј да биде домаќин на финалето на Лигата на шампионите во 2027 година.
УЕФА во вторникот вечерта објави дека „Сан Сиро“ (стадионот на кој играат Милан и Интер) ја загубил организацијата на финалниот меч, бидејќи градот Милан не можел да гарантира дека стадионот и неговата околина ќе бидат подготвени за натпреварот, поради реновирање.
Од УЕФА изјавија и дека имаат за цел, до јуни да го одредат домаќинот. Следните две финалиња од Лигата на шампионите ќе се играат во Минхен и Будимпешта.
„Сан Сиро“, стадион со капацитет од околу 75.000 седишта, четири пати бил домаќин на најважниот натпревар на европскиот клубски фудбал (1965, 1970, 2001 и 2016 година).
Спорт
Рафаел Варан му кажа збогум на фудбалот
Она што го најавија италијанските медиуми, експресно доби потврда. Францускиот фудбалер Рафаел Варан (31) реши да стави крај на кариерата.
По серијата повреди на стартот од својот мандат во Комо, стоперот преку објава на социјалната мрежа „Инстаграм“ објави дека е време за крај.
„Велат дека на сите добри работи им доаѓа крајот. Во текот на кариерата имав многу предизвици пред мене и секогаш успеава да им се спротивставам. Речиси сите требаше да бидат невозможни. Создадов спомени кои ќе траат цел живот. Кога ќе погледнам наназад, со голема гордост и со чувство на исполнетост објавувам дека се повлекувам од играта што сите ја сакаме. Илјада пати паднав и станав и сега е време да застанам и да ги оставам копачките“, напиша меѓу другото Варан.
Варан летово пристигна од Манчестер јунајтед како големо засилување за тимот на Сеск Фабрегас. Тој потпиша договор на 2+1 година, а на крајот одигра само 23 минути во купот.
Кариерата ја започна во Ленс, од каде во 2011 година се пресели во Реал Мадрид, со кој го постигна најголемиот успех во кариерата.
Десет годино беше во Мадрид, четири пати ја освои Лигата на шампионите, три пати титулата шпански првак, како и трофеите од шпанскиот и европскиот Суперкуп. Четири пати беше клупски светски шампион, а со репрезентацијата го освои Светското првенство во 2018 година. Три години подоцна со „триколорите“ го освои трофејот во Лигата на нации.
За Франција одигра 93 натпревари и постигна пет гола.