Спорт
Црвена ѕвезда и Перпероглу пресилни за Будуќност (Видео)
Кошаркарите на Црвена ѕвезда го задржаа максималниот ефект во АБА-лигата откако во дербито на 13.коло забележаа победа над Будуќност со 86:72 (23:11, 23:29, 17:23, 23:9). Со оваа победа белградскиот тим веројатно си го обезбеди првото место во регуларн…
Кошаркарите на Црвена ѕвезда го задржаа максималниот ефект во АБА-лигата откако во дербито на 13.коло забележаа победа над Будуќност со 86:72 (23:11, 23:29, 17:23, 23:9). Со оваа победа белградскиот тим веројатно си го обезбеди првото место во регуларниот дел од сезоната.
Финалистите од минатата сезона, во Белград, одиграа одличен натпревар преполн со пресврти, а решавачка за конечниот резултата беше последната четвртина во која играчите на Црвена ѕвезда одиграа беспрекорно во одбраната, на противниците им дозволија да постигнат само девет поени, а постигнаа 23.
Првиот период домашните играчи го добија со 12 коша, а на полувреме разликата беше шест поени за Црвена ѕвезда, меѓутоа Будуќност во вториот квартал постигнаа дури 29 поени.
Целосен пресврт гостите направија во третиот период кога создадоа и предност од осум поени. Тогаш домашните кошаркари со голема борбеност направија серија од 16:0 и во последната четвртина влегоа со резултат 63:63.
Во последниот период доминираше центарот на Црвена ѕвезда, Мајкл Оџо, кој го затвори рекетот под својот кош, а неговите соиграчи во нападот немаа проблем со реализацијата.
Искусниот грчки кошаркар Стратос Перперогу ја предводеше Црвена ѕвезда со 23 поени, а младиот Бориша Симаниќ забележа 14 поени и 12 скока. На спротивната страна се истакна двојниот НБА шампион Норис Кол со 21 поен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бразил на Копа Америка без Ришарлисон, Касемиро, Габриел Жесус…
Селекторот на Бразил, Доривал Жуниор го објави списокот за Копа Америка, иако до почетокот на натпреварувањето останува повеќе од еден месец. Во ростерот има 23 играчи, а Доривал може да направи измени до 23 јуни, ден пред Бразил да го одигра првиот натпревар против Костарика.
Поради повреда на спиското го нема Нејмар, а покрај него нема и тројца кои беа стнадардни на Сп во Катар: Ришарлисон од Тотенхем, Касемиро (Манчестер Јунајтед) и Габриел Жесус (Арсенал). Изненадување е што на списокот го нема фудбалерот на Јувентус, Бремер.
Нападот на Бразил ќе го предводат играчите на реал, Винисиус и Родриго, заедно со 17-годишниот Ендрик.
Изненадувања на списокот се Андреас Переира од Фулам и Жоао Гомеш од Волвс, како и Еванилсон од Порто и Савио од Џирона.
Бразил на Копа Америка е во група со Костарика, Колумбија и Парагвај.
Голмани Алисон (Ливерпул), Бенто (Атлетико Паранаенсе), Едерсон (Манчестер Сити),
Одбрана: Бералдо (ПСЖ), Едер Милитао (Реал Мадрид), Габриел (Арсенал), Маркињос (ПСЖ), Данило (Јувентус), Јан Куто (Џирона), Гиљермо Арања (Атлетико Минеиро), Вендел (Порто),
Ред за врска: Андреас Переира (Фулам), Бруно Гимараеш (Њукасл), Даглас Луис (Астон Вила), Жоао Гомеш (Волвс), Лукас Пакета (Вест Хем),
Напад: Винисиус Жуниор (Реал Мадрид), Родриго (Реал Мадрид), Габриел Мартинели (Арсенал), Рафиња (Барселона), Еванилсон (Порто), Савио (Џирона), Ендрик (Палмеирас).
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.