Спорт
Швајцарски навивачи со трактор од Луцерн пристигнале во Калининград (видео)
Тројца Швајцарци со тркатор пристигнале во Калининград, каде вечерва нивната репрезентација ќе игра против Србија во второто коло, на Светското првенство во Русија.
Беат Штудер, Вернер Цимерман и Жозеф Вајер од Луцерн тргнале на 8.јуни и поминале 2.000…


Тројца Швајцарци со тркатор пристигнале во Калининград, каде што вечерва нивната репрезентација ќе игра против Србија во второто коло на Светското првенство во Русија.
Беат Штудер, Вернер Цимерман и Жозеф Вајер од Луцерн тргнале на 8 јуни и поминале 2.000 километри низ Германија и Полска. Тракторот со кој патуваат овие тројца навивачи се движел со просечна брзина од 30 километри на час.
„Глупави идеи доаѓаат кога ќе испиете малку повеќе“, рекол Жозев Вајер за „Спутник“.
Своето патување тие го опишале како навивачки пат со добра причина бидејќи парите што ќе ги заработат од оваа своја авантура, околу 20.000 долари, ќе ги донираат во една хуманитарна организација од Швајцарија.
Натпреварот Швајцарија-Србија ќе започне во 20 часот. Во првото коло Србија ја победи Костарија 1:0, а Швајцарија одигра 1:1 против Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Погачар: Не се гледам себеси во професионалниот велосипедизам уште долго

Словенечкиот велосипедски ас Тадеј Погачар по четвртиот триумф на Тур Д’ Франс предизвика вистински шок во јавноста со своите изјави за „Лекип“. Иако има само 25 години, тој веќе сериозно размислува да се збогува со спортот.
„Нема да се пензионирам веднаш, но не се гледам себеси во професионалниот велосипедизам уште долго. Олимписките игри во Лос Анџелес во 2028 година се мојата голема цел, а по нив сериозно ќе размислувам за пензионирање“, откри Погачар.
Тој се осврна и на историски момент за Словенија – почетокот на Тур Д’ Франс доаѓа во нивната земја во 2029 година. Сепак, Погачар јасно стави до знаење дека тогаш, речиси сигурно, повеќе нема да се натпреварува:
„За мене е неверојатно што Турот ќе започне во Словенија во 2029 година. Ќе бидам таму, тоа е сигурно, дури и да не се натпреварувам“, објасни тој.
Спорт
Џака се врати во Премиер лигата

Швајцарскиот фудбалер Гранит Џака се враќа во Премиер лигата, поточно во Сандерленд.
Ова го објави речиси непогрешливиот фубалски инсајдер Фабрицио Романо.
Романо изјави дека Сандерленд, клубот кој се врати во Премиер лигата минатата сезона, постигнал договор со Леверкузен за трансфер вреден 20 милиони евра.
Џака ќе потпише договор до летото 2027 година.
32-годишниот играч од средниот ред на тој начин ќе се врати во Премиер лигата, каде што претходно играше за Арсенал од 2016 до 2023 година.
Спорт
Капитенот на Рома го напушта клубот

Лоренцо Пелегрини, капитенот на Рома би можел да го напушти кубот до крајот на преодниот рок.
„Калчомеркато“, тврди дека капитенот на „волчицата“ добил зелено светло од тренерот Џанпјеро Гасперини за трансферот.
Милан, Интер и Наполи се заинтересирани за услугите на 29-годишниот фудбалер. Според обложувалниците најголем фаворит за потписот на Пелегрини е Милан.
Пелегрини е дете на Рома. Тој е во клубот од почетокот на својата кариера.
Досега, на 316 натпревари за првиот тим на Рома, постигна 55 голови и забележа 59 асистенции.
Фото/ Принскрин