Спорт
Шеесет поени на Кемба недоволни за победа, Дончиќ го „урна“ шампионот (видео)
Кемба Вокер постигна 60 поени за домаќините Шарлот хорнетс, но тие не беа доволни за победа, откако Џими Батлер постигна тројка во последната секунда од продолжението за Филаделфија да стигне до 122:119 победа.
За Вокер, ова беше личен рекорд, рекорд з…

Кемба Вокер постигна 60 поени за домаќините Шарлот хорнетс, но тие не беа доволни за победа, откако Џими Батлер постигна тројка во последната секунда од продолжението за Филаделфија да стигне до 122:119 победа.
За Вокер, ова беше личен рекорд, рекорд за Хорнетс и прв учинок со над 60 поени откако Џејмс Харден постигна 60 против Орландо минатиот јануари. Но, Хорнетси не успеаја да го „зачинат“ ова со победа – откако се вратија од 10 негатива во регуларниот дел, тие губеа со 119:114 на 1:14 пред крајот пред Вокер да погоди и Џереми Ламб со тројка да израмни на 34.7 поени до крајот. Вили Ернангомез потоа украде едно додавање, но Батлер го блокираше Вокер, пред да ја постигне тројката.
Словенечкото „чудо“, Лука Дончиќ продолжува со фантастичната игра за Далас, предводејќи ги Маверикси до 112:109 победа над шампионите Голден Стејт со 24 поени, 4 асистенции и 9 скока. Барнс додаде 23 поени, додека за Вориорс најдобар беше Кевин Дурент со 32 поени. Ова беше прва победа на Далас над Голден Стејт по десет натпревари и четврта победа во низа за тимот.
НБА РЕЗУЛТАТИ
Шарлот – Филаделфија 119:122 ОТ
Далас – Голден Стејт 112:109
Њу Орлеанс – Денвер 125:115
Орланд – Л.А. Лејкерс 130:117
Јута – Бостон 98:86
Хјустон – Сакраменто 132:112
Торонто – Чикаго 122:83
Оклахома Сити – Феникс 110:100
Л.А.Клиперс – Бруклин 127:119
Индијана – Атланта 97:89
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола: Судиите десет години го ограбуваат Манчестер сити
Пеп Гвардиола, тренерот на Манчестер сити, беше многу лут по победата на неговиот тим против Борнмут со 3:1 во Премиер лигата.
Тренерот на „Граѓаните“ ги нападна судиите поради голот на Борнмут, кој според него беше постигнат по прекршок врз голманот Донарума.
„Неверојатно е што претставува гол за судиите. Тука сум десет години и се познаваме многу добро. Многу сум среќен со она што го постигнав досега во Сити“, рече Гвардиола.
Тој не застана тука со критиките кон судијата Ентони Тејлор.
„Му реков да ми објасни дали е прекршок или не. Не се удостои да ми одговори. Сите тука на „Етихад“ се храбри, многу храбри. Знам дека во минатото познати тренери во минатото им се јавувале. Јас не, а ниту тие ќе ме повикаат. Знам точно што можам да очекувам на стадионот“, заклучи Гвардиола.
Спорт
(Видео) Барселона рутински го реши Елче – Јамал го прекина голгетерскиот пост
Фудбалерите на Барселона го победија Елче со 3:1, во натпреварот од 11-то коло на шпанската Ла Лига.
Избраниците на Ханси Флик не си дозволија уште еден неуспех и ја имаа контролата од почетокот на натпреварот.
Со својот прв гол по повеќе од два месеци во првенството, Ламин Џамал и донесе водство на Блауграна во деветтата минута, а само две минути подоцна Феран Торес го дуплираше водството.
Рафа Мир им ја врати надежта на гостите од Елче во 42-та минута, непосредно пред паузата.
Во 61-та минута, Маркус Рашфорд, со удар од гредата, ја врати предноста од два гола на домашниот тим, чија победа не беше доведена во прашање.
Вреди да се спомене, дека Рафа Мир ја погоди стативата десет минути подоцна, но немаше промена на резултатот.
Барса е втора на табелата со 25 бода, пет помалку од лидерот Реал, додека Елче е деветти со 14 бода.
Foto/ EPA
Спорт
(Видео) Хаотично дерби во Турција – Фенер од 2:0 до победа 2:3 кај Бешикташ
Дербито од 11-то коло од турската фудбалска лига помеѓу Бешикташ и Фенербахче (2:3) беше обележано со зголемени тензии кои кулминираа со инцидент во првото полувреме.
Откако атмосферата веќе беше напната поради црвените картони на дуото на Бешикташ, Оркун Кокчу поради груб фаул и Серген Јалчин (надвор од теренот), фудбалерот на Фенербахче, Марко Асенсио, беше погоден во главата со предмет фрлен од трибините.
29-годишниот шпански крилен напаѓач, поранешен играч Реал и ПСЖ, се приближи до корнер знаменцето во 30-та минута за изведе корнер. Во тој момент, непознат предмет излета од трибините и го удри, по што Асенсио падна на тревникот.
Се гледа како Асенсио е во болка додека разни предмети, шишиња и чаши паѓаат околу него.
Asensio'nun tinercilerin kafasına attığı madde sonucunda yerde kaldı. Fenerbahçe oyun başlayınca golü buldu. pic.twitter.com/xoJSHO83UD
— Fener Shadow (@fbshdow) November 2, 2025
Бешикташ поведе со 2:0 со головите на Ел Билал Туре во петтата минута и Емирхан Топчу во 22-та минута.
Откако Бешикташ остана со играч помалку на теренот, Фенербахче се врати во игра со головите на Исмаил Јуксек во 32-та и Асенсио во третата минута од судиското продолжение.
Atılan maddeler sonrası acı içinde yerde kalan Asensio intikam alıyor. pic.twitter.com/m91djRX7XJ
— Fener Shadow (@fbshdow) November 2, 2025
Џон Дуран донесе пресврт и победа на Фенер со гол во 83-та минута.
Dorgeles Nene, golün ardından tribünlerden atılan su şişesini tutuyor. 😂
— Fener Shadow (@fbshdow) November 2, 2025

