На редовната седница на Управниот одбор на Фудбалската федерација на Македонија (ФФМ) беа донесени значајни одлуки поврзани со организацијата и регулативите во македонскиот фудбал.

Усвоен е нивиот систем за натпреварување во Прва МФЛ, Втора МФЛ и Третите регионални лиги, почнувајќи од натпреварувачката сезона 2026/27.

Се врши реорганизација на регионалната поставеност на Третите лиги во шест нови региони, кои дополнително ќе бидат дефинирани преку измени во Правилникот за регионална организација на ФФМ.

Prvata MFL од sezobata 2026/27 ќе брои 10 екипи, а не како досега 12, додека Втората лига се намалува на 14 клубови. Од Првата лига ќе испаднат екипите кои ќе бидат пласирани на 10, 11 и 12. место во шампионатот, додека осмата и деветтата екипа ќе играат бараж за опстанок.

Од Втората лига следната сезона ќе испаднат дури пет екипи, кои ќе бидат пласирани од 12. до 16. место, додека од деветта до 11. позиција ќе играат бараж за опстанок.

Манчестер сити го договори сите детали околу трансферот на дефанзивецот на Вулверхемптон, Рајан Аит Нури.

Според информациите од Островот, „граѓаните“ се согласиле да платат повеќе од 40 милиони евра за обештетување на неговиот поранешен клуб. Договорот ќе биде потпишан на пет години.

Се очекува наскоро да ги помине медицинските прегледи и сè да биде завршено до 20 часот во вторник, за да може Сити да го регистрира за Светското клупско првенство.

Алжирскиот интернационалец пристигна во Вулверхемптон од Анже во 2020 година. Одигра 157 натпревари и постигна 12 гола.

Анже ќе инкасира повеќе од 10 милиони евра од овој трансфер.

Тренерот на кошаркарскиот клуб Париз, Тијаго Сплитер, ќе го напушти клубот и ќе стане член на тренерскиот штаб на НБА франшизата, Портланд Трејл Блејзерс.

Сплитер ќе стане помошник на главниот тренер на Трејл Блејзерс, Чонси Билапс, според бројни медиуми.

Поранешниот бразилски репрезентативец со тоа се враќа во Соединетите Американски Држави, каде што имаше одлична кариера. Откако се истакна во Европа, неговиот дрес беше повлечен од употреба од Басконија во нејзината сала во Виторија, поранешниот центар ја освои и титулата во НБА.

Сплитер беше играч на Басконија, односно Тау Керамика, десет години од 2000 до 2010 година. Тој беше во Сан Антонио во следните пет сезони, а во 2014 година ја освои и титулата во НБА.

За време на „локаутот“ во 2011 година, кратко играше во Валенсија. По Спарс, Тијаго сè во НБА играше за Атланта и Филаделфија.

Најдобрата сезона на Сплитер беше 2012/2013 кога пропушти само еден натпревар за Сан Антонио, а во просек бележеше 10 поени и шест скока.

По пензионирањето, сега 40-годишникот беше асистент во Бруклин Нетс од 2019 до 2023 година. Сезоната 2023/2024 ја помина во Хјустон Рокетс, пред да стане главен тренер на Париз.

Портланд го продолжија договорот со својот тренер, членот на шампионската генерација на Детроит Пистонс. Дополнително, неодамна ги доведоа првиот асистент на Мемфис Гризлис, Патрик Сент Ендрус, и тренерот на шампионот од Џи-лигата, Стоктон Кингс, Квинтон Крофорд.

Мемфис сега го предводи претходникот на Сплитер на клупата на Париз, Томас Исало, а наследник на Бразилецот би можел да биде Италијанецот Франческо Табелини, кој се истакна на клупата на Нимбурк.