Спорт
Шпанците го отпуштија Лопетеги, Рамос му го чува грбот
Хулен Лопетеги повеќе не е селектор на фудбалската репрезентација на Шпанија. Отако Реал Мадрид вчера објави дека Лопетеги ќе го наследи Зинедин Зидан, Фудбалскиот сојуз на Шпанија, на чело со претседателот Луис Рубијалес, донесе радикална одлука и му …


Хулен Лопетеги повеќе не е селектор на фудбалската репрезентација на Шпанија. Отако Реал Мадрид вчера објави дека Лопетеги ќе го наследи Зинедин Зидан, Фудбалскиот сојуз на Шпанија, на чело со претседателот Луис Рубијалес, донесе радикална одлука и му врачи отказ на селекторот.
Шпанскиот сојуз известил дека причина за отказот се „тајните прегпвори“ што Лопетеги ги водел со Реал Мадрид. Челниците на Сојузот биле незадоволни што селекторот не ги информирал дека ги започнал преговорите со актуелниот европски првак.
BREAKING: Spain have sacked manager Julen Lopetegui with just one day to go till the start of the World Cup after the Spaniard had “secret agreements” with Real Madrid to be their new manager without informing the Spanish FA. pic.twitter.com/0xPGXJghSX
— FIFA World Cup (@WorIdCupUpdates) June 13, 2018
Радио Марка, објави дека играчите, предводени од капитенот Серхио Рамос, побарале Сојузот да ја преиспита својата одлука. За еден час во базата каде се сместени Шпанците, во Краснодар е закажана прес конференција, на која покрај Лопетеги и претседателот Рубијалес ќе бидат присутни капитенот Рамос и Андрес Иниеста.
Ден пред почетокот на СП, Шпанија може да остане без селектор
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вирц и Ливерпул постигнаа договор, Баер бара повеќе пари

Сагата околу трансферот на Флоријан Вирц во Ливерпул продолжува. Клубот и фудбалерот постигнаа договор, но работата сè уште ја одложува Баер Леверкузен.
Германскиот клуб, чиј играч е сè уште Вирц, не ја прифати понудата на Ливерпул, кој понуди 100 милиони фунти плус 13 милиони за бонуси.
Баер сè уште инсистира на 126,4 милиони фунти, што е некаде околу 150 милиони евра.
Ливерпул одлучи да ја подигне скалата уште повеќе и според информациите од Островот, нуди 118 милиони фунти, што би бил британски рекорд. Британските медиуми веруваат дека Баер ќе го прифати ова, откако ќе се договорат деталите за бонусот.
Шампионот на Англија треба официјално да го доведе Милош Керкез од Борнмут во наредните денови.
Спорт
Роналдо потврди дека останува во Ал Наср

Кристијано Роналдо ќе продолжи и во иднина да го носи дресот на Ал Наср. Тој го потврди ова по финалето на Лигата на нации, во кое тој и Португалија ја победија Шпанија на пенали.
„Мојата иднина? Практично ништо нема да се промени. Останувам во Ал Наср? Да“, одговори 40-годишниот Роналдо на новинарско прашање.
Португалската суперѕвезда дојде во Саудиска Арабија во јануари 2023 година откако го заврши својот втор престој во Манчестер јунајтед.
Ал Наср му плаќа 3,77 милиони евра неделно или 196 милиони евра годишно. Неговиот тековен договор истекува на крајот на јуни, а сега е сигурно дека се согласил да ја продолжи соработката.
Роналдо одигра 195 натпревари за Ал Наср, постигна 93 гола и забележа 19 асистенции, но не успеа да му донесе на клубот нитут еден голем трофеј.
Спорт
Трагедија на финалето на Лигата на нации

Трагедија го засени напнатото финале на Лигата на нации што го играа Португалија и Шпанија во Минхен. По регуларниот дел и продолженијата, резултатот беше 2:2, па победникот беше решен со пенали. Португалија беше поуспешна и славеше.
Но, на крајот од првото продолжение се случи трагедија. Навивач, чија возраст и националност сè уште не се познати, падна од една од највисоките трибини на Алијанц Арената и почина.
„На стадионот во Минхен се случи ситуација во која беше потребна интервенција на службите за итна медицинска помош. И покрај напорите на лекарите да го спасат животот на жртвата, тој за жал почина во 00:06 часот. Нашите мисли се со неговите најблиски во ова тешко време“, објави УЕФА.
Шпанскиот селектор Луис де ла Фуенте, исто така ја коментираше трагедијата. По пристигнувањето на прес-конференцијата, тој рече: „Прво, сакам да изразам сочувство до семејството на навивачот кој почина“.
Шпанските медиуми пишуваат дека веднаш по падот, работниците од обезбедувањето и итните служби се упатиле кон навивачот и дека, покрај тоа што му помогнале, го покриле местото на несреќата со чаршафи за никој да не може да фотографира од жртвата. Иако за несреќата се знаело на трибините, натпреварот продолжил.