Спорт
Штербик го предводи тимот на сезоната (Видео)
Арпад Штербик ја брани честа на Вардар во тимот на сезоната во Лигата на шампионите. Штербик и оваа сезона е најдобар голман во елитната конкуренција. Во идеалниот тим доминираат играчите на ПСЖ.
МВП. на минатогодишниот завршен турнир, Штербик и оваа с…


Арпад Штербик ја брани честа на Вардар во тимот на сезоната во Лигата на шампионите. Штербик и оваа сезона е најдобар голман во елитната конкуренција. Во идеалниот тим доминираат играчите на ПСЖ.
МВП. на минатогодишниот завршен турнир, Штербик и оваа сезона е еден од најзаслужните што Вардар стигна до самата завршница, каде ќе ја брани титулата во Лигата на шампионите.
ПСЖ има четворица ракометари во изборот на најдобрите: Уве Генсхајмер е најдоброто лево крило, Сандер Сагосен (најдобар лев бек), најдобар среден бек е Никола Карабатиќ, а неговиот брат Лука Карабатиќ е најдобар дефанзивец.
Искусниот Бјарте Мирхол од Скејрн е најдобар пивот оваа сезона, а десната страна е резервирана за Дика Мем од Барселона (најдобар десен бек) и Давид Балагуер од Нант (најдобро десно крило).
Тренер на сезоната е Патрис Канаје од Монпелје.
Завршниот турнир во Лигата на шампионите ќе започне утре, а Вардар игра во второто полу-финале од 18 часот, против Монпелје.
The VELUX EHF Champions League 2017/18 All-star Team ?@HCVardar @psghand @skjernhaandbold @FCBHandbol @HBCNantes @mhbofficiel #ehffinal4 #veluxehfcl pic.twitter.com/M5NtcJYXzX
— EHF Champions League (@ehfcl) May 25, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Нејмар во Интер? Глупости!“

Во изминатите неколку дена се појави информација дека Нејмар бил понуден на Наполи и Интер ова лето, но повредата го натерала да остане во Сантос.
Бидејќи неговиот договор со Сантос истекува на крајот од годината, извесно е дека брилијантниот напаѓач ќе го промени клубот.
Се споменуваше Интер Мајами, каде што ќе им се придружи на Меси и Суарез, а се пишуваше дека повторно ќе биде понуден на клубови од Серија А.
Сепак, тоа нема да биде Интер од Милано, бидејќи спортскиот директор на овој клуб, Пјеро Аусилио, ги негираше тврдењата на медиумите.
„Нејмар во Интер? Тоа се глупости! Никогаш не сме разговарале за тоа, ниту сме испратиле понуда. Се обидовме со Лукман, но напредокот на Пио Еспозито и Бони ни овозможи да видиме напредок. Исто така, го следевме Хојлунд“, рече Аусилио во интервју за „Кориере дело Спорт“.
Спорт
(Видео) ПСЖ се спаси од пораз против Стразбур

Фудбалерите Пари Сен Жермен и Стразбур ремизираа 3:3 во дербито на осмото коло од Лига 1.
Луд натпревар беше виден на „Паркот на принцовите“. Домаќинот трган фуриозно, а на крајот мораше да се бори за еден бод.
Сè започна со голот на Баркола во шестата минута, но гостите до полувремето направија пресврт, со головите на Паничели во 26-та и Мореира во 41-та минута.
Паничели дополнително ги загрижи „Светците“ во 49-та минута, а Рамос го врати ПСЖ во игра од пенал во 58-та минута.
Мајулу спаси бод за ПСЖ во 79-та минута.
И на овој натпревар Луис Енрике не можеше да смета на важни играчи – Дембеле, Маркињос, Невеш, Руиз, додека Кварацхеликја, Мендеш и Витиња започнаа од клупата.
ПСЖ го запиша второто последователно реми, и е на чело со 17 бода, еден повеќе од Стразбур.
Спорт
Мареска потврди дека Палмер ќе паузира уште шест недели

Фудбалерот на Челзи, Кол Палмер (23), нема да може да им се придружи на соиграчите уште шест недели поради повреда на препоните, објави тренерот Енцо Мареска.
Палмер не играл од поразот на Челзи од Манчестер Јунајтед на 20 септември.
Тој го напушти теренот во првото полувреме, а Мареска потоа објави дека ќе го одмори до октомвриската репрезентативна пауза, која сега е завршена.
„Згрешив. За жал, тој ќе биде надвор од терените веројатно шест недели“, рече Мареска, исклучувајќи ја можноста за операција.
„Се обидуваме да го заштитиме Кол колку што е можно повеќе и најважно е тој да биде целосно закрепнат кога ќе се врати“, додаде италијанскиот стручњак.
Челзи, кој моментално е седми на табелата во Премиер лигата, во сабота гостува кај Нотингем Форест, кој е 17-ти на табелата.