Спорт
Ѓоковиќ откри низ каков пекол минувал: Ова ми се случи само против Надал, преживував
Српскиот тенисер Новак Ѓоковиќ го нокаутира Алехандро Давидович Фокина со 7:6(4)/7:6(5)/6:2 и со тоа се пласираше во осминафиналето на Ролан Гарос.
Во текот на мечот беше јасно дека Србинот физички не се чувствува најдобро, побара медицински тајм-аут, а главно го мачеше колкот, кој му правеше проблеми на почетокот на годината.
„Поголемиот дел од натпреварот навистина се мачев, преживував наместо да уживам и играв. Бев слаб во првиот сет, преживеав некако, успеав да излезам од бездната на првиот сет. Во вториот сет имаше многу осцилации, поради ветерот го изгубив ритамот на сервис, кога ќе ти влезе црв во главата, губиш самодоверба и играч од негов калибар го чувствува тоа. Не се сеќавам кога последен пат одиграв два сета во времетраење од три часа, можеби против Надал. Знаев дека ќе биде борба, но не толку многу. Заслужи да освои еден сет и тоа е тенисот, некако успеав да се пробијам и да го играм најдобриот тенис кога е најважно. Го зголемив квалитетот на мојата игра во третиот сет, генерално задоволен сум и секогаш можам подобро, но приоритет сега е да се опоравам за да бидам што е можно повеќе свеж“, изјави Новак, пренесе „Нова.рс“.
Тој не го избегна ниту прашањето за односот со публиката.
„Односот со публиката некогаш е добар, некогаш не. Знам дека сакаат аутсајдерот да победува, сакаат драма. Имам нешто против кога не ги почитуваат играчите, кога некој ќе почне да ти свирка. Посакувам повеќето луѓе да беа на моја страна, но знам дека тоа не е можно. Кога некој провоцира, познато е дека реагирам на неправдата. Не ја разбирам причината за тоа, тоа е дел од работата, спортот што го играте, тие платиле билет и јас го почитувам тоа, но поединци се истакнуваат со тие реакции и слично“.
Тој откри дека во останатиот дел од турнирот ќе ја има поддршката од семејството.
„Денес доаѓаат моите деца, мислев на нив кога ми беше многу тешко. Бев исцрпен и потоа ми се појавија, сега слетуваат и добив поттик“.
Фокина беше голем предизвик за Новак во оваа фаза од турнирот.
„Задоволни сте кога ќе поминете низ ваков предизвик и тоа може да биде поттик“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Играч на „Брегалница“ нападнат за време на натпревар, приведен 36-годишник од Арачиново
Вчера околу 13:50 часот, на стадионот „Фортуна“ во Скопје, полицијата привела 36-годишен маж од селото Арачиново. Тој за време на фудбалскиот натпревар меѓу екипите на ФК „Шкендија 77“ и ФК „Брегалница“ физички нападнал играч на „Брегалница“.
Интервенирале полициски службеници од скопската полиција, кои веднаш го привеле напаѓачот, соопшти МВР.
По целосно документирање на случајот, ќе следува соодветен поднесок.
Спорт
(Видео) Пол Погба повторно игра фудбал
Пол Погба по пауза од 811 дена, односно по две години, два месеци и 19 дена, му се врати на фудбалот. .
Поранешниот француски репрезентативец, последен пат беше на теренот во дресот на Јувентус, одигран на 3 септември 2023 година против Емполи, по што беше суспендиран поради позитивен допинг тест и првично беше суспендиран од професионалниот фудбал четири години.
Неговата казна подоцна беше преполовена, па некогаш фантастичниот играч од средниот ред му се врати во фудбалот на 33-годишна возраст, овој пат како играч на Монако.
Тренерот на Монако, Себастијан Фоконоли го внесе Погба во игра во 85-та минута од натпреварот од француското првенство, во кој нивниот тим беше убедливо поразен. Со десетмина на теренот, во тој момент Монако веќе губеше со 4:1 на гостински терен од Рен.
Останува да се види дали овие минути ќе значат големо враќање во фудбалот за светскиот шампион од Мундијалот во Русија 2018 година.
Фото/ Принтскрин
Спорт
(Видео) Џејмс Харден го растури Шарлот
Лос Анџелес Клиперс ги победија Шарлот Хорнетс со 131:116 во европскиот термин.
Нaтпреварот во Шарлот го обележа ветеранот Џејмс Харден. 36-годишникот постигна 55 поени.
Харден влезе во историјата на франшизата, само во првата четвртина постигна 27 поени. Ефемтот можеше да биде и подобар доколку не промашеше две слободни фрлања во овој период од играта.
Тука не застана, постигна неверојатни десет тројки и 55 поени, а ова е 25-ти пат во неговата кариера да има натпревар со најмалку 50 постигнати поени.
Покрај 55 поени, Џејмс имаше и три скока и седум асистенции и само две изгубени топки.
Поддршка доби од Ивица Зубац со 18 поени, осум скока и шест асистенции, а двоцифрен ефект имаа и Брук Лопез и Коби Сандерс, двајцата постигнаа по 11 поени.
Во редовите на Шарлот најефикасен беше Кон Кнуепел со 26 поени, 21 постигна Брендон Милер, 19 Мајлс Бриџис.

