Спорт
Ѓоковиќ се откажа од Мајами

Новак Ѓоковиќ соопшти дека нема да игра на Мастерсот во Мајами.
Новак неочекувано го заврши своето учество во Индијан Велс веќе во третото коло со пораз од Лука Нарди, а сега, како што пренесува Спортклуб, ќе биде посветен на она што следува по Мајами.
Турнирот во Флорида годинава ќе биде прескокнат.
„Мајами е тука, ајде да видиме. Бев на теренот пред десет минути, главата ми е уште малку жешка. Морам да поминам ден-два, а потоа да видам што сакам да правам понатаму“, изјави Ѓоковиќ веднаш по поразот од Италијанецот.
Новак е шесткратен шампион во Мајами, а тој турнир се игра од 20 до 31 март.
Ѓоковиќ сега се подготвува за земјена подлога, а следен турнир на кој ќе настапи треба да биде Монте Карло кој започнува на 7 април.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Лудница во Истанбул – Мурињо го штипна за нос тренерот на Галатасарај

Целосен хаос беше виден по истанбулското дерби меѓу Фенербахче и Галатасарај во Купот на Турција.
Галатасарај победи како гостин (2:1) во четврт-финалето на ова натпреварување, по што имаше голема гужва и тепачка меѓу двата табора.
Најлудиот потег го направи тренерот на Фенербахче, Жозе Мурињо, кој одзади му пријде на колегата Окан Бурук и го штипна за нос.
Стратегот на Галатасарај со гримаса од болка падна на тревата, додека до Мурињо притрча Фернандо Муслера, велејќи му да оди во соблекувалната.
Покрај овој инцидент, по мечот се судрија и играчите на двата тима.
Инаку, Виктор Осимен погоди за Галатасарај во 10. и 27. од пенал, додека единствениот гол за домашниот тим го постигна Себастијан Шимански во втората минута од судиското надополнување на првото полувреме.
— 𝙷𝚊𝚛𝚛𝚒𝚜𝚘𝚗 (@fcbharrison) April 2, 2025
Спорт
(Видео) Жота го доближи Ливерпул до шампионската титула

Диого Жота го реши дербито на Мерсисајд и го донесе Ливерпул на чекор до титулата во Премиер лигата.
Првото полувреме на „Енфилд“ не донесе многу возбудувања. Ливерпул имаше поголем посед, но без големи шанси. На другата страна Бето ја погоди стативата во 33. минута, а на истиот играч 13 минути претходно му беше поништен гол поради офсајд.
Ливерпул не беше многу поагресивен ниту на стартот на вториот дел. Сепак, во 54. минута се случи моментот на одлука. Жота доби додавање од Луис Дијаз и го постигна единствениот гол.
Евертон се обидуваше до крајот на мечот барем да израмни, но не направи ништо сериозно.
Ливерпул ја задржа предноста од 12 бода пред Арсенал на осум кола пред крајот и само чудо можеше да ги одвои „црвените“ од титулата, прво по сезоната 2019/20.
Резултати:
Бурнмут – Ипсвич 1:2 (0:1)
Еванилсон 67 – Броудхед 34, Делап 60
Брајтон – Астон Вила 0:3 (0:0)
Рашфорд 51, Асенсио 78, Мален 90+10
Манчестер Сити – Лестер 2:0 (2:0) Грилиш 2, Мармуп 29
Њукасл-Брентфорд 2:1
Исак 45+2,Тонали 74 – Мбеумо 66п
Саутемптон – Кристал Палас 1:1 (1:0)
Онуачу 20 – Матеус Франка 90+2
Спорт
(Видео) Мело Ентони влегува во Куќата на славните

Легендарниот кошаркар Кармело Ентони ќе биде примен во Куќата на славните.
„Ентони ќе стане првиот кошаркар што ќе влезе во Куќата на славните на Нејсмит оваа година“, објави кошаркарскиот инсајдерски Шамс Чаранија.
Кармело зад себе има неверојатна кариера со 19 години минати во НБА и за тоа време шест пати успеа да биде член на најдобрата петорка во сезоната.
Покрај тоа, Ентони беше учесник на десет Ол-стар натпревари, додека со репрезентацијата на САД освои дури шест златни медали на Олимписките игри.
Популарниот Мело својата најголема трага ја остави во тимот на Денвер Нагетс каде настапуваше осум години. Потоа шест години беше член на Њујорк Никс, а на залезот на кариерата играше за Оклахома, Хјустон, Портланд и Лос Анџелес Лејкерс, кој беше неговиот последен клуб во кариерата.