Спорт
Ѓоковиќ со ексклузивна изјава за „Макфакс“: Уште од почетокот на финалето ќе го дадам максимумот

Пред неделното финале на Вимблдон, Новак Ѓоковиќ одговори и на прашањето на известувачот на „Макфакс“ од Вимблдон, кој го праша дали во моментов може да визуализира што го очекува против Алкарас? Алкарас по завршување на мечот со Медведев изјави дека недела е ден за играње тенис, и дека не се плаши од никого. Исто така, и вимбдонската публиката јасно се стави на негова страна, буквално носејќи го по теренот во последниот поен со извиците „Оле, оле!“.
– Можам без проблеми да визуализирам што ме очекува, и тоа ќе го направам. Ќе се подготвам и ментално и играчки и физички за голема борба. Тоа ќе биде дефинитивно најтежок меч на овој турнир. Најзахтевен меч, бидејќи тој е во извонредна форма. Број еден и број два на светот играат еден против друг . Го имавме тој висок квалитет на тенис и тежок меч во Париз. Знаеме како тоа се заврши. Јас ќе се потрудам уште од почетокот на мечот да бидам на својот максимум и, практично, да дадам сè што имам, и што ми останало во резервоарот. Ако не дадеш сè од себе во финалето на Вимблдон, не знам кога ќе дадеш, изјави Ѓоковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Проблем за Реал, по Ембапе се повреди и Хаусен

Младиот дефанзивец на Реал Мадрид, Дин Хаусен, денес го напушти кампот на шпанската репрезентација и нема да игра за „Фуријата“ на претстојните квалификациски натпревари за Светското првенство против Грузија во сабота и Бугарија во вторник.
Хаусен има повреда на мускулот и селекторот Луис де ла Фенте реши да го врати во Мадрид.
Првите проценки се дека повредата не е сериозна и дека ќе отсуствува околу две недели.
Селекторот на Шпанија, Луис де ла Фуенте, наместо него, го повика дефанзивецот на Атлетик Билбао, Ајмерик Лапорт, во репрезентацијата.
Лапорт се враќа во тимот откако не добиваше повици одреден период бидејќи не играше долго време поради фактот што неговиот трансфер од Ал Наср во Билбао беше комплициран.
Патем, Лапорт беше стандарден играч во првиот тим во шпанската репрезентација која го освои Европското првенство во Германија минатата година.
Што се однесува до Хаусен, тој не е единствената грижа за Реал, Килијан Мбапе е исто така повреден, но тој остана со француската репрезентација и ќе видиме дали ќе игра против Азербејџан и Исланд…
Спорт
УЕФА никогаш нема да дозволи формирање на Европска Суперлига

Претседателот на УЕФА, Александар Чеферин, изјави дека управното тело на европскиот фудбал никогаш нема да создаде или поддржи ексклузивно натпреварување, дополнително потврдувајќи го својот став против Европската Суперлига.
Дванаесет од водечките европски клубови, вклучувајќи шест од Премиер лигата, потпишаа планови за формирање на Европската Суперлига во 2021 година.
Арсенал, Челзи, Ливерпул, Манчестер Јунајтед, Манчестер Сити и Тотенхем ја претставуваа Англија, заедно со Милан, Интер, Јувентус, Реал Мадрид, Атлетико Мадрид и Барселона како членови основачи.
Ревидираните планови беа објавени откако највисокиот суд пресуди дека забраната за клубовите да се приклучат кон посебна лига е нелегална.
„Европа ги поставува стандардите во светскиот фудбал и токму затоа постои напад однадвор за преобликување на играта. Промената е дел од приказната за фудбалот – тоа го знаеме многу добро – но трајната вредност доаѓа само од единството, рамнотежата и силата на сите, а не само на неколкумина“, рече Чеферин.
Откако создавањето на Суперлигата ја загрози Лигата на шампионите, УЕФА го реформираше натпреварувањето и го прошири.
„УЕФА никогаш нема, ниту би организирала, натпреварување само за 12 клуба. УЕФА сака инклузија, сака сонот да остане жив. Ќе се погрижиме нашиот клупски фудбал да биде инклузивен и секој да има шанса да ги освои најдобрите натпреварувања“, додаде првиот човек на европскиот фудбал.
Спорт
Ертел поднесе тужба против Барселона

Искусниот француски кошаркар Томас Ертел покренал судска постапка против Барселона. Кошаркарот бара отштета од 1.600.000 евра на име на трансферот што пропадна во последен момент, дознава „Мундо Депортиво“.
Сè се случи во првите денови од тековната календарска година, кога Ертел практично се договорил за сите услови со Барселона, но веднаш по слетувањето во Каталонија, го пречекале непријатни вести бидејќи клубот го прекршил својот збор.
За да ја прифати понудата од Барселона, Ертел го одбил Асвел поради што и решил да го тужи клубот од Каталонија.
Од друга страна, Барселона инсистира дека не е формализиран никаков договор меѓу двете страни, односно дека нема докази дека клубот го измамил играчот. Овие тврдења кошаркарот ќе мора да ги докаже на суд.
Како што е наведено, првото рочиште треба да биде закажано наскоро.