Спорт
„Јунајтед груп“: Вучиќ не ја говори вистината, понудивме 35 милиони евра за Премиер лигата
Александар Вучиќ, кој вчера се разоткри како главен стратег на компанијата Телеком Србија и како некој кој учествувал во преговорите за купување на правата за Премиер Лигата на страната на Телеком Србија. Овојпат нема да му се обраќаме како на Претседател на Србија, туку како на конкурент на пазар, велат од Јунајтед груп.
Во продолжение интегрално го пренесуваме соопштението:
Го повикуваме Александар Вучиќ да ги покаже документите и да ги докаже своите тврдења дека Јунајтед Груп понуди повеќе пари во првиот круг, но Телеком победи во вториот круг. Граѓаните на Србија на тој начин ќе се уверат дека или Вучиќ не ја кажува вистината дека учествувал во преговорите и не ги знае точните цифри или навистина учествувал и ги знае сите детали, но сепак не ја кажува вистината. Во двата случаи, Александар Вучиќ ги излажа и измами сите граѓани на Србија.
Што е тоа што е вистина и што ниедна лага на лицето Александар Вучиќ не може да ја негира? Точно е дека Јунајтед Груп има најуспешни резултати од кога постои и тоа во првите шест месеци од 2021 година. Точно е дека ЕБИТДА на компанијата е двапати поголема од Телеком Србија (консолидирана). Точно е дека во последните три години остваривме деловен раст од 300 проценти. Точно е дека имаме 14.365 вработени луѓе, во осум земји на кои никогаш не им доцнела платата. Точно е и дека секогаш мислиме и на другите и сме помагале кога е најтешко донирајќи милиони евра во регионот, а посебно во Србија, но тие информации по наредба на власта се цензурирани.
Она што е исто така вистина е дека дури и како успешна компанија – Јунајтед Груп, како лидер во телекомуникациите и медиумите во Југоисточна Европа не може да понуди повеќе од 35 милиони евра по сезона, за преносни права на Премиер Лигата за пазарот на поранешна Југославија. И таа бројка беше преголема и нереална и условена од нелегалната конкуренција на државниот и приватниот капитал, што е апсолутно невозможно и забрането во земјите на Европската Унија. Србија исто така го потпиша, но не го применува истиот закон. За жал, како што се очекуваше, имаме во предвид дека Телеком и нивниот менаџер Вучиќ секојдневно кршат бројни закони на Србија.
Јунајтед Груп ќе се жали до сите релевантни институции во Србија и Европската Унија. Уште една година имаме право да пренесуваме натпревари од Премиер лигата на каналот
Спорт клуб. Премиер лигата има свои внатрешни правила за правично однесување, особено во областа на финансирањето. Убедени сме дека се уште ништо не е конечно со правата за англиската Премиер лига.
Го покануваме нашиот “конкурент” Вучиќ да ги докаже своите тврдења јавно и документирано, а познато е дека тој сака да прикажува разни документи и фотографии на телевизија. Ако е охрабрен да ги покаже документите, нека им објасни на граѓаните на Србија и дали е вистина дека Телеком Србија плати неколку пати повеќе за спортски преноси во споредба со претходните цени:
● За ТВ-преносите на италијанската фудбалска лига, чија цена порано беше 5 милиони евра годишно, Телеком плаќа 23 милиони евра годишно според новиот договор;
● Шпанската фудбалска лига, која чинеше 8,5 милиони евра по сезона, според новиот договор Телеком плаќа 14 милиони евра;
● Француската фудбалска лига, чиишто ТВ права изнесуваа 800.000 евра годишно, Телеком сега плаќа 6 милиони евра по сезона;
● Преноси од натпреварите во Лигата на шампионите, чија цена порано беше 18 милиони евра годишно, според новиот договор Телеком плаќа 45 милиони годишно;
● Тие плаќаат 8 милиони евра за Фудбалската лига на Србија, што е исто така двојно поголема сума на пари отколку порано и така во многу спортови и различни лиги Телеком се одлучи за стратегија за плаќање на многу повисоки цени, сè до Премиер лигата за што тие понудија 10 пати поголема сума претходно платена од Јунајтед Груп.
Можеби менаџерот на Телеком Србија, Александар Вучиќ, знае како 3.500.000 гледачи на Арена Спорт во регионот ќе успеат да платат за сето тоа, бидејќи цената што ја наплатува операторот е под 2 евра по корисник за спортски канали. Дали менаџерот Вучиќ свесно прифати дека Телеком однапред прави минус од 150 милиони евра годишно само за спортски права? Дали граѓаните на Србија ќе ја плаќаат таа разлика? Конкурентот Вучиќ би можел да го праша претседателот на Србија. Можеби тој знае.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лазаров го објави списокот за ЕП
Селекторот на машката сениорска репрезентација, Кирил Лазаров го објави списокот на ракометари за престојното Европско првенство во Данска.
Лазаров, првиот собир го закажа за 22.декември (понеделник) со почеток во 13:30 часот во хотел Александар Палас.
На спиското нема изненадувања, на континеталниот шампионат Македонија ќе настапи со најдобрите.
Македонија на ЕП, во првата фаза ќе игра против Данска, Португалија и Романија.
Список на повикани ракометари:

Foto/ EPA
Спорт
ПСЖ победи во сите пенал серии од доаѓањето на Луис Енрике
Откако Луис Енрике дојде на клупата на Пари Сен Жермен, „Светците“, четири пати беа на пенал рулетот и сите четири пати излегоа како победници.
Тие го одржаа својот 100% учинок во пенал-серијата во среда, со победата во финалето на Интерконтиненталниот куп против Фламенго, благодарение на Матвеј Сафонов.
Рускиот голман го воодушеви светот – одбрани четири од пет обиди на играчите на Фламенго.
Така се здоби со етикетата херој на натпреварот, се потруди да го одржи ПСЖ недопирлив кога станува збор за оваа фаза од играта. Претходно, под водство на Енрике, ПСЖ излезе како победник уште три пати по серија пенали.
Првиот пат беше во раната фаза од Купот на Франција против Ленс (1:1, 4:3), вториот пат беше против Ливерпул во Лигата на шампионите кога Џанлуиџи Донарума блескаше (не толку колку Сафонов) за победа на ПСЖ (4:1 на пенали, по нерешено 1:1 во два натпревари).
Третото изведување пенали на Парижаните во оваа серија го одбележа актуелниот прв чувар на мрежата, Лукас Шевалие, во натпреварот за трофејот од Европскиот Суперкуп против Тотенхем на почетокот. Актуелниот европски првак пенал рулетот го доби со 4:3, откако претходно натпреварот заврши 2:2.
Тешко е да се каже дали Енрике е одговорен за оваа серија, бидејќи голманите и фудбалерите се тие кои директно го создаваат резултатот, но неоспорен факт е дека до доаѓањето на шпанскиот тренер, ПСЖ во седум пенал серии доживеа пет пораази.
Foto/ depositphotos
Спорт
Левандовски го одјави Интер Мајами
Полскиот напаѓач Роберт Левандовски не сака да ја продолжи кариерата во Интер Мајами, објави италијанскиот инсајдер Фабрицио Романо. Левандовски е договорно обврзан со Барселона до крајот на оваа сезона и ќе одлучи за својата иднина откако ќе истече договорот. Романо додава дека, исто како и Левандовски, германскиот напаѓач Тимо Вернер нема да се приклучи на Интер Мајами.
Полјакот има 37 години, а оваа сезона постигна осум гола во 17 настапи и асистираше двапати.
Ова му е четврта сезона во Барселона, за која досега играше многу добро. Има 164 настапи и постигна 109 гола. Пред да пристигне во Барселона, Левандовски играше за Баерн, за кој постигна 344 гола, и за Борусија Дортмунд, за која постигна 103 гола.
Интер Мајами е клубот на Лионел Меси (38). Сопственикот Дејвид Бекам успеа да го убеди Меси да дојде во Флорида пред две години, и оттогаш полека се гради тим од пријателите на Меси. Следната сезона таму ќе бидат Родриго де Пол и Луис Суарез, додека Серхио Бускетс и Џорди Алба ги завршија кариерите.
Интер Мајами ги освои своите единствени трофеи во оваа ера на Меси. Тоа се МЛС Купот и Купот на Американската лига. Меси беше прогласен за МВП на МЛС две сезони по ред.
Foto/ depositphotos

