Спорт
16 репрезентации веќе изборија место на Светското првенство

Мундијалот во 2026 година во САД, Мексико и Канада ќе биде првиот на кој ќе учествуваат 48 репрезентации. Во финишот на квалификациите една третина од учесниците е позната.
Уругвај, Колумбија и Парагвај се последните три репрезентации, тие во четврток обезбедија место на следниот светски фудбалски турнир. Во претходните месеци, уште десет репрезентации успеаја да го сторат тоа, што заедно со трите домаќини, кои директно го добија правото на учество, прави вкупно 16 сигурни учесници.
Во Европа, квалификациите официјално започнаа на 21 март оваа година и ќе траат до 31 март следната година, а потоа ќе се игра и баражот за пласман на Мундијалот. Сепак, во некои европски групи, квалификациите започнаа дури деновиве, па главните битки допрва доаѓаат.
Познато е дека Европа обезбедува најмногу учесници на Светското првенство. Вкупно 16. 12-те победници на групите ќе се квалификуваат директно, додека 12-те второпласирани екипи, плус уште четири првопласирани екипи од Лигата на нации (кои завршија надвор од првите две во нивните квалификациски групи за Светското првенство) ќе се квалификуваат директно за четирите места во плејофот.
И во Африка, слично како и во Европа, сè уште има вистински битки за вкупно девет места, плус едно во плејофот.
Во Јужна Америка (КОНМЕБОЛ), речиси сè е познато, шест репрезентации веќе се квалификуваа, се чека само уште еден учесник во плејофот.
КОНКАКАФ исто така има шест места, од кои три се резервирани за домаќините – САД, Канада и Мексико.
Азија има вкупно осум места, плус едно во плејофот, а шест учесници се веќе познати, од кои два се дебитанти.
Директен пласман на Светското првенство обезбедија домаќините:
– САД, Канада и Мексико.
Низ квалификациите место на Мундијалот си обезбедија:
Азија (6): Австралија, Иран, Јапонија, Јордан (дебитант), Јужна Кореја, Узбекистан (дебитант).
КОНМЕБОЛ (6): Аргентина, Бразил, Колумбија, Еквадор, Парагвај, Уругвај.
Океанија (1): Нов Зеланд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Емил Рајковиќ со Тофаш го победи првакот на Евролигата

Најуспешниот македонски тренер во историјата, Емил Рајковиќ, со својот тим Тофаш вечерва приреди сензација во турската кошарка, победувајќи го првакот на Евролигата, Фенербахче со тесни 80-78 на домашен терен.
Победничкиот кош за Тофаш дојде буквално во последната секунда. Херој на мечот стана Максвел Луис, кој ги постигна своите први поени на натпреварот токму во решавачки момент.
Голема заслуга за триумфот има Рајковиќ, кој на само една секунда пред крајот, при резултат 78-78, повика тајмаут и ја нацрта акцијата која тимот ја реализираше за победа.
Најефикасен кај Тофаш беше литванскиот репрезентативец Блажевич со 21 поен, додека Хортон Такер од Фенербахче го предводеше својот тим со 24 поени.
Спорт
Влаховиќ прави трансфер во Баерн Минхен?

Душан Влаховиќ ја започна сезоната во голема форма со Јувентус, но се чини дека неговото заминување од клубот од Торино е само прашање на време.
Алегри го посакуваше Србинот во своите редови на „Сан Сиро“, но трансферот не се реализираше. И Диего Симеоне го имаше Влаховиќ на радарот, но и од тоа не произлезе ништо.
Според доверливите информации на германскиот „Билд“, Влаховиќ од следната сезона ќе го носи дресот на Баерн Минхен.Тој ќе се пресели во редовите на баварскиот гигант сосема бесплатно, откако неговиот договор со Јувентус истекува на 1 јули 2026 година.
Пред Јувентус, Влаховиќ настапуваше за Фиорентина и за Партизан.
Спорт
Грчка музичка ѕвезда му порача на Ѓоковиќ: „Сакам да те најдам и да ти ја отпеам оваа песна“

Грчката музичка ѕвезда Александра Прехер му испрати порака на најдобриот тенисер на сите времиња, Новак Ѓоковиќ.
Аура, како што е позната во Грција, му се обрати на српскиот тенисер од Атина и му испрати порака.
„Ноле, не сум од Србија, но… Ноле, слушнав дека си се преселил во Атина и те барам, затоа што сакам да ти ја отпеам ‘Ти моје злато’“, рече Александра, а потоа додаде:
„Па, каде си Ноле, каде си? Те барам, те барам“, изјави таа и ја отпеа познатата песна.
Ѓоковиќ го пресели турнирот „Белград Опен“ од главниот град на Србија во Атина, а се шпекулира дека и комплетно веќе е преселен во грчката престолнина.