Спорт
17-годишник повикан во бразилската репрезентација

Селекторот на бразилската репрезентација Фернандо Диниз го повика напаѓачот Ендрик (17) за натпреварите со Колумбија (17 ноември) и Аргентина (22 ноември) како дел од квалификациите за пласман на СП 2026. Ендрик е најмладиот бразилски фудбалер вклучен во националниот тим по Роналдо во 1993 година.
Ендрик е напаѓач на Палмеирас, кој ќе му се приклучи на Реал во летото 2024 година. Да потсетиме, „кралскиот клуб“ за талентираниот напаѓач веќе плати 37.500.000 евра.
Според „Трансфермаркт“, на 54 официјални настапи за Палмеирас, тој постигнал 14 и асистирал два гола.
„Ендрик има потенцијал да стане еден од најдобрите. Не знам дали ќе успее во тоа. Поканата не е притисок, туку награда и најава за идниот успех на ова момче”, изјави Диниз.
Списокот на бразилската репрезентација за натпреварите со Колумбија и Аргентина:
Голмани: Алисон (Ливерпул), Едерсон (Манчестер сити), Лукас Пери (Ботафого)
Дефанзивци: Емерсон Ројал (Тотенхем), Карлос Аугусто (Интер), Ренан Лоди (Марсеј), Бремер (Јувентус), Габриел Магалаеш (Арсенал), Маркињос (ПСЖ), Нино (Флуминенсе)
Играчи од средниот ред: Андре (Флуминенсе), Бруно Гимараеш (Њукасл), Даглас Луиз (Астон Вила), Жоелинтон (Њукасл), Рафаел Веига (Палмеирас), Родриго (Реал Мадрид)
Напаѓачи: Ендрик (Палмеирас), Габриел Жесус (Арсенал), Габриел Мартинели (Арсенал), Жоао Педро (Брајтон), Паулињо (Атлетико Минеиро), Пепе (Порто), Рафиња (Барселона), Винисиус Жуниор (Реал Мадрид).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ се договoри со Тотенхем, Коло Муани се сели во северен Лондон

ПСЖ повторно го испрати на позајмица Рандал Коло Муани (26). Репрезентативецот на Франција ја помина втората половина од минатата сезона во Јувентус.
Цело лето Коло Муани чекаше Јувентус да се договори со ПСЖ. Откако клубовите не постигнаа договор, а Јувентус за 40 милиони евра го донесе Лоис Опенда, Коло Муани прифати да се пресели во Тотенхем.
Фабрицио Романо објави дека Спарс ќе му плати на ПСЖ пет милиони евра и дека во фоговорот нема опација за откуп на договорот.
ПСЖ плати 95 милиони евра за Коло Муани кога го купија од Ајнтрахт на последниот ден од летниот преоден рок. Оттогаш, тој одигра 54 натпревари за ПСЖ и постигна 11 голови.
Фото/ EPA/RICCARDO ANTIMIANI
Спорт
Манчестер јунајтед најде голман во Антверпен

Манчестер јунајтед се договори со Антверпен во врска со трансферот на 23-годишниот голман Сене Ламенс.
Јунајтед ќе плати 21 милион евра отштета за белгискиот голман, кој сè уште не нема настап за сениорската репрезентација.
Инсајдерот Дејвид Орнштајн, објави дека Ламенс е во Англија, кога ќе ги помина задолжителните медицински преглед, ќе потпише петгодишен договор за Јунајтед пред крајот на преодниот рок, кој завршува во 19 часот.
Ламенс одигра 64 натпревари за Антверпен, прими 86 гола и 12 пати не прими гол.
„Трансфермаркт“ ја проценува неговата вредност на девет милиони евра.
Со овој трансфер извиси Емилијано Мартинез среќен. Аргентинскиот голман на Астон Вила сакаше да се пресели во Јунајтед, на крајот клубот се реши да го потпише Белгиецот.
Англичаните пишуваат дека Мартинез сега е во контакт со Галатасарај.
Спорт
Бретнфорд се согласи да го пушти Виса во Њукасл

Њукасл јунајтед веднаш ќе ги потроши парите од трансферот на Александер Исак. Швеѓанецот во рекорден трансфер, кога станува збор за Премиер лигата, се сели во Ливерпул. Сумата од 150 милиони евра, Њукасл ја вложи во Ник Волтемаде и Јоан Виса.
Напаѓачот на Штутгарт, Волтемаде пристигна во клубот пред неколку дена, а до крајот на денот, Виса ќе потпише договор со клубот од „Сент Џејмс Парк“.
Виса, во Њукасл доаѓа од Брентфорд во трансфер вреден 55 милиони фунти (околу 63,5 милиони евра). Клубовите се договориле, половина од сумата Њукасл да уплати веднаш, а половина наредната година. Во договорот постои клаузула која му гарантира на Брентфорд 25 отсто од наредната продажба на фудбалерот.
Виса, кој постигна 49 гола на 149 натпревари за Брентфорд, беше продаден откако во објава на Инстаграм го обвини клубот за прекршување на договорот и побара од сопствениците и директорите на клубот да го исполнат своето ветување и да му дозволат трансфер за да мопже да напредува во кариерата.
Напаѓачот од Конго јавно се пожали дека „клубот неоправдано му стои на патот и покрај низата фер понуди во текот на летото“, кои, како што тврдеше тој, биле договорени и ставени на хартија.
Виса во 2021 година дојде во Брентфорд од Лориен. Минатата сезона беше еден од најдобрите напаѓачи во Премиер лигата, постигна 19 голови.
Фото/ Принтскрин