Спорт
20 години од „подарокот“ од небо за Лацио и „потопот“ на Јуве во Перуџа (Видео)
На 14 мај 2000, Лацио стигна до својата втора титула во историјата на римскиот клуб, прва по 26 години на еден речиси невозможен начин кога Серија А беше на врвот на својата популарност, но и можеби на својот квалитет.
На крај на март таа година, Јувентус на Карло Анчелоти имаше 9 поени предност пред Лацио на осум кола пред крајот, но потоа загубија од Милан, дома од Лацио и од Верона, за ситуацијата да биде сосема израмнета во финишот на сезоната.
Сепак, пред последното 34. коло, Јуве беа први со 71 поен, додека Лацио беа втори со два поени помалку. Јувентус требаше да гостува кај Перуџа, додека Лацио на „Олимпико“ ја пречека Реџина.
Додека Лацио стигна до лесна 3:0 победа над Реџина, мечот Перуџа-Јувентус стана легендарен, но и контроверзен. На стартот на мечот на „Ренато Кури“ во Перуџа, беше сончево и без облаци, но на полувреме почна да врне силен дожд и град. Откак „потопот“ го наполни теренот со вода, судијата Пјерлуиџи Колина мораше да го одложи стартот на второто полувреме за 82 минути.
Кога, полувремето, конечно започна, по само четири минути Алесандро Калори, инаку дефанзивец, успеа да ја смири топката на гради и го совлада Едвин ван дер Сар.
Во Рим, победата на Лацио беше помогната со два гола од пенал – првиот го постигна Симоне Инзаги, сегашниот тренер на клубот, а вториот беше дело на Хуан Себастијан Верон. Диего Симеоне го запечати мечот, а свој последен меч во кариерата имаше Роберто Манчини, сегашниот италијански селектор.
Судбината пак се поигра со Јуве – во 1976 година „бјанконерите“ ја загубија титулата во последното коло со 1:0 пораз на гости кај Перуџа, со што Торино стана шампион. Стрелец на мечот? Ренато Кури, трагичниот лик на италијанскиот фудбал, по кој подоцна беше именуван стадионот во Перуџа. Кури ќе го загуби животот во 1977 година од срцев напад, иронично, на меч против Јувентус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Аморим има сериозни кадровски проблеми пред мечот со Борнмут
Менаџерот на Манчестер Јунајтед, Рубен Аморим, се соочува со сериозни кадровски проблеми пред дуелот со Борнмут, кој ќе се игра во понеделник навечер на „Олд Трафорд“, во рамките на 16-то коло од Премиер лигата.
Португалецот потврди дека Хари Магваер и Матијс де Лихт дефинитивно се надвор од тимот поради повреди, додека настапот на Брајан Мбеумо е под знак прашалник поради здравствени проблеми.
„Магваер е надвор од тимот. Де Лихт е надвор од тимот. Мбеумо имаше труење, ако можам така да кажам. Ќе имаме уште два тренинзи и ќе ја процениме ситуацијата“, рече Аморим.
Африканскиот куп на нации носи и дополнителна неизвесност, поради што Јунајтед се обидува да добие одобрение за да можат Мбеумо, Амад Дијало и Нусаир Мазрауи да играат против Борнмут пред да им се приклучат на своите репрезентации.
„Сè уште сме во разговори со националните асоцијации. Натпреварот е во понеделник, тие се тука, тренираат и ги подготвуваме сите можни сценарија“, објасни Аморим.
Foto/ depositphotos
Спорт
(Видео) Гризман не дозволи изненадување на „Метрополитано“
Фудбалерите на Атлетико, во Мадрид ја победија Валенсија со 2:1 во натпреварот од 16-тото коло на Ла Лига.
По два порази по ред во шпанското првенство, „Јорганџије“ ги пречекаа „Лилјаците“, кои никогаш не загубиле четири натпревари во низа пред овој дуел.
Атлетико, влезе како фаворит, но добр се намачи за да ги освои бодовите.
Капетанот Коке ги доведе домаќините на „Метрополитано“ во водство во 17-та минута од натпреварот и тоа беше сè од екипата на Диего Симеоне во првото полувреме.
По половина час игра, Валенсија израмни, но голот на Пепелу беше поништен поради офсајд, а Атлетико отиде на полувреме со минимална предност.
Во продолжението, Белтран, по добра акција, постигна убав гол од работа на шестаесетникот во 63-та минута.
Валенсија имаше реми само 10 минути. Гризман му ја врати предноста на Атлеитико. Негов 14-ти гол во кариерата против овој противник.
Целата акција беше брилијантна, од додавањето на Марк Пубил, топката леташе 40-тина метри, до приемот и ударот на Гризман, по кој втор пат се тресеше мрежата на Агирезабала.
До крајот на натпреварот, три минути по голот на Гризман, Александе Серлот, постигна гол, кој беше поништен порад фсајд по интервенција од ВАР собата.
Атлетико моментално е четврти со 34 бода, седум повеќе од петтопласираниот Еспањол со два натпревари помалку. Валенсија има само 15 пони и се наоѓа на 16-то место.
Foto/ depositphotos
Спорт
(Видео) Хаос во Калкута поради Меси: Навивачите кршеа столчиња и влетаа на теренот
Посетата на Лионел Меси на Индија се претвори во тотален хаос на стадионот „Солт Лејк“ во Калкута, каде разочарани навивачи кршеа столчиња, фрлаа предмети на теренот и ја влетаа на теренот, откако престојот на фудбалската ѕвезда беше многу пократок од очекуваното.
Илјадници навивачи платија до 12.000 рупии (околу 100 евра) за да го видат Меси во живо, но останаа фрустрирани бидејќи аргентинскиот фудбалер само кратко време шеташе по теренот, додека поголемиот дел од времето беше во толпата меѓу политичари, службени лица и познати личности.
Кога обезбедувањето го отстрани Меси од стадионот по околу 20 минути, дел од публиката го изгуби трпението. Навивачите почнаа да кршат седишта, фрлајќи пластични столчиња и шишиња, додека некои ги пробија заштитните огради и истрчаа на теренот, уништувајќи транспаренти и шатори поставени за настанот.
„Само политичари и актери беа околу Меси. Тогаш зошто нè повикаа? Плативме 12.000 рупии, а дури и не му го видовме лицето“, изјави еден навивач за индиската новинска агенција АНИ.
🤦What a shame! Angry Messi fans are vandalising the Salt Lake Stadium in Kolkata
Indian supporters are furious that the footballer showed up for just 10 minutes — and they couldn’t even get a proper look at him. https://t.co/dhmtCAqazz pic.twitter.com/Bfx5QjzNln
— NEXTA (@nexta_tv) December 13, 2025
Лионел Меси е во Индија како дел од промотивната „ГОАТ Тур“, која вклучува настани во Калкута, Хајдерабад, Мумбаи и Њу Делхи.
Турата започна со презентација на статуа висока околу 21 метар, која беше составена во Калкута за 27 дена, но беше откриена виртуелно од безбедносни причини.
Затоа илјадници навивачи се упатија кон стадионот, носејќи дресови на Аргентина, транспаренти „Го сакам Меси“ и го скандираа неговото име.
И покрај инцидентот, интересот за Меси во Индија останува огромен. Во раните утрински часови, илјадници луѓе се собраа пред хотелот каде што престојуваше фудбалерот на Интер Мајами, надевајќи се дека ќе го здогледаат.
„За мене ова е лично. Јас сум низок и го сакам фудбалот, па затоа отсекогаш се идентификував со Меси. Неговиот талент ми дава надеж дека можете да направите сè ако верувате во себе“, изјави за Би-Би-Си Хитеш, 24-годишен адвокат кој патувал речиси 1.900 километри од Бангалор.
Како дел од турнејата, навивачите можеа да ја посетат и фан-зоната „Хола Меси“, каде што има реплика во природна големина на фудбалерот, изложени трофеи и реконструкција на неговиот дом во Мајами.
Foto/ depositphotos
Ахмети од протестот на плоштадот „Скендербег“: Процесот во Хаг треба да заврши со ослободителна пресуда
Лидерот на ДУИ, Али Ахмети, денеска се обрати на протестот што се одржа на плоштадот „Скендербег“ во Скопје, организиран во...
Рената Дескоска избрана за потпретседателка на Венецијанската комисија
Професорката по уставно право и поранешна министерка за правда, Рената Дескоска, е избрана за потпретседателка на Венецијанската комисија. Како што...
(Видео) Жената во Гостиварско била застрелана пред да биде закопана во дупка, покажа обдукцијата
Завршена е обдукцијата на 53-годишната жена која беше пронајдена почината во атарот на гостиварското село Неготино. Според првичниот наод, таа...
Македонија воздржана за резолуцијата на ОН за обврските на Израел
Македонија гласаше воздржано на седницата на Генералното собрание на Обединетите нации за резолуцијата што се однесува на обврските на Израел...
ВМРО-ДПМНЕ: Филипче се претставува како противник на мигрантите, а во 2018 туркал камп во Бардовци
ВМРО-ДПМНЕ денеска го обвини претседателот на СДСМ, Венко Филипче, дека јавно настапува како противник на мигрантите, додека за време на...
СДСМ: За мигрантите мора да одлучува Собранието, а не општините
Собранието, а не општините, мора да одлучува за прашањето со мигрантите, соопшти денеска СДСМ, оценувајќи дека премиерот Христијан Мицкоски со...
Трамп, Бил Клинтон, Бил Гејтс се појавија на новите фотографии со Епштајн, претседателот се оградува: „Не знам ништо за тоа“
Претседателот на САД, Доналд Трамп, рече дека не знае ништо за најновите фотографии поврзани со Џефри Епштајн, одговарајќи на новинарско...
ЕУ ја потврди одлуката за замрзнување на руските средства на неопределено време
Денес, Европската унија ја потврди одлуката за замрзнување на средствата на руските централни банки лоцирани во Европа на неопределено време....
Ѓорѓиевски: Скопје конечно добива Луна Парк
Градоначалникот на Град Скопје, Орце Ѓорѓиевски, денес ја најави долгоочекуваната реализација на проектот за новиот Луна Парк, значајна инвестиција што...
Советниците на ВМРО-ДПМНЕ со иницијатива до советите за документ дека ќе нема мигрантски кампови
Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во...
Двајца млади скопјани најдени починати – едниот во напуштена куќа во Центар, другиот во дом на пријател во Кисела Вода
Двајца скопјани на возраст од 25 и 36 години биле пронајдени починати во текот на изминатото деноноќие. Според информациите од...
Мал авион се урна во Мавровското Езеро, едно лице повредено
Мал авион денес се урна во Мавровското Езеро. Во авионот имало две лица, од кои едното е повредено, потврдија од...
(Видео) „Наместо студен камен, никнуваат дрвја што ќе растат“ – засадени 63 јавори во спомен на починатите во „Пулс“
Во Кочани се засадени 63 јавори, по еден за секој млад живот згаснат во пожарот во дискотеката „Пулс“. „Овој чин...
84-годишник се обидел да убие жена во хотел во Куманово, поведена истрага
Основното јавно обвинителство Куманово донесе Наредба за спроведување истражна постапка против едно лице поради обид да изврши кривично дело –...
Над 40 автошколи под сомнение дека договарале цени за обука
Постојат индиции дека 40 авто – школи во земјава договарале цените за обука на возачи. Комисијата за заштита на конкуренцијата...
Спасовски 3 месеци го кочел затворањето на станицата за технички преглед во Сарај и овозможил незаконски профит од 90.000 евра, ЈО да реагира, бара ВМРО-ДПМНЕ
„Оливер Спасовски овозможил противзаконско богатење на фирма во Сарај, со што фирмата се здобила со противправна имотна корист во висина...
Почината жена пронајдена во дупка во атарот на гостиварско Неготино: за едно осомничено лице одреден краткотраен притвор
Јавен обвинител од Основното јавно обвинителство Гостивар во текот на ноќта изврши увид во атарот на гостиварското село Неготино, каде...
СДСМ: Милошоски најавува мигранти за пари, ама со променет статус во економски работници
„Планот на ВМРО-ДПМНЕ за примање мигранти во Македонија е целосно разоткриен. И не се само пишувањата на британските и светските...
(Видео) Шефот на НАТО: „Ние сме следната цел на Русија, немаме време“; Москва одговори
Генералниот секретар на НАТО, Марк Руте, денес ги повика сојузниците да ги засилат одбранбените напори за да спречат војна што...
(Видео) Австралиец скокаше од авион, падобранот се заглави во опашката: драматичен инцидент на 4.500 метри
Австралиското биро за безбедност на сообраќајот (ATSB) објави снимка од падобранец чиј падобран се заплеткал во опашката на авионот среде...
